¹ Ba malaika babili aba shalile mu Sodoma mu mpindi ya kyungulo, ili Loti aikele mu mulyango wa Sodoma, Loti alibamwene, kama ne kuba kumanya, ne kufukama panshi ili akebele mpumi panshi. ² Kalabila ati, ''mweba Shikulu bangi, na mipapatileni ati mwinga bwela muñanda ya muntu wenu, mwikele ubushiku bonse ne kusamba amolu enu. Eli mukene kumakyakya ne kuya ulwendo lwenu.'' Balyasukile ati,'' Yowo, twakwikala ubushiku bonse ³ mushila.''Penka kaba papatila apakulu makosa, nabo kabaya nakwe, ne kwingila muñanda yakwe. kapekanya ifyakulya ne kocha umukate uwakubula mbisho, kabili kabalya. ⁴ Ili tabangalala, abalalume ba mu mushile bamu Sodoma, kabashinguluka iñanda bonse ukufuma konse konse mumushi. ⁵ Bali mwitile Loti, ne kulabila kuli ye ati, ''Bali kwepi abalalume abakisa kuli webo buno bushiku? Tufumishilenipo posonde, pakwebati tubeshibe.'' ⁶ Penka Loti alifumine pa lyango ukuya kuli bo ne kwisalako kunuma yakwe umwine. ⁷ Alilabile ati namipapatileni, mweba kwasu, mwikita ikibipishe makosa. ⁸ Moneni ndine bana abanakashi aba tabanga kumaanapo ne balalume, ndiku milombeni namipapatenipo, mbalete kuli mwebo ne kubakita fyonse ifya kumiwamineni pa menso enu. ukukila ukukitapo ikili kyose kuli baba bantu, pakuti baisa muñanda yangi.'' ⁹ Nabo ati, ''fumako!'' kabili ne kulabila ati,'' uyu muntu alishile mukwikala muno koti mwensu, lomba pano aba uwakutuputwila imilandu! pano twakukukita ikibipile makosa ukukila napalibo.'' uyu Loti, ne kwisa apepi ukwebati benga to ba umulyango. ¹⁰ Penka abalalume kabafungulula amaboko abo ne kumubwesha Loti mukati muñanda umo bali ne kwisalako umulyango. ¹¹ Penka abeni bakwe Loti balubalwile ubupofu abantu abali pesonde ya mulyango wa ñanda, bonse abanini ne bakulu kabanaka nabo ili balu kufwailisha umulyango. ¹² Kabili abalalume kabalabila kuli Loti ati,'' ulikweteko na umbi muno? Abako bobe abalalume, abana bobe abalalume ne banakashi, nangu bonse abo ukwete mukati kamushi, ubafumyemo muno. ¹³ Pantu tulukufwaya ukonaula uno mushi, pakuti ukubifya kwabo kwafika ku menso aba Yawe aakulu ekyo atutumine ikwisa mukonaula.'' ¹⁴ Penka Loti kafuma ne kuya mukwebati abalokashi bakw, abalalume abalaile ukupa abana bakwe abanakashi ne kulabila ati, Endesha, fuma pali uno mupunda, pakuti ba Yawe bali konaula uno mushi bukumo.'' Lomba kubangala. ¹⁵ Ili kumakya kwafikile, malaika alimukambishe Loti, ne kulabila ati, ''Takikako kuya, pinta umukashi obe ne bana bobe babili abanakashi abali pano wingesa konaulwa pabumbifi bwa uuno mushi.'' ¹⁶ Naye ali kushingashinga. Penka abalalume ne kumukwata ku maboko akwe, ne kwamukashi wakwe ne mboko abana bakwe babili abanakashi pakuti ba Yawe bali ne nkumbu pali ye. Bali bafumishemo ne kubabika pesonde ya mushi. ¹⁷ Ili babafumishe lemo umo pabalalume kalabila ati, ''pulusheni imyeo yenu! mwikeba kunuma, neli ukwikala apali ponse mwilungu. butukileni ku mapili ukukila ukonaulwa pano.'' ¹⁸ Loti kalabila kuli bo ati, ''Yowo, ikine mwe ba Shikulu bangi! ¹⁹ Umusha wenu alangulukilwa bwino pa menso enu, kabili mwandangishe nkumbu ishikulu makosa mukupulusha umweo wangi. Lomba teti mbutukile kumapili pakuti ikyaku kukatasha kingangikata libili, nanem ningafwa. ²⁰ Mona lomba, ulya mushi ulukuboneka kulya alya pepi ukubutukilako, kabili munini namilombeni, Lekeni mbutukile kulya (kanshi talipo munini?) kabili ne mweo wangi wakupuluka.'' ²¹ Naye kalabila kuli ye ati, ''Kiweme nakukupela iki walomba nakyo ikyakubula konaula mushi uyo washimbula. ²² Endesha! butukila kulya, pauti shakitepo kulya.'' penka ne mushi bali mwicile ati Zowa. ²³ Na Loti kafika ku Zowa ili akasuba kafumine. ²⁴ Penka ba Yawe kalokesha amabwe amulilo ne mulilo pali Sodoma na Gomala ukufuma mwiulu. ²⁵ Alyonawile ilya mishi ne malungu onse na bonse abekala mu mishi, ne filimwa ifya menene pa mushi. ²⁶ Pakuti umukashi wakwe Loti, uwali mumuma yakwe, kakeba kukuma, kabili alibele nsumba ya mukele. ²⁷ Na Abulama kabuka ulukelo ne kuya kumupunda uko aimakene ku menso aba Yawe. ²⁸ Naye kakeba panshi mu Sodoma na Gomola na monse mwilungu. kakeba ne kubona, ikyushi kyalikufutumuka kwati kyushi kyapeshiko. ²⁹ Ili ba Lesa baonawile imishi lya mwilungu, Ba Lesa bali mulangulukile Abulama ka mutuma Loti pakati kakonaulwa ili aonawile mushi umo Loti alukwikala. ³⁰ Lomba Loti kafuma ku Zowa ne kuya mukwikala mumpili ne bana bakwe babili abanakashi, pakuti alibele ne mwenso ukwikala mu Zowa. Alikele mwibwe ye ne bana bakwe babilii abakashi. ³¹ Penka umukulu bantu kalabila ku munini ati, '' Bataata bakula, kabili takulipo ukuli umwalalume uwakulala nafwebo kwati bwikashibwa kyalo kyonse. ³² Twende, katubanwishe Bataata infaina ne kulala nabo, pakuti tukafishe abana kuli ba wishifwe.'' ³³ Penka kaba munwisha nfaina bulya bushiku. kabili umukulu bantu kaya ne kulaala na wishi, naye wishi taishibile ili alele naye neli ili afuminepo. ³⁴ Ne kasuba akakokelepo ukukulu bantu kalabila kumwanike bantu ati, ''umfwa nalilele naba wishifwe ubushiku bwamailo, katumu pangile mfaine nabuno bushiku nabo, na webo uye ne kulala nabo, pakuti tukafushe abana kuli ba wishifwe.'' ³⁵ Penka ne kumu nwisha bulya bushiku nabo, ne mwanike kaya ne kulala na ye. Iaishibile nefi alele nakwe kabili nefi afumineko. ³⁶ Kabili bonse abana bakwe Loti balibele ne mapafu kuli ba wishibo. ³⁷ Umukulu bantu kafyala umwana mwalalume, ne kumupela ishina ati Moabu na lelo. ³⁸ Pakuti umwanike bantu naye kafyala umwana umwalalume ne ku mwinika ati Benami. kaba kikolwe kyaabena Amoni ukufika na lelo.