¹ Cize cakele kufuma ha katete eci citu nevu, citu nameno na meso etu, eci citunatale kaha mavoko etu a kuatako- calizi lia muono ² Kaha, muono vaulingisile va vizive, kaha tuaumono kaha nakuambulula vukaleho. Tuna kuambulula ku lienu muomo ua haya miaka, ou ua kele na Tata, kaha va u puisa ku uziva ku lietu. ³ Cize citu na mono na kuivua etu tu kuambulula ku lienu naua, mangana nenu naua muka kunguluke netu. Kuku nguluka cetu cili na Tata kaha na muana neni Yesu Kilisitu. ⁴ Ceka, tuli na ku soneka evi viuma kulienu linga ndzolela yetu ikambue yaku sula. ⁵ Ou ukeko muzimbu utu nevu kufuma kuli ikeye na kuaula ku lienu: Njambi ikeye ceeke, kahamuli ikeye ka milesi milima ncimo yahi. ⁶ Ngue tukuamba nguetu tueku kunguluka na ikeye na kuenda mu milima, tuna kuhandeka makuli kaha katu kulinga vusunga. ⁷ Vunoni nga tunguenda mu ceeke ngece muapua ceeke, tukukala na kukunguluka umo na mukuavo, kaha maninga a Yesu muaneni aka tukusa etu kufuma ku vupi vuose. ⁸ Ngue tu kuamba nguetu katuesi na vupi, tuli na kusueka vupi vuetu, kaha katuesi na vusunga mulietu. ⁹ Vunoni nga tu tava vupi vuetu, ikeye muka vuviuke aka tukonekela vupi vuetu naku tukusa etu kufuma ku viose. ¹⁰ Nga tu kuamba nguetu ka tua lingile vupi, tuna mupuisa mukua makuli, kaha na lizi lieni lia himo mulietu.