¹ Popele ba Yawe kabalabila kuli Mose, ukulabila ati, ² ''Labila ku bane Isuleli ukwebati baluluke ne kwikala pani apepi na Pikaciloti, pakati ka Mijidolo ne kishiba, apepi na ku Bala Sefoni. Mukekale panini ku kishibo ikili futachile na ku Pikaciloti. ³ Felo alyo akalabila ifya ba Isuleli, bale susuta mu kyalo, impanta ya ba komena boo mukati.' ⁴ Nanemo nkakosha umutima wakwa Felo, kabili na ye akalukubalonda. Elyo nkapokapoka ubuleme pakuti pa Felo ne ba shilika bakwe bonse. Kabili ne ba Ijipiti ba keshiba ati ninemo Yawe. ''Kabili na ba Isuleli kabekala apo panini koti ni fyefyo babakambishi. ⁵ Kabili elyo imfumu ya ba Ijipiti ya ebelwe ati aba Isuleli ba kakulwa, penka imilangwe yakwa Felo kabili ne ya milimo bakwe yalibalukile abantu. Balilabile ati, ''Mba nikindo twakita? twakakula Isuleli kukutupyungila febo.'' ⁶ Penka Felo alibulile amacheleta akwe ne kulibambila kabili alipintile ne fita fyakwe. ⁷ Alipintile amacheleta shisanu na umo alya aya salilwe na yonse amachetela yamu Ijipiti, ne ba milimo kabaninshile pali onse. ⁸ Ba Yawe kabakosha umutima wakwa Felo, imfumu yabena Ijipiti, kabili imfumu yali balondele abana ba Isuleli, Pano bukumo aba Isuleli balile mu kukimfya. ⁹ Sombi abena Ijipiti bali balondele bo, pamo na shonse imbongoo ne macheleta yakwe, na bakwensha imbongolo bakwe, kabili ne fita fyakwe. Bali bakumenye aba Isuleli ili ba ikele panini kumbali ya kishiba apepi na ku Paikaciloti, ifiloshenye na ku Bala Sefeni. ¹⁰ Elyo Felo aishile apepi, aba Isuleli ba kebukile kabili ba kumishe, aba Ijipiti balukubakonka bo, kabili balyumfile umwenso uwakuti. Penka aba Isuleli kababalilila ba Yawe. ¹¹ Kabalabia kuli Mose ati, ''Kani ni pakuti ta mwali ifilende mu Ijipiti, epakwebati mutufumye fwebo ne kwisa ati tuka fwile mumpanga? Mba nikindo mwatukitile ifi, uutufumya fwebo mu Ijipiti? ¹² Kanshi ifi, tefyo tali efyo twa myebele mu Ijipiti? twali myebeleni ati, tulekeni fwenka, ukwebati ngatulukuba pyungila aba Ijipiti.' Nga kyalitweletwe fwebo ukuba pyungila bo ukukila uku fwila mu mpanga.'' ¹³ Mose alilabile ku bantu ati, ''Mwitina, imakaneni shilili ne kumona ukupulusha uko ba Yawe bakumikitileni mwebo lelo. Pakuti tamwakababonepo libili aba Ijipiti aba mwamona lelo. ¹⁴ Ba Yawe ba kumilwileniko, kabili mwebo mwakwimakana lukoso shilili.'' ¹⁵ Popele ba Yawe balilabile kuli Mose, ''Mba nikindo webo, Mose, watwalilila ukundilila nemo? Bebe aba Isuleli ati baye kuntanshi. ¹⁶ Imya inkonto yobe mwiulu, utambike na kuboko kobe peulu peshiba ne kulyankanya pabili, pakwebati abantu ba Isuleli bengengilamo mwishiba pa shili uumine. ¹⁷ Mukishibe ati nkakosha imitima ya bena Ijipiti ukwebati bakakonkele. Nkapoka ubuleme pakuti ni pali Falo na fita fyakwe fyonse, amacheleta yakwe, kabili ne bakwensha imbongolo shakwe. ¹⁸ Penka aba Ijipiti ba keshiba ati ene Yawe ili napoka ubuleme pamulandu wakwa Falo. amacheleta yakwe, kabili ne ba kwensha imbongolo shakwe.'' ¹⁹ Inkalamba ya ba Yawe, iyo iyalukutangilila inkambi iya ba Isuleli, lya lyendele ne kubwelela kunuma yabo. Ikumbi lyalibwelele kuntanshi ne kubwelela ne kuya kwimakana kunuma yabo. ²⁰ Ikumbi lyalishile pakati ka nkambi ya bena Ijipiti ne nkabi iya bena Isuleli. Lyali likumbi ilifitile kubena Ijipiti, lomba lyalikupela ukutuba ubushiku kubana bakwe Isuleli, Popele ulubali lumo talwalu kuselela kulunakwe ubushiku bonse. ²¹ Mose alitambikile ukuboko kwakwe peulu peshiba, ba Yawe balitesesheko ishiba kunuma ne kipupu ikikulu ikyakutulila ku mutulesuba ubushiku bonse kabili ne kulenga ishiba ukuba mushili uumine, muli wenka uyu musango amenda yalyabanishiwe pabili. ²² Aba Isuleli ka balingile pakati keshiba pa mushili uumine. Amenda alibapangile ikibumba kukuboko kwakulwine ne kukipiko. ²³ Aba Ijipiti bali balondele bo. Bali balondele ne kwingila mukati mwishiba shonse imbongolo yakwa Falo, amacheleta ne bantu aba kwensha imbongolo. ²⁴ Lomba mumpindi ya luchelo chelo, ba Yawe baliloleshe panshi pa fita fya bena Ijipiti ukupitila mu mulilo na mwikumbi. Bali baletele ukukatashiwa mukati kaba Ijipiti. ²⁵ Amawilo yaku macheleta yabo ya kyombele, kabili ne bakuyensha balyensheshe mukukatashiwa, penka aba Ijipiti balilabile ati, ''Natubutuke ukufuma ku ba Isuleli, pakuti ba Yawe balukubalwila bo kuli fwebo.'' ²⁶ Ba Yawe kabalabila kuli Mose ati, ''Tambika ne kuboko kobe peulu ye shiba pa kwebati amenda ya bwele pa ba Ijipiti, amacheleta abo, ne ba mulimo wa kwensha imbongolo shabo.'' ²⁷ Penka Mose alitambikile ukuboko kwakwe peshiba, kabili lyalibwelele koti nififyo lyali ili lwabele ulukelo. Aba Ijipiti balibundile mwishiba, kabili ba Yawe bali baseseshe aba Ijipiti pakati keshiba. ²⁸ Amenda kabwela ne ku fimba amacheleta akwa Falo, aba kwensha imbongolo bakwe, kabili fita fyakwe fyonse ifyo ifyalukubalonda amacheleta mukati mukishiba. Tapali neli umo uwapusukile. ²⁹ Fyopele fyo, aba Isuleli balyendele pa mushili uumine mukati ka kishiba. Amenda yalibele kibumba kulibo kukabeye ka ku kulwine naku kabeya ka kukipikoo. ³⁰ Ba Yawe kabapulusha aba Isuleli kasuba ukufuma mu minwe ya Ijipiti, kabili aba Isuleli babwene imibili ishifwile isha bena Ijipiti ku mbali ya kishiba. ³¹ Ili aba Isuleli babwene amakosa ayakulu ayo ba Yawe ba bomfeshe pa ba Ijipiti, abantu ka ba lemya ba ba Yawe, kabili ba ketekeleni muli ba Yawe mu musha wabo Mose.