¹ Penka abana ba Isuleli, ibumba lyonse, balile kumpanga yaku Zini mu mwenshi wakutanga; Balikele ku Kadeshi. Kwenka kulya eko milyamu afwile ne kushikilwa kwenka kulya. ² Lomba takwalipo amenda akwibumba, penka kababunganina Mose na Aloni. ³ Abantu kabalilishanya kuli Mose, Nokabalabila ati, ''Kyalile kutuwamina fwebo nga twali fwile lukoso ili aba byesu aba Isuleli bafwile kutangile yaba Yawe! ⁴ Mba nindo mwaletela bumba lya ba Yawe muliino mpanga mukufwa kuno, fwebo ne nama shesu? ⁵ Mba nindo mwatufumishi mu Ijipiti ne kutuleta muno mu ipusha iyibipile? Takulipo nkende ya mbuto, imikuyu, infaina, nangu amapone ngulunchi, kabili takuli ne menshi akunwa.'' ⁶ Penka Mose na Aloni balile ukufuma kuntanshi ye bungano. Balile kumulyango we tente lya makumanino ne kulaala ne mpumi panshi. penka ubuleme bwaba Yawe bwalimonekele kulibo. ⁷ Ba Yawe kabalabila kuli Mose ne kulabila ati, ⁸ ''Toola nkonto ne kubunganyaibumba, webo, na Aloni umukwanu. Labila kwibwe kuntanshi ya menso abo, ne kuli kambisha ukufumya amenda muli ne kubafumishila amenda ukufuma muli lilya libwe ne kulipela kukimasamasa naku nama shabo ukunwa.'' ⁹ Mose katola nkonto kufuma kuntashi yaba Yawe, kwati fintu ba Yawe bamukambishishe ukukita. ¹⁰ Penka Mose na Aloni kababungisha ibumba kuntanshi ye libwe. Mose kalabila kulibo ati, ''Umfweni pano, mweba kwalukile. Kani tumifumisheni amenda muli lili libwe?'' ¹¹ Penka Mose kaimya ukuboko kwakwe ne kupama mwibwe libili ne nkondo yakwe, ne menda kaafuma ayengi makosa. Ne kimasamasa kakinwa, ne nama shabo kashinwa. ¹² Penka ba Yawe kabalabila kuli Mose na Aloni ati, ''Pamulandu wakwebati tamwaketekele nemo neli ukukijika nemo kwati uswetele mumenso abana ba Isuleli, tawakaletepo ibumba mukyalo ikyo nabapele.'' ¹³ Iyi mpusha yalichilwe amenda aku meliba pamulandu abana ba Isuleli kabatoboko naba Yawe kwenka, kabili alililangishe kuli bo kwati uswetele. ¹⁴ Mose katuma abaluwe ukufuma ku Kadeshi ukuya ku mfumu ya Edoni: Umulongo wobe Isuleli alabile ifi ati: ''Mulishi ifyakukatasha fyonse ifyamoneka kuli fwebo. ¹⁵ Mulishi ukwebati abashakulu besu kabaya ku Ijipiti ne kwikala mu Ijipiti panshita itali. Abena Ijipiti bali tukichile ikibipile makosa kabili pamo ne baShakulu besu. ¹⁶ Ili twaichile kuli ba Yawe, lyafwile ishiwi lyesu ne kutuma inkalamba ne kutufumya mu Ijipiti. Mona, tuli mu Kadeshi, umushi uli kumupaka no mushi wobe. ¹⁷ Ndemilombeni ukwebati twingapita mukachi kamushi wenu. Tatwakapite mumalimi neli mu myangashi, nangu ukunwa menda mumikala yenu. Tuli ne kuya lukoso munshila ya mfumu. Tatwakalulukilepo ku lulyo neli kukipiko neli tukafika kumipaka yenu.'' ¹⁸ Penka imfumu yaku Edomu kaimwasuka ati, ''Tekuti mupite muno mu kachi kesu yo-oo. Nga mukakite fyo, Ndi nokwisa ne mpoko kuli webo ne kukubukila.'' ¹⁹ Kabili abena Isuleli kabalabila kuli ye ati, ''Tuli ne kuya lukoso munshila. Nga kyakwebati fwebo neli ifi tekwati fyensu tukanwe amenda enu, tuli ne kumulipeni. Tulekeni lukoso twende ne makasa, ukwakubula ukukitapo ikili kyonse.'' ²⁰ Sombi imfumu ya Edomu kayasuka ati, ''Mwikapitapo mukachi kesu.'' Penka ne mfumu ya Edomu kaimwina Isuleli ne kuboko ukukosele makosa ne bashilika abengi. ²¹ Imfumu ya Edomu yalikene ukusuminisha Isuleli ukwabuka umupaka wabo. Pamulandu wakiki, Isuleli kafutachila impanga ya Edomu. ²² Penka abantu kabenda ukufuma ku Kadeshi. Abena Isuleli, ne kimasamasa kyonse, bakesa kulupili lwa Holi. ²³ Ba Yawe kabalabila kuli Mose na Aloni palupili lwa Holi, kumupaka wa Edomu. Alilabile ati, ²⁴ ''Aloni enge kala pamo ku bantu bakwe, pakuti ye takengilepo mumpanga iyo napele kubena Isuleli. Iki nipamulandu wakwebati bonse kabemina amashiwi angi ku menshi ameliba. ²⁵ Toleni Aloni ne mwana wakw Eliaza, nekubaleta palupili lwa Holi. ²⁶ Mufuleni Aloni umwingila wabupapatilishi ne kumufwika Eliaza umwana wakwe umwalalume. Aloni alilingile ukufwa ne kubikwa kubantu bakwe kulya.'' ²⁷ Penka Mose kakita koti kukambisha kwaba Yawe. Kabanisa palupili lwa Holi mu menso akimasamasa kyonse. ²⁸ Mose katola umwingila wakwe Aloni ne kumufula ne kumubika pali Eliaza umwana wakwe umwalalume. Aloni kafwila penka palupili. Penka Mose na Eliaza kabekila panshi. ²⁹ Ili ikimasamasa kyonse kyamwene ati Aloni afwa, ikyalo kyonse kakimulila panshiku amakumi atatu.