^{1 2} Ni tumina kwenu Phoebe inchize weetu, yo lyi muhikana we ikereke yiina mwa Sinkiriya, mu kuchita kuti mu wolye ku mu tambula mwe Ireza. Mu chite ichi mwi inzira e swanira varumeri, ne kuzima naaye mwi chimwi ne chimwi cha woola ku chi saka chenu.Mukuti iye kahavuhakwe naye a vavi mutusi wa vangi, ne naame moo. ^{3 4 5} Murumerisa Prisila ne Akhwila, vatendikunina vangu mwa Kirisiti Jeeso, va vati cha vuhalo vwangu va nyandisa mahalo avo.Ni ha vutimero kwaavo, mane insini ime vulyo, mi ne makereke onse a Vaseziireza.Murumerise ikereke yiina mwi inzuvo yavo.Murumerise Ipayinitasi musunwa wangu, yo lyi chihantu che ntanzi cha Azhiya kwa Kirisiti. ^{6 7 8} Murumerise Mariya, ya va mu tenderi ahulu. Murumerise Andironikasi ne Juniyasi, vakwangu, ne vawondetwakunina vangu. Ve zivinkene mu Vapositola, avo navo va vena mwa Kirisiti ntanzi kwangu. Murumerise Ampliyatasi, musunwa wangu mwa Simwiine. ^{9 10 11} Murumerise Ubanasi, murekisinina weetu mwa Kirisiti, ne Sitachisi, musunwa wangu. Murumerise Apelesi, yo tambwirwa mwa Kirisiti. Murumerise avo ve inzuvo ya Arisitobalasi. Murumerise Herodiyoni, mukwangu. Murumerise avo ve inzuvo ya Nasisasi, ve ena mwa Simwine. ^{12 13 14} Murumerise Tirayifina ne Tiraposa, va tenda ahulu mwa Simwine. Murumerise Pesisi musunwa, ya va tendi ahulu mwa Simwine.Murumerise Rufasi,yosalyitwa mwa Simwine, ne vanyina ne vangu. Murumerise Asinkiritasi,filigoni,hemisi,Petorobasi,hemasi, ne vakweetuchiswisu ve ena navo. ^{15 16} Murumerise Fililologasi ne Juliya,Neriyasi ne nchize, ne Olimpasi, ne vonse varumeri ve ena navo. Mulyi rumerisa che mulyikoto u jolola. Makereke onse a Kirisiti a mu rumerisa. ^{17 18} Hanu ni mu kumbira,vakwsnguchiswisu, mu nshane cha avo va lyeeta kukahuhanya ne kuchunchuna. Mu zambite kuruta ku mu va lyi tuti. Mu zwe ku valyi. Mukuti vantu ve ena vuti ka va tenderi Simwine weetu Kirisiti, mi ivumu lyaavo. Che miyambo yaavo mihuvirira ne kutembakusenavuniti va ziyeza inkulo za va sena mulandu. ^{19 20} Mukuti chikao cheenu che kuteeka chi sikira umwi ne umwi. Ni lyi itumera,lyinu, hehulu lyenu, mi ni saka kuti mu talyife sina mwecho chishiyeme, ne kuvulamulaandu mwecho chivilaala. Ireza we ikozo hohanu ka lyatirire Satani kunse lya matende enu. Isehuhazo ya Simwine weetu Jeeso Kirisiti ka ive nanwe. ^{21 22} Timoti, muverikisunina wangu,u murumerisa, ne Lushiyasi,Jasoni, ne Sosipata, mukwangu. Ime,Teshiyasi, yo ngola ilyi ingolo hansi, ni mu rumerisa mwa Simwine. ^{23 24} Kayisa, mutambulyi wangu ne we ikereke yonse u mu rumerisa.Erisitasi, muwondi-wa-chikwama che muzimukando, u mu rumerisa, ne Khwatasi mweetuchiswisu. ^{25 26} Hanu kwa alyi yo woola ku mu koza kuya che manzwi angu ne kuchumayera kwa Jeso Kirisiti, kuya che kutondezwa kwe zilyihungwire zi va vikitwa kuzwa kalye, mi izo hanu zi va tondezwa ne kwiziviswa che mingolo ye chiporofiti kuya che kulawula kwe Ireza yasamani, ko kuteeka kwe itumero mwavo Vahedani vonse.