¹ Mmi nni kweeza lyimwe ingiloyi lya eena ku mana iyaanza nne oovere lyi vaa kweete tusuva twiina ku mana iyaanza nne toovere, choku waamba nnaame, nni lyicho kuti, '' wiize, zeni ku toondeza ikatulo ye ihuulye ikaando lyii keere he iwulu lya meenzi maangi. ² Iiye vasimwiine ve inkaanda a vava chiti vuhuulye nnaaye. Mane nne veikalyi ve inkaanda vava nywi choku kolwa vujwara vo vuhuulye vwaakwe.'' ³ Ku zwaaho ingiloyi nni lya nni hiinda muluuho choku nni twaala ku chikwa, mmi nni nna ka vona mukulwaakazi yo wii keere he iwulu lye chivatana cho muvala wo tuvweevwe nni chii zwiire mazina o kutukana. Nne kuti chiina mitwi yiina ku mana iyaanza nne yoovere nne maziya eena ikumi. ⁴ Mmi uuzu mukulwaakazi cho kuva nna zweete zizwaato zo muvala wo tuvwevwe, induva, nne ighawuda, nne mavwezana amwe. Nni lyee pirara, nna kweete che iyaanza inkomoki ye ighawuda yii zwiire ikwe nne indazira zo vuhuulye vwaakwe. ⁵ Mmi ha mutwi waakwe ku veena izina lyi ngolyetwa, zi see zivitwa: '' Babilona mukaando, inyina wa mahuulye nne ikwe lye inkaanda.'' ⁶ Mmi nni nna vona mukulwaakazi nna nywiine malaha a vantu vajolola, nne malaha a va vaa fwiiri itumero ya Jeeso; mmi chiinga nna muvona, nni nna shaala nni komoketwa a hulu. ⁷ Mmi ingiloyi nni lya nicho kuti chiinzi ha waa komokwa? Muni ku lwiire zi see zivitwa choozu mukulwaakazi, mane nne chivatana chee chiire, china mitwi yiina ku mana iyaanza nne yoovere nne maziya eena ikumi. ⁸ Chivatana chi waa vona nku chiveena, mane ka chikwiina, nne kuti ka chitaantuke nni chizwa mu iriindi. Cho kuya kuku fwa.Mmi aavo ve ikala mu inkaanda, aavo va mazina a saa ngolyetwa mu ivuuka yo vuhalo inkaanda nniyi seeni ku pangwa-chini vaa vona chivatana chi veena ha teni, Ku zwaaho kachi sii kwiina hanu hape chi chaa sika. ⁹ Mmi lyiinu hanu mpuku sakana ingana. Mitwi yiina ku mana iyaanza nne yoovere maruundu a mana iyaanza nne oovere kwe ikala mukulwaakazi. ¹⁰ Mane hape vasimwiine va mana iyaanza nne voovere. Va mana iyaanza chiva vaafwi,u mwiina nkweena, zumwe keeni kwiiza; mmi chinaa sika, kaa halyezana vulyo kaniini. ¹¹ Mmi chivatana chi veena kwa teni, ku zwaaho hanu kachi sii kwiina, iicho nche ipalo yoku mana iyaanza nne tootatwe; hape mane incho ku mana iyaanza nne toovere, nni lyi vasimwiine veena seven , njee cho chi kaya kuku fwa. ¹² Mmi maziya eena ikumi, a waa vona va simwiine veena ikumi va seeni ku taambula muvuso, Mmi hanu vuti njeeti nni va taambulye ku vusa che chivakazana vulyo chi mwiina chiniini nne chivatana. ¹³ Aava veena ingana yii mwiina, ka vahe itata zaavo zoonse nne ziho zaavo chivatana. ¹⁴ Aava njeeti nni va lwiise imberere. Mmi imberere kayi va zuunde Ka kuti njeeye induna ye induna nni simwiine uva simwiine-mane veena nnaaye u valyi suumpiire, choku valyi salyira, nne kuti va veena vusakusima.'' ¹⁵ Ku zwaaho nna nnicho kuti, '' meenzi a waa vona, aaho he ikeere ihuulye, vantu, cho vuungi vuungi, mishovo, nne mishovo koonse vulyo nne indimi. ¹⁶ Mmi maziya eena ikumi a waa vona-Evo nni chivatana aava ka vatoye ihuuly. Ka valyi wumbutulye, cho kulyi zavula, cho kulyia inyama lyaalyo choku lyi hiisha cho mulyiro. ¹⁷ Ka kuti Ireeza a va chiviiki mu inkulo zaavo kuti va woolye ku pangahaza ku suna kwaakwe nne kuti va zumiinzaane cho kuha chivatana muvuso waavo, mbwiita manzwi e Ireeza chini aa pangahala choku izula. ¹⁸ Mmi uuzu mukulwaakazi u waa vona ku teewa muzi mukaando, wu vusa vasimwiine ve inkaanda yoonse vulyo.''