¹ Cho nja thinganyeka hali yange babenya ngwange kunjikaija lalo kuli yeni na kumithzibitha buthiwa. ² Nga njamithzibithile buthiwa,iyajo aka nji bwaeltha kubanga baje lika njathzibithile buthiwa yange? ³ Echi chikecho chinjasonekelele linga umwo njikaija kuli yeni kethi bakanjithzibithe buthiwa baje bana pandele kunjibwaeletha.Omwo njikakulahela ngwange kubwahelela kwange kunapu kubwahelela kweni muba boshe. ⁴ Njamisonekelele natuyando manene. ng'ababa ku mbunge,na mithothzi manene,kunjatondele ku mithzibitha buthiwa,oloni,njatondele ngwange mutanekeye chithemo chakwithi chije njili na cho hali yeni. ⁵ Oloni nga umo nalingi buthiwa, kabulingile lika kuli yange,oloni,kuboshe - kethi ku milemu witha - kuli yeni boshe. ⁶ Oku kunyanyametha kwa munu umo kuli banu boshe kunatelamo. ⁷ Choni kwakujeneka ku muthzangametha,mwatela kumuthambetha,na kuthembeleka.Lingenei echi linga ikeye kethi bumutumine manene buthiwa. ⁸ Cho njimilomba ngwange muka mumwethe chithzemo cheni hali ikeye. ⁹ Bikabyo njamisonekelele,linga nji myetheke nakuthzibuka bati munononoka mu byuma byoshe. ¹⁰ Ngwe mu uma chimo - bana chithambetha chuma chimo - bana chithambetha ha mulonga weni ku mesho Kilisitu. ¹¹ Echi chinapu muje linga Satana kethi akatukwithe.Mwafwa kutwapwile bakujeneka kutanekeya matumbe endi oshe. ¹² Chikolo banji shokwelelecho kuli Shukulu omwo njetele ku nganda ya Tolowasi mu kwambulula lijwi lya kilisitu kuje. ¹³ Njalinyenegele manene mu mwonyo wange mwafwa kunjawaneneko ndolome yange Tito. Cho njabathethzele njaile ku Misopotaniya. ¹⁴ Oloni kukandelela kuli Njambi,muli Kilisitu thimbu yoshe muka kututwamenena mu kutwohela. Mukati ketu a sholola bweko bwa lubwa lwa kumuthzibuka kwoshe kwoshe. ¹⁵ Oloni kuli Njambi tunapu bweko bwa bubwa bwa Kilisitu,kuli boshen baje banoboka na hali baje bali na kunyongwa. ¹⁶ Kuli banu baje baka kunyongwa, tunapu lwengo lwa kutunda ku bathsi kuya ku buthsi.Kuli baje baliu na kwoboka, tunapu lwengo lwa kutunda ku mwonyo kuay ku mwonyo.Iyajo nafwila ebi byuma? ¹⁷ Omwo kutwafwile ngwe banu babengi baje bali na kulandulula lijwi lya Njambi naku waneneho nganyo.oloni,nabiyongola bya kujela,twendeka muli kilisitu,banatutumu kuli Njambi,ku mesho a Njambi.