¹ Linu kuvena mukwame ya va kuhala mu muleneñi wa Sesalia, Kornile che zina lyakwe, mukulwana wa Masole va Italiya. ² Mukwame,zumwi ya vakulapela Ireeza ni ve zuvo yakwe; ava kuha Mali mangi ku Majuda ni kulapela Ireeza inako yonse. ³ Che nako ye hola 9 ya musihali,cha vona chakwizula impono iñeloi lye Ireeza nili keza kwali. Iñeloi ni lyati kwali,'' Kornile,'' ⁴ Kornile chalola Iñeloi cha lyowa nati, chintunzi, Muñaka?'' Iñeloi ni lyati kwali, ''Intapelo zako ni mpo zako kuva humanehi ziva yendi kwiwulu sina kuzeza chitavelo avusu vwe Ireeza. ⁵ Linu utume vakwame ku muleneñi wa Jopa kukaleta mukwame we zina lya Simone yo sumpwa Pitrosi. ⁶ Wikele ni zumwi yo suha madalo we zina lya Simoni, we nzuvo ina hembali lye lizo lye wate.'' ⁷ Linu Iñeloi liva kuwamba nga lya zwa kwali, Kornile ava sumpi vahikana vo vele ve nzuvo yakwe, ne sole liva kulumbeka Ireeza mukati kamasole vava kumu seveleza. ⁸ Kornile naava wambila zonse zintu ziva tendahali ni kuvatuma kwa Jopa. ⁹ Linu izuva lichilila che nako yamusihali ihola yavu 6, sina havavena mumusipili wavo linu vavena hafuhi ni muleneñi, Pitrosi nayenda kwi ulu lyenzuvo kuka lapela. ¹⁰ Chafwa inzala nikusaka za kulya, kono vantu ha vava kwihika zilyo, ava hewa impono, ¹¹ linu na vone Iwulu nili yaluka ni chibya chikeza sina ijira ikando likeza hansi lyenkanda mutu kokola tone. ¹² Mwateni muvena mifuta yonse ya zinyolozi zi yenda cha matende, ni ziyenda chevumu munkanda, ni zizuni za mwiulu. ¹³ 'Linu Inzwi ni lya wamba kwali. ''Ziime, Pitrosi, wi haye ulye." ¹⁴ Kono Pitrosi nati, ''Kena njo vulyo, Ireeza, kena ni vali chi mwi chi sajolwele china ikwe.'' ¹⁵ Kono Inzwi ni lyeza kwali lya vuveli: ''Cha joloza Ireeza, kanzi uchi wambi kusa jolola.'' ¹⁶ Izi ziva voleli totatwe, linu chivya ni cha yenda kwi wulu. ¹⁷ Linu Pitrosi hava kuchi lyangene che impono yava voni mukuti italusa chituzi , mulole, vakwame vavatumwa kwa Kornile niva ziima havusu bwa mulyango, hava mana kuvuza inzila iya kunzuvo. ¹⁸ Imi ni vahuweleza Simone ,yava ku sumpwa Pitrosi, kwa vakwikala uko. ¹⁹ Linu Pitrosi ha vali kusi zeza ze impono , Luhuho ni lwa wamba kwali, ''Bone,vakwame votatwe vakwete kuku saka. ²⁰ Zime uyende hansi imi uyende nabo. Kanzi uhakanyehi ku yenda navo, mukuti nava tuma,'' ²¹ Linu, Pitrosi chasuka niku yenda ku vakwame, imi nati , ''Njeme umu kwete kusaka. Mwe zilanzi?'' ²³ Nivati,'' Mulauli we zina Kornile, mukwame yo lukite yo lapela Ireeza, imi wina hande yo wambwa kuvantu ve nkanda ya Majuda, ava lwilwa kwi iñeloi lijolola lye Ireeza kuti zetukusumpe uyende ku nzuvo, ili kuti akateke kumulaezo uzwila kwako kuzwilila kwako.'' ²² Linu Pitrosi chava mema kuti venjile mukati vekale naye. Izuva lichilila cha zima ni kuyenda navo, imi ni vamwi bamwabo vazwa mwa Jopa niva musindikiza. ²⁴ Mwi zuva lichilila niva sika kwa Sesaliya. Kornile ava kuvalindile,cha va sumpite vakwa luzuvo kuva hamwina; nivalikani vakwe vena hafuhi. ²⁵ Kuva tendahali kuti Pitrosi chinge njila, Kornile ava musanganyi imi nafukama ku matende akwe ku mulapela. ²⁶ Kono Pitrosi cha mutusa kumuzimika, nati, ''Zimane! name ni muntu." ²⁷ Linu, Pitrosi,avali kuwamba naye, nayenda mukati na wana bantu bangi ni vakungene hamwina. ²⁸ Nati kuvali, ''Inwe muvene mwizi tota, kuti kamuzumininwe kuli kopanya ni Majuda kapa kupotela zwimwi yozwa munkanda ingi. Kono Ireeza wani tondeza, kuti, kanzi ni wambili muntu kuti kajolwele. ²⁹ Chingi nivezi kusena kukanana, ani vatuminwe. Linu ni mibuza kuti muvani tumini nzii kuti nize.'' ³⁰ Kornile nati, ''Mazuva one amana che hola iswana, Niva kulapela,che hola yabu 9, muzubo yangu; nivavoni mukwame, yo zimene avusu bwangu yo zwete zizwato zibenya. ³¹ Nati,'Korni le, intapelo zako ziva tambulwa kwe Ireeza, imi, impo zako, zoha kuva votana zikumbuza Ireeza chako. ³² Linu, utume muntu kwa Jopa, aka kusumpile mukwame yo sumpwa Simone yo supwa Pitrosi. ³³ Wikala munzuvo ya yo suha madalo wezina lya Simone, wikala hembali ne lizo lye wate.´ ³⁴ Linu, Pitrosi, che yalula kaholo kakwe imi nati, ''Chavu sakusima, nimi wambila kuti Ireeza kahindi muntu che nketululo. ³⁵ Ni muma kanda yense yo lumbeke Ireeza ni kutenda mitendo ishiyeme, uzumininwe kwali. ³⁶ Mwizi iñusa lyava tumine kuvantu va Isilaele, ava wambi iñusa lya linzwi lijolola lye kozo cha Jesu Kreste, Simwine wa vantu vonse, ³⁷ inwe muvene mwizi ziva ku hindite chivaka, ziva tendahali mwa Judeya yonse, kutangila mwa Galileya, kuzwa ku nkolovezo ya Joani yava wambi; ³⁸ inkezo ziamana ni Jesu wa Nazareta, mwavahelwa kwe Ireeza intozo yava muhi cha Luhuho Lujolola ni ziho. Ava yendi naka vu tenda zi shiyeme nikuhoza vonse vava kakatizwe ni Satani, kokuti Ireeza avena naye. ³⁹ Tumpaki cha zintu zonse zabatendi zonse munkanda ya Majuda ni mwa Jerusalema-uzu Jesu ibabe hayi, kumu hanzika ha chisamu. ⁴⁰ Uzu mukwame yaba buswa kwe Ireeza mwi zuba lya bu tatu ni kumuha kuti ezibahale, ⁴¹ isiñí kubantu bonse, kono ku mpaki ziba ketetwe kwi intanzi che, Ireeza- iswe tubene,tabali,ni kunywa naye hamana kubuka kubafwile. ⁴³ Aba tulaeli kukutaza ku bantu ni kupaka kuti uzu njiyena ybva ketwa kwe Ireeza ku va muatuli wabahala ni bafwile. ⁴² Njikwakwe kuti ba polofita bonse babe impaki, kokuti yense yo zumina kwali a tambule inswalelo ya zive che zina lya kwe.'' ⁴⁴ Haho Pitrosi nasikwete kuwamba izi zintu, Luhuho Lujolola ni lwa wila ku zumwi ni zumwi kwabo baba kutekeleze kwi ñusa lyakwe. ⁴⁵ Bantu baba kuwila ku chikwata chi wila kumupato ilichikwata chizumine- Bonse abo babakezi ni Pitrosi- babakomoketwe, mukuti impo ya Luhuho Lujola lbetilwa vulyo niku chisi chingi. ⁴⁶ Mukuti, vava zuwi valichava, ni vawamba cha mishovo ingi ni kulumbeka, Ireeza. ⁴⁷ Linu Pitrosi netava nati, ''Kana zumwi uwola kuvinda menzi kwavo vantu kuti kanji va kolovezwa, ava vantu va amuhele Luhuho Lunjola, sine swe?'' ⁴⁸ Linu nava laela kuti va kolovezwe mwi zina lya Jesu kreste. Kuzwaho ni va mukumbila kwi kala naye cha mazuva mangi.