¹ Nabanusha ukuli pela kutangishi nesambu, nokubasumina, nokuli bambila kumulimo u-wakuwama kwamulimo, ² Nokubula ukubukulushapo neli umo, mweli pano mukulwa, nokutekanya, nokulimwenesha bumuntu kuli bonse. ³ Pakuci akale fwenbo tatwalipo nelangulushi nokupulaisha, Twali twelwe mushila ishita shilingile, nobunsha mumashila inshipusene nokwangala. Twalikele makumbifya mushi shakwangala, Twalikele mukubifya nokulitota, nabonse balitupaikile. ⁴ Lomba ili kunakila kwa baShikulu abakupulusha nokutemwa pamuntu kwanboneka, ⁵ Talikupwinga kwanbololokele, twakitile, lomba pano tali milimo yaba swetele iyo twa kinta, lomba kuluse lwakwe eko batupulwishe, ukupitila mukusamba mukufyalwa kwabukumo nokusangulwa kumupanshi uswetele. ⁶ Unbo baShikulu mukunoka kwanbo kababika pali fwenbo ukupitila mubakupulusha besa ba Yesu Kilishitu. ⁷ Pakuti twaba twaisushiwa noluse, kwebati tube abeni nokuketekela ubumi bwa myaka. ⁸ Ayamashiwi yakishika, ndukufwaya ukumikwasha palififi fintu. ukwebati abasumina muli baShikulu bengaba abakuli posa mukupyunga ifiweme. Ifi fintu fiweme kufipyungisha kuli bonse. ⁹ Lomba lekeni ukupunama kwa kutalikishanyakwa kifyanshi nolutonbo, nokulwa pamishilo. Fyalukoso kabili tafilipo neli kantu. ¹⁰ Mukuaneni u-uli onse ulenta ukwabana pakaci kenu, panuma yakimo nangu fibili ifya kukengesha. ¹¹ Pakwishiba abantu ukwaluka ukufuma kushila yakoloka nokwinba nokulishatisha umwine! ¹² Ili natumine Atema nangu Tuciko kuli mwenbo , endesheni nokwisa kuli nebo pa Nikopoli, uko nafwaile ukwikala mupepo. ¹³ Kiteni fyonse ifimwenga fwaya pakumituma mushila ku Sena, wakumi labilileko na Apolo, ukwebati benga puswa nangu fimo. ¹⁴ Abantu bense balilingile ukubasambisha ukulibikako mukupyanga ukuweme ifipela ukufwaya nokubula ifisenpo. ¹⁵ Bonse abali nanemo nabonse abali nanemo umutende, umutende kuli banbo abatutemenwe mulwitabilo uluse lube namwenbo bonse.