3 ¹ Hang hindra andrau, hi Petrus andri Yohanes tulak ma Bait Allah tawuk yeru jam lakudu'a sakitar jam telu kariwe. ² Balalu, naan erang kaulun upu sa naeteh daya lumpuh teka hang wuntung inehni. Tiap andrau here ngandak hanye hang hadapan wanawang Gerbang Indah neu laku sadakah teka kawan ulun sa kai masuk ma Bait Allah. ³ Tawuk hanye kadinung Petrus andri Yohanes kai masuk ma Bait Allah, hanye laku sadakah andri here. ⁴ Dami hi Petrus andri Yohanes kadinung hanye balalu kaeyau ''Dinung kami". ⁵ Ulun lumpuh iru nyampining hi Petrus andri Yohanes, nelang baharap pengamian teka here. ⁶ Kude, hi Petrus kaeyau, " perak andri amas pauweng wat ku, kude inun sa naan hang aku ami ku ma hanyu. Hang wuang ngaran Yesus Kristus ulun hingka Nazaret iru, ambuan andri takiyaleh!" ⁷ Udi yeru, hi Petrus negei tangan kawan ulun iru andri ngarawahni mindri. Tawuk yeru pada pe'e andri kakulepanni jari wigas. ⁸ Hanye nanturak, mindri andri mulai takiya. Balalu, hanye masuk mawuang Bait Allah sameh-sameh hi Petrus andri hi Yohanes, nelang takiya, andri nanturak, nawat Allatalla. ⁹ Katuluh ulun sa kadinung hanye takiya yeru pada nawat Allatalla, ¹⁰ here kataru andri ulun irulah sa gaha laku sadakah maharung hang Gerbang Indah Bait Allah. Here tu'u embah andri wauh inun sa haut terjadi hang hanye. Eau Petrus ma kawan ulun rama. ¹¹ Tawuk ulun iru negei tangan hi Petrus andri Yohanes, nelang kawauh kawan ulun rama yeru ngapung here ma Balai sa na ngaran Serambi Salomo. ¹² Balalu, tawuk hi Petrus Kadinung yeru, eau ni ma ulun rama iru, " U kawan ulun Israel, dainun naun wauh inun sa haut terjadi yena atawa dainun naun nyampining kami ialah andri kuasa kami atawa kapintaren kami raerai kami haut ngulah ulun yena tau takiya ? ¹³ Allah Abraham, andri Ishak, andri Yakub, Allah Itak Kakah takam sa haut nawat hambaNi, Yesus, sa puang na tarime andri nasarah naun ma hadapan Pilatus tawuk hanye haut ngami keputusan nampan nyanepah Yesus. ¹⁴ Dami, hanyu puang narime Isa Barasis andri Maeh, andri hanyu ilaku erang ulun pamunu nasanepah ma hanyu, ¹⁵ naun pada munu Sang Ngami Pamelum, sa haut na ambuan Allah Tala teka kapanan ulun matei. Neu yina, kami jari saksi-saksi. ¹⁶ Daya kaepersayaan hang wuang ngaranNi, bangaran Yesus, sa haut ngami kakuaten ma upu sa na dinung andri na pantaru naun yena. Daya, kepersayaan sa hawi teka Hanye pada sa haut ngami kasehaten sa sampurna ma upu yena hang hadapan naun katuluh. ¹⁷ Taati,kawan pulaksanaiku, aku karasa neu sa naulah naun hang wuang pipuangkarasaan naun kairu pada sa naulah kawan here pamimpin naun. ¹⁸ Dami, sa nahampe daya Allatalla pihuanni mitah wiwi mulut kawan nabi neu Kristus kai sangsara, haut naganapiNi. ¹⁹ Daya yeru, mulekleh andri batubatleh nampan dosa-dosa naun na ampuni, ²⁰ Nampan kaaraien nainam tawuk pihawian Tuhan, andri nampan Hanye ngutus sa haut na tatapkan maha hanyu, Hanye yeru Yesus, ²¹ sa natarime hang Surga hampe tawuk pemulihan kawan inun sa haut na tahampe Allatalla mitah kawan nabiNi sa Barasis teka zaman sadi. ²² Muses kaeau, Tuhan AllahNu kai ngamm'uan ma naun erang kaulun nabi kala aku teka kawan pulaksanai naun jua . Naun harus nyanrengei kawan inun sa na eauni ma naun katuluh. ²³ Kude sagar terjadi, satiap ulun, sa puang nyanrengei inun eau nabi yiru tau natampunah teka helang kawan bangsa. ²⁴ Udi yeru, katuluh kawan nabi sa suah kaeau, teka Samuel andri here sa haut nampe kabar maeh yeru hampe andrau-andrau yena. ²⁵ Naun yeru ialah keturunan teka kawan nabi andri teka Perjanjian sa naulah Allatalla andri Itak Kakah naun, kalayena eau Abraham, ' Katuluh katurunan anak tukui naun, hang amm'au tane yena sagar nabarkati' ²⁶ Udi ngamm'uan hamba-Ni, Allatalla nunyu Hanye hawi nunung naun badahulu neu memberkati naun himpan tiap ulun teka keturunan naun mulek teka ala jahat."