¹ Paulu,muluwa wa Kilisitu Yesu ku chithango cha Njambi,na Timoteya ndolome yetu,ku chikungulukilo cha Njambi chili ku Kolinte,na ku bana boshe ba Njambi bakujela mu mutambela wa Allaya. ² Kutetela kukale kuli yeni na kwoloka kutunda kuli Njambi tate na shukulu Yesu Kilisitu. ³ Tukandelela kuli Njambi ishe ya shukulu Yesu Kilisitu.Tate wa mema kumbunge na Njambi muka kuthembeleka. ⁴ Njambi muka kuthembeleka mutuyando twetu twoshe,ngechi netu twathe kuthembeleka baje baki mutuyando twakulifwa na twetu nakuthembeleka kuje kwatuthembelekele nakwo Njambi. ⁵ Ngwe omwo tuyando twa Kilisitu tunapu hali yetu,mukemwo lalo kuthembeleka kwetu kunatumu hali Kilisitu. ⁶ Oloni nga tuyanda,kunapu kuthembeleka an kwoboka kweni;nambe ngwe banatuthembeleka,kunapu kuthemebelak cheni,kuthemebeleka kweni kuli na kupanga mwa mubwa mu kukakateya mutuyando tuje netu lalo tulinakuyanda. ⁷ Chinyangabili chetu muli yeni chinakolo,omwo tunathzibuka ngwetu omwo mulina kunalipangela tuyando,cho lalo muli nakulipangela kuthembeleka kwetu. ⁸ Omwo kutushaka kumyanukitha,bandolome,ha tiuyando twakele natwo mu Asiya.Byalemuwile kuhyana binzthili byetu cho kutwakele na chinyangabili cha kuyoya. ⁹ Mwa buthunga,twakele na mulonga wa buthsi. Oloni echi chatumbwithile yetu kwaka chinyangabili chetu muli yetu babenya,oloni muli Njambi,mukakuthangula bathsi. ¹⁰ Watu tundithile mubushonde bwakama bwa kuthsa,cho akatwobola,muli ikeye muli chinyangabili chetu ngwetu akatwobola. ¹¹ Akalinga echi muje mutukwatha mukulombela.Cho bababengi bakkandelela hamulonga wetu ha bwana bwa bubwa buba natwana mukwitila muma lombelo ababengi. ¹² Omwo kulyaletha kwetu oku:chitakutaku chetu china sholola kuyoya kwetu hano ha kaye mukujela na mubuthunga.Kethi mukukulahela mana a mubila wa thitu oloni ha chikeketima cha Njambi. ¹³ Kukwethi bije tukathoneka bije kuwatha kutonda na kuthzibuka,cho chitaku taku change ngwange mwathe kuthzibithitha ¹⁴ ngwe muje mwa tolilile mubamo,linga mukalishashe hali yetu halitangwa lya Shuluku Yesu,ngwe muje tukalishasha hali yobe. ¹⁵ Oloni njathzibukile ebi byuma,hakulibanga njatondele kwija kuli yeni,linga mukathe kuatnmbula bwana bwa kutetela bwa muchibali. ¹⁶ Njayongwele kwija na kumimenekela ha bungethzi bwange bwa kuya ku MIsopotaniya.Njatoindele lalo kwija nakumimenekela mukwiluka habungethzi bwange bwa kufutnda ku Misopotaniya,cho yeni mukanjithindikiye mu kuya ku Yundeya. ¹⁷ Omwo njayongwele echi,nkumani njakele na bimbunge bibali?njikayongola byuma bya thitu,linga njendeke ngwange "Eyo,yes" nambe "embwe,embwe" hathimbu imolika ndi? ¹⁸ Oloni omwo Njambi wapwa muka buthunga,majwi etu kuli yeni kethi "Eyo" nambe "Embwe." ¹⁹ Omwo muna Njambi,Yesu kilisitu,uje wa ku Silase,Timoteya nange bene twambulwile kuli yeni,kethi ikeye, "Eyo" nambe "Embwe." choni,thimbu yoshe wapwa "Eyo." ²⁰ Omwo bikulahetha bya Njambi byapwa "Eyo" kuli ikeye.Cho lalo kwitila muli ikeye tukendeka ngwetu "Ameni" ku bumpahu bwa Njambi. ²¹ Oloni Njambi ikeye muka kutakametha muli yobe kuli kilisitu,cho watubwabwethele, ²² uje naka chithzibukitho chendi hali yetu cho watwanene munthzinzthime wa kujela mubimbunge byetu ngwe chishimbikiya cha bije bikaija. ²³ Oloni,njitumbule Njambi kupwa mukaleho ku mwonyo wange chikecho chuma kunjethzilileko ku Kolinte linga njimitetele. ²⁴ Echi kethi ngwe tulinakutonda tutengulula likulahela lyeni,choni,tunapu boshe bakabipangi mukubwahelela kweni,muje mukemana mukukoletha mu kukulahela.