¹ Mmi nni nna vona chivatana nni chizwa mu iwate. Nni china maziya eena ikumi nne mitwi yiina kumana iyaanza nne toovere, he iwulu lyo mutwi ni kwiina nkuani nni kwiina mahwiisi eena ikumi ziima he isekeseke lye iwate, choku vona chivatana, hape he iwulu lye iiyi mitwi nni kwiina izina lyo mitukano. ku ilyi. ² Mmi chivatana chini vaa voni chi vaalyi ku swana nne uungwe. mmi mateende aacho nni a kola e ibeera, kalomo ka teni aako choku swana mane iiri nko undavu. Ku zwaaho dirakona nna chiha ziho zaakwe mane chipura chaakwe,nne ku vusa ku kaando a hulu. ³ Nni nna vona umwi ye mitwi yaakwe nni lyoleka ha ifwiire , Ku zwaaho cho chweechi chiravi nni chaa hola. mmi inkaanda yoonse e va komoketwa nni sheere chivatana mu masuulye. ⁴ Mmi nni va rapera idirakona, yi vaa hi chivatana zacho ziho. Mmi nni va rapera chivatana, naavo, chi ku zwirira nni va chokuti nni vati, ''njeeni yoo swana nne chivatana?'' Mane hape ''njeeni yo woola ku chi lwiisa?'' ⁵ Mmi Chivatana nni chaa heewa kalomo wu waamba zintu zikaando mane nne ku tukana. hape choku heewa ziho kuti chi woolye ku zi chitahaza mu luvaka lwe miyeezi yiina makumi oonne nne yoo vere. ⁶ Mmi nni che wuula kalomo choku taanga ku tuka Ireeza: ku tuka izina lyaakwe, mane nne meekalo a kwe, nne voonse vulyo ve ikala ku iwulu; ⁷ Hape Chivatana nni chaa zumininwa ku lwiisa vajolola, nne kuva zuunda. Mane, nni chaa heewa ku vusa vantu voonse, mushovo umwe nne umwe, nne muntu umwi no umwi ,nne indimi zoonse, mane nne inkanda yonse. ⁸ Mmi voonse veena mu inkaanda kava chirapere, aavo va mazina aavo a sa ngolyetwa, mu ivuuka yo vuhalo, ye imbereere, yi vee hayiiwa kuzwa ku intaanzi ye ku paangwa kwe inkaanda. ⁹ Haiva kwiina muntuyo wiina kutwi ku zuwa aa zuwe. ¹⁰ Iiye yoo hapa vantu nnaaye u lukeere ku hapiiwa. Nnaaye yo wii haya che mulyiinga u lukeere kuti ee hayiiwa chaawo. Lyiinu aaha mpaha sakahala inkulo inde ya vajolola nne itumero yaavo. ¹¹ Hape nni nna vona chimwe chivatana nni chizwa mu inkaanda; nni chiina maziya a kola e imbereere, nni chi waamba mane iiri idirakona. ¹² Iichi chivatana chiina ziho zoonse ze chivatana che intaanzi chi veena ha vusu vwa teni, chi pange kuti inkaanda yoonse nne vantu vee kala mwa teni va rapere chivatana che intaanzi-iicho chi vaati nni chaa hola chiravi. ¹³ Chi panga imakazo zi komosa, mane nne ku woola ku sosa mulyiro kuwu zwiisa ku iwulu mbwiita haansi mu menso a vantu. ¹⁴ Ku zwaaho choku panga zishupo zi chi va heewa chi zi pange, choku ziyeza vantu vee kala mu inkaanda. Choku va lwiire kuti va pange chiswaaniso ku kuteka chivatana chi veena chiravi cha ka fulo mnni chi hala. ¹⁵ Mmi chi veena ziho o kuha vuhalo ku chiswaniso che chivatana, nne kuti chiswaniso che chivatana chi woolye ku waamba, hape mane nne ku chita kuti zumwe nne zumwe yaa seti nna rapere chiswaniso che chivatana nne hayiiwa. ¹⁶ Mane chi chita kuti voonse, vahwiire, nne vakulwaana, vahumi nne vahumanehi, va sumunukite nne[mabantiti] va sumiinwa, va tambulye luswayo mu iyaanza lya malyo, kamba mu zifateho zaavo. ¹⁷ Mane nne ku chita kuti saanzi nni kuvi muntu zuhi kamba zuhi yeeti choo wuza kamba ku wula, mbwiita vulyo iiye yo wiina luswayo, kamba izina lye chivatana, kamba ipalo ye izina lyaacho. ¹⁸ Ingana[maano] yinu hanu. a iiye yo wiina ku lyemuha a valye ipalo ye chivatana. Ka kuti ipalo yo muntu. mane ipalo yaakwe nje miyaanda yi mana iyaanza nne wu mwiina nne makumi a mana iyaanza nne ka mwiina[666].