¹ Ba Yawe bali labile kuli Aloni ati, ''Webo, abaana bobe abalalume, neba mumukoka wa ba shakulu bobe mukabe ne nsambu pali bonse ububi ubwapanga ukwalukila inkende ya mushilo. Pano wenka webo ne bana bobe abalalume na webo mukaba ne nsabu pabubi bonse ubwapangwa kuli onse mu bupapatilishi. ² Pakuti kubalongo bobe aba mu mutundu wabena Levi, umutundu waba shakulu bobe, ulilingile ukwisa nabo pakwebati balilunde kuli webo ne kukukwasha webo kani webo ne bana bobe abalalume mule bomba kuntashi ye tente lya kulayana ilya mushi. ³ Balilingile ukukubombela webo ne tente lyonse. Nanga befyo, tabalingile ukwisa kubwipi ku kili kyonse ikili munkende ya mushilo nangu kukwantankana ne kyonto, nangu bo nangu kabili webo kochi wafwa. ⁴ Balilingile ukulilunda kuli webo ne kusunga bwino itente lya kukumaninamo, umwa milimo yonse iikwantankene ne tente. Umwina fyalo talingile ukukupalamina webo. ⁵ Ulilingile ukupinta insambu isha munkende ya mushilo ne shapa kyonto pakwebati ubukali bwangi bwengesa pa bantu abena Isilaeli libili. ⁶ Mona, Nemo ne mwine nabasala abalongo bobe aba mu bena Levi ukufuma mukachi ka fifyanshi fya ba Isilaeli. Bo kya bupe kuli webo, ikyapelwa kuli nemo ukubomba imilimo iikwatankeene kwi tente ilya kukumaninamo. ⁷ Pano wenka webo ne bana bobe abalalume emwe mukabomba mubupapatilishi bwa pa fintu ifilundene ne kyonto ne fyonse mukachi ka kipembe. Webo wemwine ulilingile ukufikisha isho insambu. Ndekupela ubupapatilishi kochi kya bupe. Onse umwina fyalo uwa kwisa kubwipi alilingile ukwipaiwa. ⁸ Kabili ba Yawe baliliabile kuli Aloni ati, ''Mona, nakupela webo umulimo waku mona pa milambu iipelwa kuli nemo, naku milambu yonse iya mushilo iyo abantu aba Isilaeli bapela kuli nemo. Napela iyi milambu kuli webo na bana bobe abalalume ukuba kyakaniko kyobe ikika likilwe. ⁹ Kino kikaba kyobe ukufuma mu fintu ifikilile ifya mushilo ifisungilwe ukufuma ku mulilo. Ukufuma mufya mabupe fyabo fyonse - umulambu wa nseke onse umulambu onse uwabubi, ne mulanbu onse uuwakufwa nao - filya banishishiwe kuli webo naku bana bobe abalalum. ¹⁰ Iyi milambu ya mushilo makosa; umwalalume onse alilingile ukulya ko, pakuti fili fya mushilo kuli mwebo. ¹¹ Ino e milambu iyi kaba yenu, ifyabanishiwe ukufuma muli fyonse ifya bupe fyabo pa milambu yakupepesha iya bantu abena Isilael. Nafipelakuli mwebo, ku bana benu abalalume, na ku bana benu abanakanshi, kochi kiputulwa kyenu kya muyayaya. Onse uuli mu kusekelela kwaku tubishiwa mu kifyashi kyobe alilingile ukulya iyi milambu. ¹² Amafuta onse aawamishe, imfaina shabukumo shonse ishiwamishe ne nseke, ifisepo ifitanshi ifyo abantu bapela kuli nemo fino fintu fyonse nafipela kuli mwebo. ¹³ Ifitanshi ukupya muli fyonse ifuma mu mabala abo, ifyo baleta kuli nemo, fikaba fyenu. Onse uutubile mukifyashi kyenu engalya fino fintu. ¹⁴ Ikintu kyonse ikya pelwe mu Isilaeli kikaba kyobe. ¹⁵ Kyonse ikishinkula munda, mu babeli bonse ifyo abantu bapela kuli ba Yawe, bonse babili pa muntu ne nama, fikaba fyenu. Nangaba nifyo, abantu balilingile ukukuula onse umubeli umwana umwalalume, kabili balilingile ukukuula ne beli iilume munama ishikowelele. ¹⁶ Ifyo fyenga shitishiwa ukubwela ku bantu filingile ukushitishiwa panuma yakubano mwenshi umo uwakufyalwa. Elo abantu benga fishita, pa mutengo wa mashe keli asanu, ukulingana no kulema kwe she keli ilya mwa mushilo, ikyalingana amakumi abili amagela. ¹⁷ Pano ibeli lya ñgombe, nangu ibeli lya mukoko nangu ibeli lya mbushi - tamulingile ukukuula shino nama; shili patwilwe kuli nemo. Mulilingile ukusansa imilpoa shayo pa kyonto ne kokya amafuta aafyo kwati milambu iipangilwe no mulilo, ifinukile bwino ifya kusekesha kuli ba yawe. ¹⁸ Inama shashi shikaba shenu. Kwati mabele apanchibi ne kiiso kyakululyo, inama shashiko shikaba shenu. ¹⁹ Yonse imilambuiishilile iyo abantu aba Isilaeli bakapeela kuli ba Yawe, nemo nafipela kuli webo na ku bana bobe abalalume nakuba bobe abanakanshi uli nabo,ukuba kyakaniko kya kutwalilila. Kuli kulayana kwa mukele ukwa muyayaya, ukulayana kwa ku kwantana ukwa muyayaya, kuli ba menso aba Yawe ukwa bonse webo ne bamukifyashi kyobe.'' ²⁰ Ba Yawe balilabile kuli Aloni ati, ''Tawakabe no buswani mu kyalo kya bantu, nangu kuba ne kyakaniko ikili kyonse pafipe ifyamu bantu. Ndi kyakaniko kyobe ne buswani mukachi ka bantu abena Isilaeli. ²¹ Ku bamu kifyashi kya kwa Levi, mona, naba pela fyonse ifye kumi mu Iilaeli kwati buswani bwabo mukubwela pa milimo iyo bapelwa mukubomba kwe petente lya kukumaninamo. ²² Ukufuma luno abantu aba Isilaeli tabalingile ukupalamina kwi tente lya kukumaninamo, nangu benga ba ne nsambu pali ububi ne kufwa. ²³ Abena Levi balilingile uku bomba imi`limo iikwantenkene kwi tente ilya ku kumaninamo. bakaba ne nsambu pa bubi ubuli bonse umo bwenga beela. Lino likaba lifunde ilikalikilwe munkubo ya bantu bobe bonse. Mukachi ka bantu aba Isilaeli tabalingile ukuba no buswani. ²⁴ Pakuti ifyekumi ifya bantu aba Isilaeli, ifyo bapela kochi musonko kuli nemo - filinififi napeela ku bena Levi kochi buswani bwabo. Ekyo nalabile kuli bo ati, 'Tabalingile ukuba ne buswani bwa mukachi ka bantu aba Isilaeli.''' ²⁵ Ba Yawe balilabile kuli Mose ne kulabila ati, ²⁶ Uliilingile ukulabila ku bena Levi ne ku labila kulibo ati, 'Kani mwapokelela ifya kufuma mu bantu aba Isilaeli ikye kumi ikyo na mipeleni mwebo ukufuma muli bo pa fya buswani bwenu, mukapana ikya kusonka ukufuma mwenkamo kuli ba Yawe, ikye kumi pafye kumi. ²⁷ Ifyo mukapaaana kikalangulukilwa kuli mwebo kwati kyaali ikye kumi ikya nseke ukufuma pakikuswilo nangu kochi ikya kufininamo. ²⁸ Kanshi na mwebo mulilingile ukusonka kuli ba Yawe ukufuma mu fye kumi fyonse ifyo mupokelela ukufuma mu bantu aba Isilaeli. Ukufuma muli bo mulilingile ukupana ikya muntu onse kuli Aloni umupapatilishi. ²⁹ Ukufuma muli fyonse ifya bupe mupokelela, mulilingile ukupanga ukuli konse ukukite fi muli fyonse ifiweme na mufintu ifishilile makosa ifyo bapana kuli mwebo.' ³⁰ Penka mulilingile ukulabila kulibo ati, 'Kani mwapeela mufiwamishe fya kyo, elo kilingile ukukongweshiwa ku bena Levi kochi ififuma pakikuswilo na mu kya kufininamo. ³¹ Kochi mwalya fyonse mufya bupe fyenu mu nkende iili yonse, webo na ba mu kifyashi kyobe, pantu kili kipelwa mu kubweshiwa kwa milimo iya mwitente lya ku kumaninamo. ³² Tamwaka twikwe umwa kufwila na yo pakulya na pakufinwa, kani mwapana kuli ba Yawe ifiweme pafyo mwapokelele. kabili tamwa kashilulule imilambu iishilile iya bantu aba Isilaeli, nangu kochi mwafwa.'''