¹ Popele ba Yawe kabalabila kuli Mose ati, ''koya kuli Felo uka mwebati, 'Ba Yawe Lesa balabila ati: ''Leka abantu bangi baye pakwebati koti batatika ukumpopwela nemo. ² Lomba kani mukane ukuba leka baye, Nemo ndi nokuleta ikya kukatasha pamipaka ya kyalo kyenu ikyo kuleta ba kyula. ³ Inika yonse yakwisula ba kyula. Bakalukwisa nekwingila mumañanda enu, ifya kulalamo na pabulo. Kabili bakaya na mumañanda iya babomfi benu, kabili bakaya mubantu namu fyakutekelamo fyenu, na mufyakushila fyenu. ⁴ Kabili aba ba kyula bakatula ubulemo pa bantu benu napa bayungishi benu. ⁵ Ba Yawe kabalabila kuli Mose ati, ''Labila kuli Aloni ati, 'tanika ukuboko kobe nekasako panika, utunini napafishiba, ukaba fumye ba kyula bonse mu kyalo kya Injipita.''' ⁶ Penka Aloni alitambikile ukuboko kwakwe pamenshi amu Injipita, popele ba kyula balifumine nekwisula mukyalo kya Injipita. ⁷ Popele nenganga nasho balikitile fyopele ifyo kubwanga bwabo; balililetele ba kyula mu kyalo kya Injipita. ⁸ Penka Felo alitile Mose na Aloni nokulabila ati, ''mumpapatileko kuli ba Yawe bamfumishe ba kyula kuli nemo naku bantu bangi. Ali Nemo nkabaleka abantu ati bakaye, mukulambula imilambu kuli ba Yawe.'' ⁹ Popele Mose kalabila kuli Falo ati, ''Muli nensambu isha kungeba nemo impindiiyo ninga mitembeleleni mwebo, abapyungishi benu, nebantu benu, ati ba kyula bonse koti babafumyeko kuli mwebo nakumañanda enu nekubwelela munika.'' ¹⁰ Penka Falo ati, ''Mailo.'' Mose ati, ''Lekeni kibe kochi ni mwenkomu mwalabilila, pakwebati mukeshibe ati tekulipo umbi uli kochi niba Yawe, Lesa wenu. ¹¹ Kabili ba kyula bakafuma kuli mwebo, kumañanda enu, na bapyungishi benu, naku bantu benu.Bakalukwikele lukoso munika.'' ¹² popele Mose na Falo balifumineko kuli Falo,penka Mose alibalilile ba Yawe pamulandu waba kyula aba aletele kuli Falo. ¹³ Popele ba Yawe balikitile ukulingana nefi aipwishe Mose: Ba kyula balifwile mumañanda, mumabansa, namumabala. ¹⁴ Penka abantu balifiolele ne kufibunga pamo imilambu, kabili ne kyalo kakinunka. ¹⁵ Kabili Falo ili abwene ati pali ukupema bwino, Ali koseshe umutima kabili tauumfwilepo kuli Mose nangu kuli Aloni, koyi nifyenka ifyalabile ba Yawe ati efika akakita. ¹⁶ Popele ba Yawe kabalabila kuli Mose, ''Labila kuli Aloni, 'Ntanike ukuboko ne kasako kakwe upame pefukutu lya panshi, pakwebati lyaluke mba nido mukyalo kyonse ikya mu Injipita.''' ¹⁷ Kabili balikitile fyenkefyo. Ili Aloni afikishe ukuboko kwakwe ne kasako ne kukapama pefukuti lya panshi, neli nda lyalyalukile babantu ne nama. Lyonse lyalyalulakile mba ninda Ikyalo kyonse ikya Injipita. ¹⁸ Kabili iñanda shalyeseshe ukitefyo ne bwanga bwabo mukulete nda, pano tafya kitikilwe. Kwali lukoso inda kubalalume naku nama. ¹⁹ Kabili iñanda kailabila kuli Falo ati, ''Iyi eninwe yakwa Lesa.'' Sombi umutima wakwe Falo walikosele, Penka alikene ukumfwa kulibo. Koti nifyenka ifyalabile ba Yawe kuli Falo ifi enga kita. ²⁰ Popele ba Yawe balilabile kuli Mose ati, ''Ukakelele ulukelokelomukemakane kumenso akwe Falo impindi iyo ailamo ku nika. Ukulabila kuliye ati, 'Ba Yawe balabila ati: ''Leka abatnu bangi baye muku mpoopwela nemo. ²¹ Kabili nga kyakwebati tawabaleke abantu bangi ukuya, Nemo nkatuma balushi abengi pali mwebo, nepa bapyungishi bobe, napa bantu bobe, kabili namuñanda yobe. Popele ne mañanda abena Injipita akesula balunshi, kabili nangoba nipamushili apa bemakana pakesula balunshi. ²² Penka pali bulya bushiku nkakikengesha ikyalo kya Gosheni ukupusanisha, ikyalo umo umwikala abantu bangi ukwebati tamwakabepo balushi, iki kikakitika pakwebati mukeshibe ati nemo ba Yawe abali pakati ka kyalo. ²³ Popele Nemo nkabika umupaka pakati kabantu bangi ne bantu bobe. Aka akeshibilo kamakosaangi kakabako mailo.'''' ²⁴ Popele ba Yawe kabakita fyenkefyo, kabili ibumba ikikulo ilya balunshi lyalishile mukulukuka muñanda yakwe Falo na mumañanda abapyungishi bakwe. Namu kyalo kyonse ikya Injipita, ikyalo kyonse kyaliswila naba lunshi abengi ikyakuti. ²⁵ Popele Falo alibetile ba Mose na Aloni nekulabila ati, ''Koyeni, mukatule milambu kuli Lesa wenu mwenka muno mu kyalo.'' ²⁶ Mose kalabila ati, ''Iki takitwelelwe fwebo ukikita, pakuti umulambu uyo panga kuli ba Yawe Lesa wesu tekuti alumbuluke kubena Injipita. Nga kya kwebati twapanga ikitapisho kya mulambu mumenso abo pakuti tukatapisha iki tapisho ikibipile bunya kuli Lesa wesu kubena Injipita, nga kya kwebati ati teti benga tulasa ambwe? ²⁷ Yo-o, ululwendo lwanshiku shitatu' tukenda mumpanga ulu tulingile ukupanga, ukuya mukulambula ba Yawe wesu, fyenkefi batwebele. ²⁸ Popele Falo kalabila ati, ''Nemo ndu kumisuminisheni ukuya mukulambula ba Yawe Lesa wenu mumpanga, kikulufye tekwesha ukuya ukutali. Mundombeleleniko na nemo.'' ²⁹ Penka Mose kalabila ati, ''Ili ndefuma kuno bukumo nemo ndu kuya kuli mwebo, ndelomba kuli ba Yawe ukwebati ili bumba lyaba lunshi likafumeko kuli mwebo, no Falo, ne ba pyungishi ne bantu ubushiku bwa mailo. Kabili tekwesha ukutupaika abantu libili ukubula ukuya mu kulambula kuli ba Yawe. ³⁰ Popele Mose ali fumineko kuli Falo no kuya mukutembela kuli ba Yawe. ³¹ Ba Yawe balikichile fyenkafi abepwishe Mose, kabili balifumishe ibumba ilikulu ilyaba lunshi kuli Falo, ne bapyungishi, ne bantu bakwe. Takwalipo nangu umo uwashelepo yo-o. ³² Nangaba nifyefyo Falo alitwalile ukukosesha umutima napali ino mpindi, Kabili tabalekeleko abantu ati baleya.