Chinzi lyinu cheti ne tu wambe? A tu zwirire mu chivi vulyo kuti isehuhazo i injihe? Sa nzi kuvi. Uswe tu va fwi ku chivi, tu wola kuva ne tu sihala vulye mu chivi? A ka mwizi kuti siina vungi mu va va kolovezwa mwa Kirisiti Jeso va va kolovezwa mu lufu lwaakwe? ^{4 5} Tu va wungwa, lyinu, chakwe che ikolovezo mu lufu lwakwe. Ichi chivapangahalyi kuchitira kuti sina Kirisiti mwa va vuswa kwavo va fwire che iverengo ye isheetu, lyinu nako tu wolye kuyenda mu vuhalo vuya. Mukuti haiva tu veere hamwina naye mu kuswana ko lufu lwakwe, ka tu ve hamwina ne kuvuka kwaakwe. ^{6 7} Twizi ichi, kuti muntu mukulukulu a va vambulwa naye, vulyo kuti muviri we chivi o wolye ku sinywa. Ichi chivapangahalyi vulyo kuti sanzi tuvi vahikana ku chivi. ^{8 9} Mi haiva ne tu fwire ne Kirisiti, tu zumina kuti naako ka tu halye hamwina na ye. Twi izi kuti Kirisiti u vuusizwa mwavo va fwire, ne kuti ka si fwiire. Ifu ka si lyi lawulyi ha lyi. ^{10 11} Mukuti ka ha ifu kuti a va fwi kwi ifu, a va fwire vonse kamwina. nehakuvavulyo, vuhalo vwa hala, u vu halyira Ireza. Mwi inzira iswana, unwe naanwe mu lukere ku lyi hinda ha mu fwire ku chivi, mi muhala kwe Ireza mwa Kirisiti Jeso. ^{12 13 14} Lyinu sanzi mu siyi chivi kulawula mu muviri wenu ufwa kuchitira kuti mu ve ne mu zuwa iyerezo zawo. Sa nzi mu lyetere inungo ze miviri yenu ku chivi, ku va zitendeso ze vuvilaala. Mi lye lyete kwe Ireza, siina avo va fwire va hala hanu. Mane mu lyete inungo ze miviri wenu kwe Ireza siina zitendeso ku ku tendeswa kushiyama. Sa nzi mu siyi chivi ku mu lawula. Mukuti ka mwina kunsi lye mulawo, mi kunsi lye isehuhazo. ^{15 16} Lyinu chinzi? A ka tu chite chivi mukuti ka twin kunse lye mulawo, mi kunse lye isehuhazo? Sa nzi ku vi. A ka mwizi kuti iye u mu lyetwala kwalyi siina vahikana njeye u mu teeka, iye u mu lukere ku teeka? Ichi vuniti a mu vahikana ku chivi chi twala kwifu, nandi vahikana kwi kuteeka ku twala ku kushiyama. ^{17 18} Mi kukambirira kuve kwe Ireza! Mukuti mu valyi vahikana ve chivi, mi mu va teeki kuzwa kwi inkulo chikawo che kuruta che muvahewa. Mu va hululwa ku chivi, mane mu va chitwa vahikana ve kushiyama. ^{19 20 21} Ni wamba sina muntu cheivaka lye kusakola kwe inyama yenu. Mukuti vovulyo sina mu mu tondeza inungu ze miviri yenu sina vahikana kwi ikwe ne ku vuvilaala, mwi inzira iswana hanu, mutwaalye muviri wenu siina vahikana kwi kushiyama kwe kujolozwa. Mukuti ha mu siri vahikana ve chivi, mu va hulwirwa kuzwa kukushiyama. Iyo inako, chihantu chihi lyinu chi mu veena naacho che zintu zi mu swavire hanu? Mukuti zivolyeri zeezo zintu lufu. ^{22 23} Mi hanu mukuti che mu va hululwa ku chivi ne kuva vahikana kwe Ireza, mwina ne chihantu cheenu che kujolozwa. Chivolyeri vuhalo vusamani. Mukuti mamanimani e chivi lufu, mi inowo ya mahala ye Ireza vuhalo vusamani mwa Kirisiti Jeso Simwine weetu.