¹ Lomba mwenbo, lambilani ifingile nolwitabilo ukuba abasambishi. ² Sambisheni abakulu ukuba aba kuli kanya, ukulikefya, abakalongo, bakishika mulwitabilo, ukutenwa, abakulibikako mumikinto. ³ Namushila limo, basambisheni abanakanshi abakulu ukuba ababuleme nomushilo, Tali ababufi nangu abasha kukunwa umwangashi, sombi abasambishi abaweme, ⁴ Penka sambisheni bamoye ukutenwa bamwina kwanbo, nabana banbo. ⁵ Ukuba abakalango, ukupwililika, muku-wama ukusunga iñanda shanbo, nokuli kefya kuli bamwantawanbo, pakwebati ikyenbo kya baShikulu kyasebana. ⁶ Pano namushila imo lukoso, nakambisha abalalume abasakwa ukuba nakalango akaweme. ⁷ Mushila shone limwenesheni ikyakumwenako mumikinto iyaku-wamya. Mubusambishi mwene, ukulikefya nokulibambila, ⁸ Nokulunbuluka kwa mashiwi ukukila pakulufya, ukebati uyo onse umilengulila alengeshiwe isoni pakwebaci pakuti tabakwentepo ukubifya ukulambilapo palifwenbo. ⁹ Basambisheni abasha ukunakila bakapa yanbo muli fyonse, ukubasekesha talikuba patikisha yoo. ¹⁰ Tuli kubebila, lomba palififi ukubamwenesha ubulombe bwalwitabilo, kwebati mushila shonse benga pela ikilaka mubusambishi bwa baShikulu abakupulusha Lesa. ¹¹ Pakuti uluse lwa baShikulu lwali nbonekele kukupulusha kya bunta bonse. ¹² Pano filatusambisha ukufumaku fyabunseshi namalangulushi ya kyalo, nokwikala muli kanya, mukoloka, tulesa twikele muli kino kifyashi. ¹³ Ili tulukunpebelela kutangile ukupokelela amapense yakusumina ukutekela,ukunboneka kwabuleme bwa baShikulu abakupulusha Yesu Kilishitu. ¹⁴ Ba Yesu balipele abene palifwenbo kwebati batupulushe ukufuma kukonaulwa kwefunde nokulitubisha umwine kubantu abaswentele abali pela ukukinta ifiweme kumilimo. ¹⁵ Labileni palififi fintu, nbofweni abantu nokukintu, nokolola isabu shone, mweleka neli umo amibweshe panuma.