¹ Uose atsiliela ngecize Yesu ikeye Kilisitu na semuua kuli Njambi, na uose alema uze ua mu semene alema naua ou na semuua kuli ikeye. ² Mukemuo tuatankekeya ngecize tu lema vana va Njambi: Omo tu lema Njambi naku niunga mezi alisiko eni. ³ Muomu eci cikeco cilemo ca Njambi: Ngecize tu niunge mezi alisiko eni. Na mezi alisiko eni kati a akalu. ⁴ Muonu viose via semuua kuli Njambi vi hiana via ha mavu. Kaha ku hiana eci civula via mavu, cikeco ku tsiliela cetu. ⁵ Kaha iyandzo umo ahiana via ha mavu? Kuvanga umo ou atsiliela ngecize Yesu ikeye muana Njambi. ⁶ Kaha ou vene ikeye ou uezile na mema na maninga: Yesu Kilisitu. Kezile na mema lika, vunoni na mema na maninga. ⁷ Kaha vali va tatu kuambulula vukaleho: ⁸ Na muzimu, na mema, kaha na maninga. Ava va tatu va litava iana mumo. Hali vimo vilemu viasalele muvisoneka via va Ngileki via zimbula, kaha vakala va tatu va sulisisa hamavu: Kaha mizimu, kaha mema, namaninga, kaha va tatu vali umo? ⁹ Ng tutava kuvukaleho vua vantu, vukaleho vua Njambi, vua hiana. Muomu vukaleho vua Njambi vukevua ovu ngecize ikeye na ambulula vukaleho vua muaneni. ¹⁰ Uze amutsiliele ali muli muana njambi ali na vukaleho muli ikeye ivene. Uze ka tsiliela Njambi na mu puisa mukua makuli, muomu ka tsililiele vukaleho vuze vua na ambulula Njambi vua muaneni. ¹¹ Vukaleho vuze vukevuo ovu; Njambi na tu luie muono ka ueku lua ua ya- ye, na muono ou uli muli muaneni. ¹² Ou ali na muana ikeye alina muono uze. ou kesa na muana Njambi muono uze kesi nauo. ¹³ Nji na mi sonekela viuma evi linga mu tantekeye ngecize mu lina muono ka ue ku hua ua ya- ye ku lienu va kua ku tsiliela mu lizina lia muana Njambi. ¹⁴ Olu, lukeko lutsilielo lutuli nalio kuli ikeye, ngecize tu vundila vimosi via vitombola na cilemo ceni, ikeye a ku tuivua. ¹⁵ Kaha, nga tua tantekeya ngecize aku tuivia etu evi viose vituku mu vundila nga tua tantekeya ngecize tuli na vivundilo vitua mu vundila. ¹⁶ Umo nga a mona muanaye ali na ku linga vupi vukevuo kati vua ku tsa, ikeye aka mu vundikilako, kaha Njambi a kamu hanena muono. Kuli vaze va linga vupi vukevio kati via kutsa; Kanjesi na ku handeka nguange amu vundilileko cahi. ¹⁷ Vuhenge viose vukevua vupi, kaha kuvuli vupi vukevuo kati vua kutsa. ¹⁸ Tua ziva ngecize uose uze na semuua kuli Njambi vupi ka vu linga. Vunoni ou ua semuuile kuli Njambi ikeye aliniunga, kaha uze mukua vupi ka mu saleka livoko. ¹⁹ tua ziva ngecize etu tua fumu kuli Njambi, kaha tua ziva na mavu ase a kundama kuli uze mukua vupi. ²⁰ Kaha tua ziva ngecize muana Njambi neza kaha na tu hie mana linga tu zive ou ua vusunga. Kaha, netu tuli muli ikeye ua vusunga, muli muaneni vene Yesu Kilistu. Ou ikeye ua vusunga Njambi na muono ka ue ku huua ua ya-ye. ²¹ Vana va vandende, litengienu enu vavene ku ma hamba.