¹ Muomu vene, Yesu uayandele mumusuni, mwatela kuliviukisa naku singanyeka muomu uose uayandele muvumuntu ncela kufuma kuvubi. ² Ngecize visupo uze muntu ua hantsimbu uze muntu yakatu mamisi, hantsimbu mu cizango ca Njambi. ³ Muomu hantsimbu yahitile yapuile kulienu hakulinga viuma via vaze vakavifuti, vazeze vaka vupangala, cipulutu, kunua vuala na pendana viuma kukombelela. ⁴ Vekusinganyeka vantu cakuko moka hakuhona kulipandakana navakevo. Vakakulinga via vipi, vekuhandeka haliove. ⁵ Va kahana milonga kuli vaze vakuyoya navaze vakakutsa. ⁶ Ha cuma cikeko omezi va tangesele kuli vaze vakukutsa, kaha naua, cipue va va sompesele hamuvila ua vusitu vaku yoya mumuzimu muze mue kulinga Njambi. ⁷ Hakakuma caviuma cili muhieti. Vunoni silikinienu kati mupende nakukala na mutima na kulundila ntsimbu yose. ⁸ Kaha mbakana viose, muatela kulizanga umo na mukuavo, zangi yekufuika indzi yayingi yose. ⁹ Ononokenu enu vavene cakuhona kuninguola. ¹⁰ Ngueku umo umo umo muatambuile vuana muatela ku cizatesa umo na mukuavo ngecize muali kanyungi ua cili ua ngozi ya Njambi munkeke munjilamueka. ¹¹ Ngue umo ahandeka catela kukalo kumezi a Njambi. Ngue umo, apange, ngue ku ngoloya namuhie Njambi ue kuhana. Pangenu muzingolo zia Njambi linga viuma viose vipangeue kuhitila muli Yesu Kilistu. Vakapua kuli Yesu Kilisitu vumala nazingolo haya miaka yose. Amena. ¹² Enu vacilemo, kati mukomoke ku mavukalu muli nakuhitamongue tuhia vaze vasolokele kulienu, uli nguove ngue vuma vinamisolokela ngue mukumieseka. ¹³ Kaha vuno, zolelenu muli na kuyanda uange cize mua hitile Yesu Kilistu, mukakale ndzolela, kaha nenu naua mu kazoliele nenu naua mu viukilile na vumpahu na ndzolela. Nenu nawa mukaha sakuilila nandzolela. ¹⁴ Ngue vali naku mitukuzioa halizina lia Yesu Kilistu, muna vezika, muomu muzimu ua kulela ua Njambi uli na kuhiu ma muli enu. ¹⁵ Cipue ngoco vene kati muntu na umo uahi kati ayande akale citoji muizi, ualinga via vipi cipue kulihaka mu vihande via vkuavo. ¹⁶ Ngue muntu nayandeua halizina liamu kalucilielo kati evue nsoni, muecenu, alemese Njambi halizina lieni. ¹⁷ Montsimbu yakusompesa hakuputuka kundzivo ya Njambi. Ngue yina putuka kulietu kaha cikakafua vati kuli vaze vana viana kukavangeya mezi a Njambi? ¹⁸ "Kaha ngue cacikalu kulivaze vaka vusunga vaka vovole, vuno cikafua vati kuli uze ke kuivua vuoma Njambi kaha muka inzi?" ¹⁹ Kaha naua ecenu vaze valinga muaya mutima ua Njambi ua tualele kuhetetesa miono yavo ku ntengi ua kulinga mua cili.