¹ Pano mwebakwasu ifya kwisa kwaba Shikulu besu ba Yesu Kilishitu nefyakubungana kwesu ukwakuli bo, ndukumukombeteni mweba kwasu ati, ² Mwilukufulunganishiwa bwangu mumalangulushi enu neli kukankamana pakuti pakumfwa ati akasuba kaba Shikulu kalishile kale. Kipale balukulanguluka ati efi twalabile pakulukushimika neli kutulisha, nelya ati twalilembele mu nkalata imbi. ³ Tekusumina umuntu neli umo ati amutupaikeni neli panini pakuti akasuba kaba Shikulu takakafikapo ili ukwalukila ukwakupelako takungabapo ili ukwalukila ukwakupelako takungabapo, nawoyo muntu wakubifya neku boneka, uyo ukaya mukonaula. ⁴ Uyo akalengulula fyonse ifyo ifi abantu bakindika nafyefyo fyonse ifi abantu bebati ni ba lesa, kabili akalikusha umwine nekwingila namunganda ya ba Lesa nekulyeba ati nebo ene Lesa! ⁵ Kanshi mwebo tamulukulanguluka ati ifyo efifilya ifi namubulileni ili nakili nenu? ⁶ Nangabefyo epo kili kimbi ikilikufikanya ifi fintu ati fikitwe bukumo, nakabili mulikishi iki. Pampindi iyelelwe lomba umuntu wakubifya uyo akaboneka. ⁷ Bumbifi ubwamfiso bulukupyunga nabukumo sombi ifikakitwa tetifikakitwe ukufikila impindi iyo lomba uyo ulukufikila akateshiwepo. ⁸ Penka umuntu wakubifya akaboneka, sombi ba Shikulu Yesu pakwisa epo bakamwipaya kukupema kwamukanwa kabo nekumonaula kukuboneka kwabuleme bwabo. ⁹ Umuntu wakubifya akesa nemakosa akwe satana nekukita ifimpelampela ifipusene pusene ifya kutumpaika, netwishibilo. ¹⁰ Lomba nekukupyungisha ukukengela konse ukusendeme pali babo abakonaulwa pakuti tabapokelele neli kutemwa bukine mukweba ati bapuluke. ¹¹ Pakuti pakyebo iki ba Lesa balukutuma amakosa akufulungana mukupyunga mulibo mukwebati baketekele fyabufi. ¹² Ukupelako nikuku ati abo abatabaketekele bukine, sombi balitemenwe ifyakubifya bakashininwa. ¹³ Fwebo tulyelelwe ukubatota ba lesa impindi shonse pakuti pali mwebo, mwebakwasu mwemulukutemiwa kuli ba Shikulu. Pakuti ba Lesa balimusalulwileni ati mukatanga kupuluka kumakosa amupashi nukumwaluleni bantu babo abaswetelele kukuketekela kwenu ukwamuli bukine. ¹⁴ Ba Lesa balimwitileni kuli fifi pakuti pakyebo ikiweme ikii twamutulishisheni bali mwitileni ati mukapoke ikyakwabana kyenu ikyabuleme bwa ba Shikulu besu ba Yesu Kilishitu. ¹⁵ Pano lomba mwebakwasu, imakaneni abakosele nekwikatisha bukine ubo twamusambisheni mukutulisha kwesu namunkalata Yesu. ¹⁶ Pano ba Shikulu besu ba Yesu Kilishitu abene, na ba Lesa ba wishifwe abatutemenwe nekutupela ukukosa ukwakubulo ukufilwa neluketekelo ulukosele pakuti paluse lwabo, ¹⁷ Ngabesushe imitima yenu nemakosa nekukosheni ati mukite ifiweme imindi shonse mukukita kwenu namukulabila kwenu.