¹ Kabili kabeta abekumi nababili nokubapela amakosa nesabu shakufumya bademona bonse nokutendulusha amalwele onse. ² Kabatuma ukushimika ubufumu bwa ba Lesa nokutendulusha abalele. ³ Kabalabila kulibo, '' Mwekapita nelikimo palwendo- nelifyakulya, nelifukuta, nelimukate, nelinifuma, nelifyakufwala, ⁴ Yonse ñanda muñgengilamo, mukekate mweka kani kamupwisha. ⁵ Monse umutabakamipokelela, Ili mwasha umushi, mukakute kumoluyenu. Kakabeakeshibilo kuli mbo. '' ⁶ Penka kabaya mumishi, nokutulisha ilyanshi ikyebo nokutendulusha abalwele monse. ⁷ Penka Elode kilolo kaufwa fyonse infylakitwa, kabili kafulungana, pakuti kyali labilwe ati Yowani wabuka kufuma kubufu, ⁸ Nababi kabalabila ati Elaija wamoneka, Nababi ati aba kwaula abaliko akale nabo babuka. ⁹ Elode kabalabila ati, '' kaputula Yowani umutwi ngoyu ninani koufwa nefifintu? '' Lomba kaeseka ukumubona. ¹⁰ Ili abatumwa babwelele, kaba mweba fyonse, kabapita nokuyananbo katalamukila kumushi waitwa ati Bsaida. ¹¹ Lomba ili bumba lyaufwile. Kabamukoka, nokubapokelela nokulabila kulinbo ifyabufumu bwaba Shikulu nokubatendulusha abalwele. ¹² Pakuti ubushiku kabupalama ukushila, nabekumi nababili kabesa kwili ye nokulabila, '' Tumeni ibumba nokuya mukati kaminshi iyashingulika nefyalo ukusanga apakwikala ne fyakulya, pakwebati twashinguluka papusha tuli. '' ¹³ Kabalabila kulinbo, '' Bapelemipo infyakulya balye.'' Kabalabila, Tuli nemikante Isanu notusabi tabili kani kuya nokushitilapo ifyakulya fyababi abantu. ¹⁴ Bonse pamo bali myenda isanu abasangui) kabalabila kubasambile, '' Lekani bekale mumabumba makumi yasanu. '' ¹⁵ Kabili kabakita fweka abebele. Nabantu kabekala panshi. ¹⁶ Mukupita imikate isanu namasabi yabili, kakeba mwiulu, nokubapesha nokutebula shikwa mufipifwa, nokupana kulinbo kubasambile ukupana kwibumba. ¹⁷ Mbonse kabalya nokwikuta, ifyshelepo bali fitolelepo- ikumi nafibili fipifwa fyantube. ¹⁸ Paliakapindi ili ba Yesu balikutebeta abene, abasambile balinabo pamo. Kabepusha kulinbo, nokulabila, nge bumba lya kilabila ati nemo jinani? '' ¹⁹ Kabasuka,'' Yowani kabatisha. Nababi ati Elaija, Nababi ati abakushimika abakalebasanguka. ²⁰ Kabili kabeba, '' Mba ninani mulanguluka ati ndinani? '' Petulu kabasuka, '' Kilishitu Shikulu. '' ²¹ Penka kabakengesha nokubakambisha ati mwekaba neli umo, ²² Kabalabila,'' Umwana wamuntu akapenga mufingi nokumukana na bakulu nabapatilishi naba lembeshi, kabili akepaiwa nobushiku bwabututu akema. '' ²³ Penka kalabila kulinbo bonse, '' Ngaumo alikufwaya ukukoka, Nga alikanye umwine nokupita umusalambo wakwe lyonse nokukonka. ²⁴ Uyo u-ufwaya umweo akamuposa , lomba uyo u-ulusa umweo pamulandu wangi akamusanga. ²⁵ Mba kyawama shani umuntu ukupoka ikyalo kyonse, Penka ukulusa ne kulikingilila umwine ifyo yoo? ²⁶ Uyo ukabanesoni pali nemo napa mashiwi yangi namemo kamukitila isoni ili akesa mululubi lwakwe nolulubi lwaba wishi nabamalaika bakwe abaswetele. ²⁷ Lomba nkonweba mulibukine, pali bamo abemakene pano abatabakofwepo ifwa ili tabangamona ubufumu bwaba Lesa. '' ²⁸ Pamuma yashiku shisanu nashitatu apo ba Yesu balabile amashiwi, akba pita ba Petulu na Yowani na Yakobo nokuya kulupili mukutembela. ²⁹ Ili alulukutembela ipumi yabo kaikiya, nengunbo pamo kafiba ifyakililemo ukufuba. ³⁰ Mbonenini, abantu bobilo kabalukulabila naye, Mose na Elaija, ³¹ Aba monekele mululubi, Balukulabila pakuya kwekwe, iyi alukufwaya kutetaku Yelusalemi kushilisha. ³² Na Petulu nabalya alinanbo balimutulo utukulu, ili babukile, kabamona ululubi nabantu bobilo kabemakene nakwe. ³³ Ili balukuya ukufuma kuli ba Yesu, Petulu kabalabila , '' Bashikulu, kingawama fwebo ukuba pano. Lekeni twibaketufi sasa tutatu, kana kenu, kamo kakwa Mose, nakabi kakwa aliya, '' (Taishibilepo ifyo alulu kulabila. ³⁴ Ili alukulabila ifi,nekumbi kalisamukuba fiba, balikututuma iliba ingile mulikumbi. ³⁵ Neshiwi kalifuma mwikubi kalilabilwa, ati, '' Uyo wmwana, umo usalwilwe; mufwileni, '' ³⁶ Ili shiwi lya, Yesu alisangilwe eka. Balikele kishishi nokubula kulabila ngukuli umo, ifibamo ³⁷ Kabili nobushiku bwakokelepo, elyo bafunekulupili, nebumba likulu kalimukumanya. ³⁸ Mbonen, umuntu ukufuma mwibumba kalila pakulu, '' Mweba fungisha, nani lomba ukumona pamwana wangi, pakuti amwana eka. ³⁹ Moneni muneni umupaneli alukutungulula paliye penka nokubilika: ⁴⁰ Nakipapatila batumwa benu kufikabisha ukufifumyamo, Lomba bakifilwa. '' ⁴¹ Ba Yesu kabalabila ati, '' mwebatabakwente kisumini kabili ikifyanshi kyabukubifya. ⁴² Nipindi shinga nakubanenu nokubane mwebo? Leteni umwna kuno. '' ⁴³ Bonse kabakumya pafikulu Bashikulu bakitile, Ili bonse bakakamene mulifyonse balukukita, kalabila kubasabile, ⁴⁴ " Lekeni ayamashiwi yekale mukanchi kamatwi: Umwana wamuntu ali nokupanwa kumakosa abantu. '' ⁴⁵ Pakuti tabaufwile ifyo alubulwile. Kyalifisamikilwe kulinbo, Tabaishibile ifyo kyalubulwile. Kabili bali sakamene ukwipusha ifikiyalubulula. ⁴⁶ Kuli patikakakututula mubene ngekikulu palinbo. ⁴⁷ Ba Yesu pakwishiba imilanguluko yanbo mumitima, kaba bula umwana mutete nokumubika pamolu ⁴⁸ nokulabila kulinbo, '' uyo onse ukapokelela; nowapokelela, Apokelela uwatumine. Onse u-wali kefya mulimwenbo awba umukulu. '' ⁴⁹ Yowani, kalabila ati, '' Bashikulu, Twakimona umo alukufumya bandemona mwishina lyenu Twakimukanya, Pakuti tatukokelapo.'' ⁵⁰ ''Mwemukanya,'' Yesu kabasuka, '' onse uboneka kwatitali wenu ewenu. '' ⁵¹ Ili shiku shapalemene ukuya, kaimya ipumiyakwe nokuyaku Yelusalemi. ⁵² Katuma amashiwi kutanshi yakwe umwine. kabaya nokwingila Musamaliya mumunshi nokulilabila fyonse ifyakwe. ⁵³ Lomba abantu tabamupokelele pakuti ipumi yakwe yalikebeshe ku Yelusalemi. ⁵⁴ Penka abasambibakwe Yakobo na Yowani bamwene ifi, kabalabila, '' Bashikulu, mwafwaya takabishe umulilo ukufuma mwiulu nokunbonaula? '' ⁵⁵ Kashololopa nokubasuka, ⁵⁶ kabaya namumunshi u-wakokelepo. ⁵⁷ Ili balikuya mumusembo, umbi kalabila kulinbo. '' Ndukumikoka konse mulukuya, '' ⁵⁸ Ba Yesu kabamwasuka ati, '' Ba mumbwe balikwente amene umubalala notunitulikwente ifisa. lomba wamwana wamuntu takwente apakubika umutwi wakwe. ⁵⁹ Kabili umbi ''Nkokeni,'' Kalabila kuli ye, '' ⁶⁰ lekeni abafwa balishike abene. pakuti webo koya mukusapwila ukutali nokukusha ubufumu bwaba Lesa ⁶¹ Naumbi kalabila, '' Nkomikoka, Bashikulu, Ikitanshi ndabile ati shalenipo mwebamuñanda yangi, '' ⁶² Yesu kamwasuka, '' Takulipo neliumo ubika amanboko pakulima nokukeba panuma nga kyalingana nobufumu bwaba Lesa. ''