^{1 2} Hanu uswe tu kolyete tu lukeere kwi ivala kusakola kuva sakulyete, ku sa lukera ku lyi itumerisa. Umwi ne umwi ka itumerisa umwi mukuti icho chishime, mu kuchitira ku mu zaka. ^{3 4} Mukuti nangati Kirisiti ka hena a valyi sangisa.Kunzelyevulyo, ku vavi siina mu ku ngolyetwa, ''Mutukano waavo vava kutuki ku va wiiri ha ngu.'' Mukuti chinzi nandi chinzi chi va ngulwa mwi inako ivahiti chi va ngolyerwa ku kayerwa kweetu, mu kuchitira kuti che inkulonde ne che kukozwa kwe mingolo ne tuve ne kukola ^{5 6 7} Hanu Ireza we inkulonde ne kukozwa a muhe kuva ne ingana i mwina umwi ne umwi kuya cha Jesso Kirisiti. Ka chite ichi mu kuchtira kuti che ingana i mwina muve ne temba che mulomo u mwina Ireza ne Tayo wa Simwine weetu Jesso Kirisiti. Lyinu mu lyi tambulye, mane siina Kirisiti naye mwava tambulyi unwe, kwi kutembwa kwe Ireza. ^{8 9} Mukuti ni cho kuti kirisiti ava chitwa muhikana we kufundwaikavi mu mazimo e vuniti vwe Ireza. A vachiti ichi vulyo kuti na wolye kunitihaza isepiso zi va hewa vuzazitayo, ne Vaseziireza va tembere Ireza inse zaakwe. Kwina siina mu ku ngolyetwa, '' lyinu ka ni muhe kutembwa mukati ka vaseziireza ne ku zimbira kutemba kwe izina lyenu.'' ^{10 11} Luvuveeri u ti, '' musange, unwe Vaseziireza, ne vantu vakwe. '' Mane lovuveeri, '' mutembe Simwine, unwe muvonse Vaseziireza; vantu vonse ka va mutembe.'' ¹² Lovuveeri, Isaya u ti, '' Ka kuve muhisi wa Jesi, ne iye yeeti na vukire kuvusa Vaseziireza. Vaseziireza ka vave ne kukolyera mwa alyi.'' ¹³ Hanu Ireza we kukola ka mu izuza kusanga konse ne ikozo ye kuzumina, vulyo kuti mu wolye kwizula mu kukola, che ziho ze Luhuho lu Jolola. ¹⁴ Ime kahavuhangu ni zundidwa kaha enu, vakwangu-chiswisu. Ni zundidwa kuti unwe nanwe kahavuhenu mwi izuzizwa kushiyama, mwizwire kwiziva konse. Ni zundidwa kuti mu wola nako ku kulyi koza. ^{15 16} Mi ni mu ngolyera kukolyete ahulu kaha zintu zimwi mu kuchitira ku mukumbulusa lovuveeri, cheivaka lye inewo i ni va hewa ne Ireza. Iyi inewo i valyi kuti ni ve muhikana wa Kirisiti Jeeso yo tumitwa ku Vaseziireza, ku hewa siina muperista lyinzwi lye Ireza. Ni lukeere ku chita ichi vulyo kuti chitavero cha Vaseziireza ne chi ve ne chitambula,jolwezwa ne Luhuho Lujolola. ^{17 18 19} Lyinu kusanga kwangu kwina mwa Kirisiti ne mu zintu ze Ireza. Mukuti keeti che ni wamba kahanzi kunze lyacha Kirisiti chavani chitiri cha ngu che kuzuwa kwa Vaseziireza. Izi nje zintu zi chitwa che ihuko ne misevezi, che inunuho ye zishupo ne imakazo, ne inunuho ye Luhuho lu Jolola. Ichi ku vavi vulyo kuti kuzwa Jerusalema, ne kuzumbuluka ku sika siina Ilyirikama, ni wolye ku twaala lyinzwi lya Kirisiti kumaninine. ^{20 21} Mwi iyi inzira, kusaka kwangu e valyi kusa lyinzwi, mi insini uko Kirisiti kwezivitwa che izina, mu kuchitira sa nzi ni zaaki hehulu lye mutero wo muntu umwi. Kwina siina mu ku ngolyetwa: '' Kwavo manzwi kwa sena a veeza ka va mu vone, ne navo va seni kuzuva kava zuwiseza.'' ^{22 23} Lyinu naamwe ni va vindiswa kwiza kwenu inako zingi. Mi hanu, ka ni siina chivaka mwe ezi ziraranda, mane ni va nungitwa zirimo zingi ku kwiza kwenu. ^{24 25} Lyinu heti nini ye kwa Sipeeyini, ni suluhera ku mu vona mu kuhita, ne ku tumiwa naanwe ha kwenda kwangu, ha ni mana kwi itumerera kuvako kwenu chivakazana. Mi hanu ni kaya kwa Jerusalema ku tendera varumeri. ^{26 27} Mukuti e valyi kusaka kushiyeme kwa Masedoniya ne Achaya ku chita kukunganya kumwi ku vahumanehi mukati ka varumeri veena mwa Jerusalema.E, e valyi kusaka kushiyeme kwaavo, mane,vusakusima, cheri vakoroti vavo. Mukuti haiva Vaseziireza va vi chiyave mu zintu zavo ze luhuho, va va korota naako ku va tendera mu zintu zechinyama. ^{28 29} Lyinu, heti nini wolye ichi mane ne ku ngolyesa ichi chihantu ku valyi, ka ni yende che inzira yenu kwa Sipeyini. Ni izi kuti, ha niiza kwe inu, ka nize muku maninina kwe ishiho lya Kirisiti. ^{30 31 32} Hanu ni mukumbira, vakwangu-chiswisu, cha Simwine weetu Jeeso Kirisiti, ne cha chishemo che Luhuho, kuti mu lwe hamwina name mu mirapero yeenu kwe Ireza cha ngu. Ni rapera kuti ni hazwa kwavo vasateeki mwa Judiya, ne kuti musevezi wangu wa Jerusalema uve nu tambulwa ku varumere. Murapere kuti ni wolye kwiza kwenu mu vuitumero che kusuna kwe Ireza, ne kuti ni wolye,hamwina nanwe, kuwana kulyihuza. ³³ Ireza we ikozo kaa ve naanwe mu vonse.Ameni.