Ulwa mwine umukulu wabakemba; nefilimba fya kabesha. Isamo lya kwa Dafiti. ¹ Kuchikeni ku kwita kwangi kuli mwebo, ba yawe; langulukeni imilanguluko yangi. ² Kuchikeni kwishiwi lya kwita kwangi, mwe mfumu yangi na lesa wangi, pakuchi ni kuli mwebo ekondomba. ³ Ba yawe, ulukeelo mulomfwa ukulila kwangi; ulukeelo nkaleta ifyo nkabila kuli mwebo ne kupembelela kankekeele. ⁴ Ee tamulipo ni lesa uusekela mufibipile; abantu ababipile tabakabapo beeni benu. ⁵ Abalitota tabakemakane pa menso enu; mulipachile bonse abakita ifibipile. ⁶ Mwebo mukonaulla ababufi; ba yawe balipachile abamilukuchi kabili ne bantu ababepañana. ⁷ Pano pakuchi kuli nemo, pantu pakula yana kwabukishinka bwenu ubukulu, nemo nkesa munanda yenu; muku michineni nkafukama panshi kwenka kwitempeli lyenu ilya mushilo. ⁸ Mwe shikulu, ntangilileni mu bulungami bwenu pantu pabalwani bangi; lengeni inshila yenu ukooloka pantanshi yangi. ⁹ Pakuchi tamulipo bukine mutunwa twabo; bumuntu bwa mukachi kuli kubifya; ifikolomeno fyabo kabulika kyashi; balalabila ifibipile ne njimi shabo. ¹⁰ Bafwisheni ne milando, mweba lesa; lekeni amano abo aba kupona kwabo! bafumyenimo pakuchi pafyakubifya fyabo ifingi, pakuchi ba myalukilamo mwebo. ¹¹ Pano kuli babo bonse abekele kimfute kyenu basangal; lekeni bo balukubilika lyonse pakukusekelela pantu mwebo mulabakingilila bo; lekeni basangalile muli mwebo, abo abatemenwe ishina lyenu. ¹² Pakuti mwebo mukabashukisha abalungami, ba yawe; mukabashukisha abalungami, ba yawe; mukabashinguluka bo ne nkumbu kwachi bukingo.