¹ Mmi lyiinu chiinga e wula chii yeerwa choku mana iyaanza nne toovere, nni kwaava nne ku toontola mu iwulu ku woola ku sika mu chibalyi chimwe che inako. ² Mmi nni nna vona mangiloyi eena ku mana iyaanza a ziima ha vusu vwe Ireeza, mane hape choku vona nni va heewa intorombita ziina ku mana iyaanza nne zoovere. ³ Mmi lyiimwe ingiloyi nni lyeeza, nni lyi kweete kasuva ke ighawuda, ku ziima he iziko lye zitavero. mmi nnaa heewa a hulu zivuna, kuti a woolye kuzi zwiisa kamba ku ziha ha mwiina vulyo nne itapero zava lukite/ va shiyeeme he iwulu lye chitavero che ighawuda chi veena ha vusu vwe chipura che Ireeza. ⁴ Mmi vuusi vwe zivuna, vu vaazwi aaho nne mirapero yaa vo va zumiine, choku tantukira kwe Ireeza nni kuzwa mu iyaanza lye ingiloyi. ⁵ Lyiinu ingiloyi choku hiinda kasuva choku ke izuza mulyiro wuzwa ha chitavero. Choku isohera hansi mu inkaanda, choku taanga kuva nne kutiimba, nne mimini, mane nne ku nyanganya kwe inkaanda. ⁶ Mmi lyiinu mangiloyi a mana iyaanza nne oovere a vaa kweete intorombita zi mana iyaanza nne zoovere choku zi vakanyeza kuzi lyiza. ⁷ Ingiloyi lye intaanzi nni lyaa lyiza choku shaala kwiina mulyiro u kopene ne malaha. Mmi iizi nni zaa soherwa mu inkaanda ka kuti cho vuutatwe nni za hiya, che vuutatwe vwe zisamu zi va hishwa, mane nne lyaani iteke lyoonse nni lyaa hiishwa. ⁸ Ingiloyi lyo vuuveri nnaalyo choku lyiza, mmi chimwi chi vaalyi ku voneeka mane iiri iruundu lyi kweete ku bukuka nni lyilyi ikaando a hulu choku soherwa mu iwate. Mpaaha vuutatu vwe iwate ha vwaa saanduka malaha vulyo, ⁹ mane nne vuutatu vwe zihalantu zi vaalyi ku waanika mu iwate, cho kufwa, nne vuutatu vwe zikepe choku shaala zi sinyehete. ¹⁰ Ku zwaaho ingiloyi lyo vuutatu choku lyiza, cho kuwa inkaani inkaando a hulu nni yizwa ku iwulu, nni yiya vu bukuka mane iiri ilambi, mmi mu vuutatu vwe lwiizi, mane nne ku a taanga lwiizi. ¹¹ Izina lye iyi inkaani nje chisamu che Wormwood. mmi vuutatu vwa menzi choku va Wormwood, vantu vaangi choku manina vaa fwa che ivaka lya menzi a vaa ku lula. ¹² Nne ingiloyi lyo vuunne nni lyaa lyiza, mmi imbalyi yo vuutatu ye izuva choku sasaminwa, mane nne imbalyi yimwe yo mweezi yo vuutatu vwa teni, nne vuutatu vwe inkaani. Ku chitira kuti imbalyi yaazo yo vuutatu choku shaala yi siiha; lo vuutatu musihalyi ne lo vuutatu masiku ke nna ku vavi iseri. ¹³ Nina lola, choku zuwa ingiloyi nni lyi wulukiire ha kati ke iwulu, nilyi kwete lyi kuwa kuti, "Ku mayivite ku mayivite ku mayivite, ku ve ikalyi ve inkaanda cha mavaka o kucho kuti, mangiloyi amwe aa ka eeni ku lyiza/ fula intorombita zaawo!