1 ¹ Hang buku sa haut na tulis ku hie,Teofilus, andri katuluh sa nuku na ulah gawi piajaran Yesus ru, ² hampe andrau hanye na angkat, udi Hanye nunyu,mitah Ruh Barasis, ma Rasul-rasul isa haut na pidi Ni. ³ Ma here, Hanye pada nyurung tenga Ni raerai welum udi Hanye wuah kahanangen, pada rama bukti, nelang nantarang tenga Ni ma here salawah epat pulu andrau bulu bapaner masalah Karajaan Allatala. ⁴ Katika Yesus masih ikumpul anri here katuluh, Hanye marentah, himpan here ada nanan Yerusalem, kude ngandrei jannyi Allatala, sa kala yiti lengaan ni, "Naun haut karengei teka Aku, ⁵ da- ya hi Yohenes ngapandrus andri ranu, kude hanyu ngapandrus andri Ruh Barasis " puang lawah lagi, teka itati. Yesus Mihemmuk ma Surga ⁶ Daya yiru, hang tawuk here sameh-sameh kumpul, here nunti ma Hanye,"Tuhan inun itati waktu ni Hanyu ngampi bebas Israel ?" ⁷ Jawab Ni : puang usah naun karasa, sa wayah anri katika , isa haut na putus daya Amah Ku, mitah kuasa Ni. ⁸ kude hanyu pasti narime kuasa, waktu Ruh barasis minau ma hanyu, hanyu palus jari saksi-saksi Ku, hang Yerusalem, hang katuluh Yudea anri Samaria hampe ma bagian paling hujung bumi. ⁹ Udi Hanye iwara kawan katuluh yeru, here mihangut ma am'mau langit, kadinung Yesus na ennat sinrah kawan rakun hampe haut puang dinung lagi. ¹⁰ Rahat here masih nangut ma am'mau langit, tawuk Yesus haut ang dinung, salenga naan rueh kaulun upu ba baju mahilak mindri hang higa here, ¹¹ palus ngamanner here, " u, naun kawan ulun Galilea, wuah inun naun ekat mindri hang yiri, nelang ekat mihangut ma ammau langit ? Yesus, sa udi baya naun runien haut mihemmuk ma surga. Kude Hanye sagar mulek makai sara Ni, sameh kala dinung naun waktu Hanye mi hem'muk ma surga. Midi Erang Kaulun Rasul ¹² Udi hie, here mulek ma Yerusalem hingka bukit sa ngaran ni bukit Zaitun, masih tete andri Yerusalem, kira-kira erang mingu lawah ni hang lalan. ¹³ Dami here hampe hang Yerusalem here mam'mai ma lewu uneng here am'malem, palus masuk ma wuang ruangan sa panga am'mau. Kawan Rasul yiru ; Petrus andri hi Yohanes, andri hi Yakubus, andri hi Andreas, Filpus, Tomas, Bartolomeus, andri hi Matius,Yakubus anak Alfeus, andri hi Simon ulun teka Zelot, andri hi Yudas anak Yakobus. ¹⁴ Andri bulat atei nelang isa kunuan here ilakudua, tamasuk kawan wawei andri hi Maria, ineh Yesus baya kawan pulaksana'i-Ni. ¹⁵ Hang andru yiru pada, hi Petrus mindri hang penah-penah ulun rama, kira-kira (jatuh ruampulu ka ulun hene ni), palus ka eau ; ¹⁶ "Ka- wan pulaksana'i katuluh, inun sa haut na surat hang wuang Buku Barasis harus na sanuput, kala isa haut na wara mitah Ruh Barasis, mitah hi Daut, ne'u hi Yudas sa jari panganyak kawan ulun lepuh nyam'ma Tuhan Yesus. ¹⁷ Hi Yudas hanye yeru erang ka ulun teka sameh takam, nelang pada haut na pidi , pakaii umma bagawi hang wuang palayanan yiti. ¹⁸ Hi Yudas yiti pada haut midi erang kapeng tane, hasil teka upa kajahaten ni, udi yiru diung Yudas palus lepung, wuntung ni puhi hampe kawan wakai sana'i ni galis takaluar. ¹⁹ Katuluh sa muneng hang Yerusalem, haut uras karasa ne'u hal yina, daya sababni, hang wuang basa here na antuh "Hakal -Dama," sa arati ni Tane Ira. ²⁰ Daya haut naan na surat hang Mazmur ; elah ni Tumpuk yiru jari suni, ada naan erang ka ulun sa muneng hang wuang Tumpuk yiru, (Mazmur 69:26). Nelang elah ulun lain sa maharung /ngalap jabatan ni.(Mazmur 109 :8) ²¹ Daya sabab yeru harus naan erang ka ulun sa um'ma baya takam pakai nengau Tuhan Yesus kaluar/masuk hang penah-penah takam. ²² Mulai tika Pangapandrusan Yohanes,hampe Tuhan Yesus mam'mai ma surga,takam sameh-sameh jari saksi Ni. ²³ Balalu kawan ulun isa naan hang yiru, ngusul rueh ka ulun, hanye yiru hi Yusuf, sa na galar hi Barsabas,atawa pada na galar hi Yustus, andri hi Matias. ²⁴ Udi yiru here " ilaku dua" : Hanyu Tuhan sa paling karasa katulu kawan atei nelang kunuan kami ulun murunsia, awat tutui ma kami, hie sa haut na pidi daya Nu, teka here ba rueh yina, ²⁵ pakai narime gawian malayani, palus na angkat jari Rasul, pakai nganti hi Yudas sa haut matei hang wuang dusa ni. ²⁶ Balalu kawan Rasul-Rasul ngulah Undian, ne'u midi here ba rueh yina, ahir ni isa manang undi lawu ma hi "Matias" dan hi Matias palus na angkat jari "Rasul" pakai bagawi sameh-sameh andri sawalas Rasul lain ni.