¹ Vahwiire, mukuteke vazaazi veenu mwa Simwiine, mukuti iichi chishiyeeme. ² "Kuteke veeso ne vaanyoko" (ngomulawo wentaazi wiina isepiso) ³ "kuti kushiyame kwaako nokuti uwoolye kuhala inakoinde haansi." ⁴ Naanwe, veshaavovaana, musiye kuvengesa vaana veenu. Kunzelyovulyo, muvakuza cho kuvaviika munzira ne kuvatoondeza kwa Simwiine. ^{8 5} Zikombwa, muzuwe vanfumweenu vahaansi cheekute ikaando ne kuchachalyika, chovusakusima vweinkulo zeenu. Muveneekute kuvalyi siina mweeti nimuvavi nekute kwa Kirisiti. ⁶ Muvakuteke ising'ivulyo vanfumweenu chivamilolyeete kuti muvasaangisa. Kono, muvenekuti siina vahikaana va Kirisiti, yochita kusuna kwe Ireeza kuzwa munkuloyakwe. ⁷ Muteede chenkulo zeenu zoonse, siina mumu tendera Simwiine e sini Vantu. ⁸ Mu izieeve kuti kuchimwinechimwi chilotu chachita muuntu, kawaane mupuzo kuzwa kwa Simwiine, kapa muhiikana kapa usumunuke. ⁹ Vasimwiine, muwoonde vahiikana veenu chokuswana. Musiye kuva tiiza. Mwiizi kuti iye yeeri infumwaavo naanwe muvoonse wiina kwiwulu, hape kakwina isovozi kwaalyi. ¹⁰ Mamanimani, mukolyere kwa Simwiine ne muziho zaakwe zisakaangwa chimwi. ¹¹ Muzwaate zi zwaato ze inkondo yee Ireeza, kuti muwoolye kukola kumaano woonse o kuchengerera a Satani. ¹² Mukuti inkondo yetu kaheena yokulwa ne nyama ne malaha. Kono ilwa ne vahitiri ve inkaanda ne mivuso yo luhuho ne ve milawo ye nganda ye fifi ivilala, ne inhuho zolunya ziina kwiwulu. ¹³ Chelyoivaka, muhinde zilwiiso zoonse ze Ireeza, kuti muwoolye kukola mweyi inako imbilala, kakuti chimwaamana kuchita chimwinechimwi, kuziima chokukola. ¹⁴ Muziime mpaaho. hakuti chimwalisumina ibaanti lyo vuniti ne kuzwaata chisizirikizo chahachizuva cho kushiyama. ¹⁵ Lyinu insaangu zo kumatende, muzwaate kulyivakanyeza kutwaala ivang'eri yo kushiyama. ¹⁶ Hewulu lyeziintu zoonse iizo muhiinde chirizirerezo che itumero, kuti chacho nimuwoole kuzima miliinga yoonse ibukuka yomuvilala. ¹⁷ Hape muhiinde inkava yo kuhazwa ne milyiinga wo Luhuho lujolola, neelyi lyiinzwi lye Ireeza. ¹⁸ Che itapero imwineimwi ne kukumbira, murapere inako zoonse cho Luhuho. Chowowu muhupulo, inako zoonse mwi ikalye ne mu lyindire chokuwoondesa, chimuraperera vaantu voonse ve Ireeza vajolola. ¹⁹ Maane muniraperere, kuti niheewa mulaezo ha Niwuula kaholo kaangu. Murapere kuti Ni woolye kwiziviswa chokuvulalyoowa ziintu ziwuungwirwa zo vusakusima kaha ivangelyi. ²⁰ Ivaka lye ivangelyi kuti nive ni muzimanini yo vikitwa mwi cheyini, kuti ni woolye kuwaamba niniseena lyoowa, muniswaneere kuwaamba. ²² Mmi kuti naanwe mwi izive zivuhalo vwaangu ne mu ni vuuka, Tychicus, mweetu yo sunitwa ne muhikana yo sepahala mwa Simwiine, kaa mwi izivisa zonse. ²¹ Ni va mutumi kweenu cheelyi ivaka, vulyo kuti mu woolye kwi iziva zintu kahetu, ne vulyo kuti a humbulyere inkulo zeenu. ²³ Ikozo ive kuvamweetu, ne irato lyiine itumero lyizwa kwe Ireeza ne Simwiine Jeeso Kirisiti. ²⁴ Matohonolo ave naavo voonse vasuni Simwiineetu Jeeso Kirisiti che irato liseeti nilyi mane.