¹ Linu aho bapositola niba mwabo ba vena mwa judea chibazuwa kuti va Sikuze chiba tambula inzwi lye Ireeza. ² Linu pitrosi ha keza kwa Jerusalema,abo bena muchi kwata cha mupato chi vamunyasa; ³ chivati.'' Ubali kopanyi niba kwame basena mupato ni kulya nabo!'' ⁴ Imi pitrosi chaba tolokela cha kwizula,'chati, ⁵ Nivali kurapela mwi tolopo ya Joppa, mi chinaba ni ipono yachitu chikeza hasi, sina ijila ikando likeza hasi kuzwa kwi wulu lina tukokolwa tonee.nichi keza kwangu. ⁶ China chilolisisa niku chi zezisisa. china bona zinyolozi za matende onee zekanda, ni zibatana, ze kanda, ni ziyenda chamavumo, ni zizuni za mwi wulu. ⁷ Linu china zuwa inzwi liwamba kwangu, ''zimane, Pitrosi ; wihaye mi ulye!'' ⁸ Nichi nati, ''nee; Isinyi bulyo,Simwine: kakwina chitu chisa chenete kapa china chivi chive njili mukaholo kangu.'' ⁹ Linu izwi chilyetava hape kuzwilila kwiwulu, ''chalukulula Ireeza kuti chi jolola sanzi ucho kuti china ikwe.'' ¹⁰ Izi ziba tendahali totatwe, imi zose chiza vozwa kwiwulu hape. ¹¹ Kamulole, hahanu kwina Bakwame botatwe bazimene habusu bwe zubo hatwina; ba bakatumwa kwa Caesarea kwiza kwangu. ¹² Luhuho luba nilayi kuyenda nabo, kuti ni yende nabo nini sa loli kuti vena bule. Abo Bakwame bakwana iyanza nika mwina chiva yenda name, Mi chi twayenda mwizubo yo Mukwame. ¹³ Cha tuwambila mwaba voneni iñiloi ni lizimene mwinzuvo yakwe nili ti, ,''Tume Bakwame kwa joppa bakeze naye simon yo supwa Pitrosi. ¹⁴ Mwa wambe kwenu izwi lyete muhazwe chalyo. Iwe ni bose bezubo yako. ¹⁵ Hani tanga kuwamba nabo, Luhuho Lunjolola chi lwasukila kubali, ubu njiswe kumatangilo. ¹⁶ Chi nazeza mazwi a Simwine, mwaba wambili,'' Joani busakusimwa aba kolobezi cha menzi; kono inwe kamu kolobezwe cho Luhuho Lunjolola.'' ¹⁷ Linu Ireeza haiba aba bahi impo iswana ni yetu hatu zumina kwa Simwine Jesu Keresite, Njimeni, kuti ni nyase Ireeza'' ¹⁸ Haba zuwa izi zitu, kakwina chibaba wambi kuli tabilila, Kono ba balumbi Ireeza ni kucho,''Mi Ireeza ni chaha buhalo bwa kubaka ni bena kunze bonse.''' ¹⁹ Imi abo ba bahasani ibaka lya masukuluka abezi kebaka lyefu lya Sitefania, Nichi bayenda ku kasika kwa Fonisia, ni Sipera, ni Antioke, kono ba bawambili bulyo Majuda izwi lya Jesu vovona. ²⁰ Niha kubabulyo bamwi kwabo Bakwame ba kwa Sipera, niba kwa Sirene, habe njila mwa Antioke , mi chivawamba kuma Magerike, Chi ba bawambila mazwi malotu a Simwine Jesu. ²¹ Mi iyaza lya Simwine libena nabo; Bungi bwe palo chi bwa zumina ni kubola kwa Simwine. ²² Iñusa lyakwe chi lyeza mu matwi ekereke ya Jerusalema: mi chi ba tuma Barnabasi kule kwa Antioke. ²³ Heza niku bona impoo izwa kwa Ireeza, aba sangi; mi chaba susuweza bonse kwi kala ni Simwine che nkulo zabo zonse. ²⁴ Imi abali mukwame yabena sinte wizwile Luhuho Lunjolola ni tumelo, Mi bungi bwa batu ba ba ekezehi kwa Simwine. ²⁵ Barnabasi ni chaya kwa Tarese, ku kasaka Saule. ²⁶ Hamuwana, cha muleta kwa Antioke. Chi kweza kuti, chiba hinda mwaaka ni bekele hamwina mwi Kereke mi nichi baluta batu bangi mwa Antioke, Balutiwa chiba supwa Makeresite lwetazi mwa Antioke. ²⁷ Linu mwawo mazuva ba polofita vamwi chiva sezumuka kuzwa kwa Jerusalema kuya kwa Antioke. ²⁸ Umwina kubali, yosupwa Agabusi, chazima niku polofita cha Luhuho kuti izala inkando kaiwile ikanda yonse. Izi zi va chitahali mu mazuba a Klaudia. ²⁹ Mihe, balutiwa,muvavali kuwolela zumwi ni zumwi, chiba hupula kutumina ituso ku bamwavo mwa Judea. ³⁰ Vava chiti chi, ba ba tumina mali kuba kulwana vekereke cha manza a Barnabasi ni Saule.