¹ Lomba ba Yawe balilabile kuli Mose, nekulabila ati, ² ''mbikileni pakabeya nemo ifyakutanga uku fyalwa ifyalalume - ifibeli nakupakuti ifili fyonse ifyakutanga ukwisula ipafu pakati kaba Isuleli ifyo fyangi nemo, neli muntu nangaba ni nama.'' ³ Mose alilabile ku bantu, ''aka kasuba kamukabika mukalango, akasuba ako mwafwumine mu Ijipiti, ukufuma mu nanda ya busha,ni kukuboko ukukosele ukwa ba Yawe. Tekulyo shinkwa kwa kita tumushi. ⁴ Pakuti mulukufuma mu Ijipiti pali kano akasuba, mu mwenshi wa Abibi. ⁵ Ilyo ba Yawe bamifisheni mu kyalo kya bena Kanani, neba Yeti ne ba Amoli, neba fifi kabili neba Jebusi, impanga iyo balayene ku fikolwe fyobe ukukupela webo, impanga iyo iswilemo umukaka ne buki - popele ukalukulama uyu musango wa kupupa muli uyu umwenshi. ⁶ Panshiku shi sanu na shibili mukalye shinkwa uwakubula ikitutu mushi; pakasuba ka busanu na bubili pali kuli ikitenge ikya kulemya baYawe. ⁷ Shinkwa uwakubula imbisho akali we munshiku shisanu na shibili shonse; shimwa uwa mbisho ekamoneka pakati kenu. Imbisho shikabonekapo na webo na mupaka yenu yonse. ⁸ Pali kako akasuba mukalabila ku bana benu ati, 'Ifi ni pakuti pa fya nkitile ba Yawe nemo ili na fumine mu Ijipiti.' ⁹ Iki kikali kuli kya kwibukishako kukuboko kobe, kabili ikya kwibukishako pa kilungi kyobe. Iki kyabe ifi ati ifunde likali kuli mukanwa kobe, nipakuti ni kukuboko kwaba Yawe kwati mutamishe mu Ijipiti. ¹⁰ Pali fye fyo mukalu kulama ili funde pa mpindi isontelwe ilyaliko ukufuma kwamwaka ne kumwaka. ¹¹ Ilyo ba Yawe baka mifisheni mu kyalo kya bena Kanani, koti kulaya kwakwe kuli webo na ku fikolwe bakamipela impanga mwebo, ¹² mukabike pa kabeya ifya ba Yawe muli fyonse ifya kutanga ukufyalwa mwipafu lyonse. Ifibeli fyonse ifika fyalwa mufilelwa ifyo ifi kukali fyalaleme, fikali kuli fya ba Yawe. ¹³ Kabili onse umwana wambongolo umubeli mukamulubule ne mwana wa mbelele, kani tamumulubwilepo, penka muka mukamukonone umukoshi. Lomba bonse ababeli mubana benu abalalume mukabalubule. ¹⁴ Kabili iyo umwana ubo umwalalume pampelo akwipusha ati, 'mba kikopilibule ndo iki?' ili uka mweba ati, 'kyali ni kukuboko ukukosele ukwa ba Yawe ekwatufumine mu Ijipiti, ukufu mu nanda yabusha. ¹⁵ Ili Felo mu kulitota kwakwe akane ukutuleka ukuya, ba Yawe balipeya umubeli yense mu Ijipiti, bonse ababeli abamu bantu ne ba mu finama. Efi fyo mpelela ilambu kuli ba Yawe ifyo fyonse ifyalalume ifitanshi ukwisula munda lomba bonse abana bangi abalalume ndabalubula.' ¹⁶ Iki kikalukuli kya kwibukishako pa kuboko kobe, kabili ikya kwibukisha pa kulungi kyobe, ni pakuti kyali ni kumakosa akukuboko kwaba Yawe ukwatufumishe fwebo ukufuma ku kyalo kya Ijipiti.'' ¹⁷ Elyo Felo alekele abantu ukuya, Ba Lesa tababatangilile bo kunshila iya ku ba Filisiti, neli ulya mushi wali apepi. Pakuti ba Lesa bali labile ati, ''Epakuti abantu baalulula imitim yabo pakupita munkondo kabili ne kubwelela ku Ijipiti.'' ¹⁸ Sombi ba Lesa bali batangilile ukupitaso mu mpanta ukuya ku kishiba ikikashikile. Aba Isuleli balifumine mu kyalo kya Ijipiti kabalibambile ne filwilo fya nkondo. ¹⁹ Popele Mose alipintile amafupa yakwa Yosefi, pakuti Yosefi alibalengele aba Isuleli ukulapa ukwine ne kulabila ati, ''Ikine ba Lesa ba ka mikakululeni mwebo kabili mu kapinte amafupa yangi.'' ²⁰ Popele aba Isuleli balyendele ulwendo ukutula ku Sukoti kabili ne kukomena pa Esami mumbali ya mpanta. ²¹ Ba Yawe balukubatangilila pantangile mumpindi ya kasuba mwikumbi mu kubalanga inshila. Namu bushiku bali kubatangilila mu mulilo kukubapela ukutuba mulifi fibali kwenda mu kasuba na mubushiku. ²² Ba Yawe tabalukufumyapo pa bantu mu mpindi ya mukasuba ikumbi neli mu mpindi ya mubushiku umulilo.