¹ Ngoco mbilenu kuti vupi vuose, yose indzi, kukokola kuli veya, na viose via ku tuaha. ² Ngue vakemba va ku semuka vuovuno, sungui yenu mavele a cimbembesi aze ka esi na kukokola linga mu kule nao ku vuovoke., ³ nga mu na makela ngue Muangana ikeya ua cili. ⁴ Tua yenu kuli ikeye liue lia muono lize liva vianene vantu, vunoni ka kele ca kusakula kuli Njambi ivene. ⁵ Nenu naua ngue mavue a muono vali naku tunga mu kale cimbembesi ya ndzivo mupue vasasandote va kulela linga mu kambeleye vikombelo via ku cimbembesi vina lema Njambi kuhitila mu Yesu Kilisitu. ⁶ Muvisoneka evi: "Talenu, njalia langa mu siono livue lia ku hiana lia mbanga, lia kuhangula, seho ya kama kama.Vose atsiliela muli ikeye ntsoni kaika mu kola." ⁷ Ngoco vene, kulienu vakua ku tsiliela. Kuli vose kava tsiliela, "Livue lize liva vianene vakua ku tunga, likelio vene lina lingi mutue ua mbango." ⁸ Kaha, "Livue lia kuntsuisa na livue lie kulavesa kumitima." Muomu va suntsuka ku lizi lize vali na lisino eli veku linga. ⁹ Vunoni eenu munapu vantu vakusakula, enu sasandote va vuangana, cikota ca kulela, vantu va nafuku Njambi ivene, linga muka tambeka vuviuke vua ku hiana via uze ua mi sanene mu fume mu milima linga muize ku ceke ceni caku komouesa. ¹⁰ Enu laza kamua puile mu vantu, vunoni muli vantu va Njambi. Kamua tambuile cikeketima, vunoni mua tambula cikeketima. ¹¹ Vaka cilemo, nji milambelela ngue vangendzi na viendangane kuli kela ku masungua vusitu, a keko akulua netzita na muono. ¹² Lingenu vilinga via kuvuika ha kati ka vakua vifuti, linga muze mu va muvangela ngue va ka kulinga vupi, vakevo omo vize viva mona ha vilinga vienu via ku viuka na hana ku zumbangeya Njambi ha litangua lia ku hilula. ¹³ Ononokenu kumezi ose alisiko a vantu muomu Muangana. Ononokenu kuli vose vanapu muangana ngue mu kaku hiana, ¹⁴ cipue ku va nguvulu, ngue a vava ana tumu muku lingula vakua ku linga vipi na vakua kulinga muacili. ¹⁵ Muomo cikeko cizango ca Njambi, nguecize na vilinga via cili mu payese ndzimba ya vantu va kua kusinama. ¹⁶ Ngue vantu va kuzituka, kanda muzatese kuzituka cenu ngue cifuico ca vipi, unoni linungenu ngue vandunga va Njambi. ¹⁷ Singimikenu vose vantu, lemenu vana va nokuenu. Ivuenu vuoma na Njambi. Singimikenu Muangana. ¹⁸ Vandungo, Ononokenu ku vasukuluenu na vuoma vuose. kati kuli va ka kukonkama lika, vunoni kuli ava va vakalu naua. ¹⁹ Muomo eci cikeko kavumbi, muomo ua ku tava kuli Njambi, muntu a kolesa ku tuyando muku yanda ngoco na mulonga uahi. ²⁰ Muomo mu ka lipambela kaha nga omo mu na lingi via vipi kaha vami vetelavio nga mu liko lesa na lukatela? Vunoni nga omo mu ulinga cikco kavumbi ku meso a Njambi. ²¹ Muomo vikevio vamisanene, muomo Kilisitu ua mu yandelele enu. Ua mi sililile citambuiso linga mu kale mu zingano. ²² "Ikeye kalingile vupi, cipue ku kokola ka va ci uanene mu kanua keni. ²³ Omu va mu sanile, ikeye naua kava sauile. Omu va yandile, kali halele naua, vunoni ua likundikile kuli uze a sompela na vuvuike. ²⁴ Ikeye ivene ua mbatele vupi vuetu muvila ueni ku mutilinga etu mutu na tsi ku vupi tuyoye ku vuvuke na mikiki yeni mu na kanguka. ²⁵ Muomu enu mua kele na kuzimbala ngue vampanga, vuovuno mua hiluka kuli kanyungi ikeye mukuluntu ua miono yenu.