¹ Mu mwenshi wa butatu panuma ya bena Isuleli bafumine mu Injipita, penkapo akasuba, balishile mu kiselebwa ikya Sinai. ² Elyo bafumine ku Lefidimu ne kwisa mu kiselebwa ikya Sinai, bali kakile ama tente yabo mu kiselebwa ku ntanshi ya mapili. ³ Mose alinishile peulu kuli ba Lesa. Ba Yawe balimwitile ye kumpili nokulabila ati, ''Uye ubebe aba munanda yakwa Yakobi, abena Isuleli: ⁴ Mwamona ifyo na kichileni kubena Injipita, ifyo nemo na mipichileni pamapi' ya kwa kyembe ne ku mileteni kuli nemwine. ⁵ Lomba pano, umfwa mukukokela mwangufwila ishiwi lyangi ne kulama ululayangano lwangi, kabili mukaba ifya bunoshi fyangi pa mikoka ya bantu bonse, pakoti ikyalo kyonse kyangi. ⁶ Mukaba aba bufumu bwa bapapatilishi kabili aba kyalo kiswetelele ikyangi. Ifi efyobo ufwile ukulabila ku bena Ijipita.'' ⁷ Penkapo Mose alishile ne kwita aba kulu ba bantu . Ali bebele ifi fyobo ifyo ba Yawe ba mwebele. ⁸ Abantu bonse ba lyaswike ne kulabila, ''twakukita fyonse ifyo ba Yawe ba labila.'' Lomba Mose alishile mukulabila efyo ifyafuma ka bantu kuli ba Yawe. ⁹ Ba Yawe balilabile kuli Mose. ''Nemo ndi nokwisa kuli webo mwikumbi uli kuli pakwebati abantu bomfwe elyo ndelabila na webo ne kuketekela muli webo imyaka shonse.'' Kabili Mose alilabila ifyobo ifya bantu kuli ba Yawe. ¹⁰ Ba Yawe bali labile kuli Mose, ''Koya ku bantu. Lelo ne mailo ukabashilike kuli nemo, ne kubalenga ba kawashe ifya kufwala fyabo. ¹¹ Muka lipekanyishe pafya kasuba ka butatu. Pakoti mukasuba ka butatu ba Yawe ba kesa kwikala ku mapili aya Sinai. ¹² Ukababikile abantu ifiputulwa mwakupela ukushokoloka mpili. Uka kalabile kibena, mube bakulisunga kwebati mubule ukunisa peulu ya mpili nangu ukwikata kufiputulwa. Uli onse ukekata kumpili akafwa.' ¹³ Takuli ukuboko ukukekata umuntu uwa fifyo. Lomba, ba kamulasa amabwe nangu ukulosa. Kibe ninama nangu umuntu, alilingile ukufwa. Lomba umfwa ulusengo lwalila ikitali, bakese kunshi ya mpili.'' ¹⁴ Kabili Mose alishile panshi kufuma ku mpili kuya ku bantu. Alishikile abantu kuli ba Yawe kabili baliwashile nefyakufwala fyabo. ¹⁵ Kabili alilbile ku bantu, ''Mube abalipekanya pa bushiku bwa butatu; tekwesha upalamina ku bakashi beni.'' ¹⁶ Pa kasuba kabutatu, bwali lukelo, kwali ikilulumo ne kubesha kabili ne kumbi ilikulu peulu ya mpili, ne kilulumo ikikulu ikya lusengo. Abantu bonse mu matente ba lyunfwilo mwenso. ¹⁷ Mose aliletele abantu kufuma mu matente mukukumana na ba Lesa, kabili balimakene kunshi ya mpili. ¹⁸ Ulu mpili lwa Sinai lwa limbibwe lyonse na kyushi pamulandu ba Yawe balikilepo mu mulilo ne kyunshi. Ikyushi kyalile mwiulu kwati kyushi kya mulya bokyela, ne mpili yonse yalisunkene apakulu. ¹⁹ Ikilulumo kya lusengo kyaleya kile kulilako, Mose alilabile, kabili ba Lesa bali mwaswike mwi shiwi. ²⁰ Ba Yawe balishile pashi pa mpili iya Sinai, peulu ya mpili, kabili bali mwichile Mose peulu ya mpili. Mose alile peulu. ²¹ Ba Yawe balilabile kuli Mose, ''kabiye panshi shinye abantu; bekesa kupulumukila kuli ba Yawe kwebati tubamone, ne kwisa koonaika abengi. ²² Kabili na bapapatilishi abakesa mupepi na nemo bakalishilike-mukulipekanya kwa kyisa kwangi-pakoti ne kesa ukuba vundumukila.'' ²³ Mose alilabile kuli ba Yawe, ''Abantu tekuchi bese peulu ya mpili ya Sinai, pakoti mwali tukambishe: 'bikeni ifiputulwa uku shokoloke mpili ne kuishika kuli ba Yawe''' ²⁴ Ba Yawe bali labile kuli ye, ''Koya panshi ne kumuleta Aloni peulu na webo, Lomba wileka bapapatilishi ne bantu bapulumuke kwisa kuli ba Yawe nga ne akwisa kuba vundumukila.'' ²⁵ Kabili Mose alile panshi kubantu ne kulabila kulibo.