¹ Talenu muyati uka uacilemo tata uanatuhie etu, uatusane nguavo vana va Njambi. Kaha omu mukeko mutuli. Hakulinga omu, lifuli kalia tazivele etu muomuo kaliamuzivele ikeye. ² Vacilemo, tuli vunoni vana va Njambi, kaha kanda vasolola omu mutukakala. Tuaziva nguetu tsimbu yali kasoloka Kilistu, tukalifua ngue yikeye, omu mutukamumono ikeye ngue omuvene muakala. ³ Uose uze alinalutsilielo muli ikeye alibukise yivene ngue omu muakala ikeye muvuka. ⁴ Uose uze ekulinga sili ekulinga kuluua, sili yapua kuluua. ⁵ Muaziva nguenu Kilistu uamusoluesele mangana ambate sili, kaha muli ikeye kamuesi sili. ⁶ Naumo uahi akukala muli ikeye akulinga sili, noumo uahi uze akutualelelaho na sili oku namumono ikeye cipue kumuziva ikeye. ⁷ Vana, kati muece uli uose kumituamenena muamupi. Uze uose ekulinga muavololoke ua kuoloka, ngue Kilistu ua Kuoloka. ⁸ Uze uose akalinga sili afuma kuli santana, muomu santana avulumuine kufuma kukuputuka. Hakulinga omu muana Njambi uamusoluesele, mangana enyeke vipangi via santana. ⁹ Uze uose asemuka kufuma kuli Njambi kekutualelelaho nakuvulumuna, muomuo mbuto ya Njambi yasala muli ikeye. Kuli kutualelelaho kulinga sili muomu vamusema kuli Njambi. ¹⁰ Muli ava vana va Njambi kaha navana va santana vakava solola: Uze uose kalikalinga via kuoloka kafumine kuli Njambi, kaha ikeye umo uze kazangele vamuanetu. ¹¹ Ou ukeko muzimbu umwabuile kufuma kukuputuka: Tuatela kulizanga umo namukuavo. ¹² Katuatela kulifua ngue kena, ou afumine kuli santana kaha atsitile tsongo yeni. Amutsihililile vika ikeye? Muomuo vipangi vieni viakele via santana kaha viatsongoyeni viakele viakuoloka. ¹³ Kati mulikomokele, va muanetu, ngue lifuti liamizindi enu. ¹⁴ Tuaziva nguetu tuafumu mukutsa nakuingila mukuyoya, muomuo tualema vamuanetu. uze uose kalemene akasala mukutsa. ¹⁵ Uze unse azinda muanetu napu muka kutsiha. Muaziva nguenu uahi mukakutsiha akakala namuono uahaya muaka muli ikeye. ¹⁶ Hali evi tuaziva cilemo, muomuo Kilistu atsililile muono ueni hali etu, netu naua tualela kutsila miono yetu hali vamuanetu. ¹⁷ Vunoni uze uose alina viuma vialifuti. Kutala vamuanetu vana kuvitonda, kaha nasoko kumutima ueni kumubuila ngozi cahi ikeye, kaha cilemo ca Njambi cikusala vati muli ikeye? ¹⁸ Vana vange, ecenu etu kati tuleme mumezi cipue mu malimi, vunoni muvilinga na vusunga. ¹⁹ Hali eci tuaziva nguetu tuafuma kuvusunga, kaha tuatavesa mitima yetu kuli ikeye. ²⁰ Vunoni ngue mitima yetu yikutupayesa etu, Njambi nahambakana mitima yetu, kaha naziva viuma viose. ²¹ Vacilemo, ngue mitima yeu kayatupayesele etu, tuli vakuunda kuli Njambi. ²² Viose vitu kulomba tukutambula kufuma kuli ikeye, muomuo tunakulama kusindiya ceni nakulinga viuma vikumubuisa kuviuka ikeye. ²³ Eci cikeko kusindiya ceni: ngueni tualela kutsiliela mulizina lia muaneni Yesu Kilistu kaha na cilemo ci kusala muli ikeye. ²⁴ Kaha Njambi akusala muli ikeye. Hali eci tuaziva nguetu nasala muli etu, hali muzimu uze uatuyele etu.