¹ Yesus lalu bjantuh ki nkian, "Peneman eh Aku padah ki empuk, ada berapa urang diantara empuk nyang dituk nyang na akan mati ntek napan sidak ngelihat kerajaan allah dengan gala kekuasaan Eh. ² lalu enam ari dah iyah, Yesus maik Petrus, Yakobus dan Yohanes, sereta ki Iya nait ke bukit nyang tinggi, kedirik diyah. Dah iyah Yesus berubah rupa dihadap sidak. ³ Pesalih eh jadi berandang putih, lebih putih dari kain nyang dipampuk ki bahan pemutih nyang ada di dunia ituk. ⁴ Dah iyah Elia dengan Musa nunjuk dirik nguang sidak, sidak dua alu bjantuh dengan Yesus. ⁵ Lalu petrus alu nyahut dah iyah alu bjantuh ki Yesus. "Rabi, sampai pemajit ki kita tulak ada dituk, awai ituk boh kita ngawai tiga balai peniyam, sutik ki Diyah, sutik ki Musa, dah sutik gik kiElia." ⁶ (pneman eh Petrus natahu apa nyang henak dipejantuh, awai nkian tengak nyuran takut.) ⁷ Lalu nsungah awan nudung sidak. dah iyah alu ada hingan nyang keluar bula awan, "ituk am putra nyang paling kusayang. didinga am iya," ⁸ srengak senta nkian nguin kesekelilin, nkian alu na nihat sopa-sopa gik seimbai ki nkian kecuali yesus. ⁹ Kalak sidak turun bula bukit, Yesus bepesan ki nkian isak nada madah urang ki apanya udah hidak tonik senapan anak mensia kuit bula antara urang mati' ¹⁰ Nkian pun alu masar ki hal iyah diantara sidak jak, tapi sidah ngesah antara sidak kedirik tentang apa nyang dimaksud dengan " dipekuit dintara urang mati." ¹¹ nkian betanya nguang Iya, "kuma kaban Ali taurat madah bahawa Elia harus huluk datang?" ¹² Iya nyahut, "Elia haja harus huluk datang ki mulih cukup genap keadaan. Tapi kuma ada ditulih bahawa anak mensia alah ngasa banyak penyodak dah iyah alu dikebencik?" ¹³ Tapi ku bjantuh ki empuk, Elia udah datang,dah iyah nkian pun udah ngawai apa nyang ingin digawai ki iya,upa nyang ditulih alam kitab suci tentang iya." ¹⁴ Lalu kalak nkian pulang nguang kaban murid kedak, nkian nonik banyak di sekelilin nkian dengan bala ahli taurat tengah bejabab ki sidak. ¹⁵ tika iyah ugak, tengah sidak nonik Yesus, nsia banyak iyah tebelotan alu nkian bguang nyumbak Iya. ¹⁶ Lalu Yesus betanya nguang bala murid Eh, "apa jantuh empuk?'' ¹⁷ Surang bula kaban nsia banyak iyah nyahutEh,"Guru, aku ngujuk anakku nguang Diyah,iya tengah tamak hantu tulak nyuruh iya natahu bjantuh, ¹⁸ Dah iyah roh ituk ngawai iya megar,mampit iya ke tanah, mulut eh bepupuk, gigi bekarat dah iyah tubuh iya tekakuk. Aku udah muhun nguang gala murid diyah auk ngusir roh jahat iyah, tapi nkian na talah ngawai eh." ¹⁹ Yesus alu nyahut sidak,"oi empuk, kaum na pecaya, apa pelaun agik aku harus sebalai ki empuk? apa pelaun agik aku santar sabar ki empuk? bayik iya nguang Aku." ²⁰ Lalu dibayik nkian am nabiak lelaki uyah nguang Yesus, Roh iyah pun alu ngawai iya kuat begetar tulak nabiak lelaki iyah tesungkam ketanah mulut iya alu bepupuk. ²¹ Yesus alu btanya nguang apai eh, "apa pelaun iya udah upa ituk?" apai eh nyahut, "bula lagik kebiak iya am. ²² kadang roh jahat ituk nampai iya ke lalam api atau alam ayar ki ngenyodak iya. ntek diyah talah, gauk am ki kami alu tolong am kami." ²³ Yeus alu bjantuh ki iya,"jakuk kulak, ntek diyah ngalah? nada utan nyang mustahil ki urang nyang pecayak." ²⁴ Apai lansung numbau, peyah tek, "Aku pecayak. Tolonglah kinada pecayak ku." ²⁵ Tika yesus nonik banyak urang bguang nguang sidak, iya nyeregah roh jahat iyah alu bjantuh, " oi roh bisuk dengan tinggal, aku merintah kulak keluar bula nabiak ituk dah iyah bayah tamak lagi." ²⁶ Alu keluar am roh iyah sambil nciak ngerabak, alu nguncang nguyak nabiak lelaki iyah upa pnama. Nabiak lelaki iyah upa urang udah mati, alu banyak nyang madah, "iya udah mati." ²⁷ Tapi Yesus nyepui jari eh alu ngehuas iya nabiak iyah pun alu nojui. ²⁸ Tengah Yesus tamak ke lalam sungkau, gala murid sunyi alu betanya nguang Iya," anuk apa kami natahu nesak roh jahat iyah?" ²⁹ cahut Yesus ki nkian, " jenis nyang ituk natalah ditesak selain makai doa.'' ³⁰ dah iyah nkian ngejang bula diah ngelalu Galilea. Yesus na mau urang tahu balai tepang nkian, ³¹ awai iya tengah ngajar kaban murid Eh.jakuk iya ki nkian, "lelaki akan diserah nguang mensia, sidak alu munuh Iya. tek iya udah mati, Iya akan kuit lagik pada ari nyang ketiga." ³² Tapi nkian na mereti jantuh Eh ituk alu nkian takut betanya nguang Iya. ³³ Nulak penatang sidak tang Kapernaum, tengah nkian dilalam langkau, Ia betanya nguang gala muridEh,"apa ba nyang dikesah empuk sepanjang-panjang jalan tek?" ³⁴ Tapi nkian sunyi jak. sebab nyang dipejabab nkian sepanjang jalan masalah sopa nyang paling hebat antara sidak. ³⁵ Yesus pun alu duduk nigkau bala dua belas muridEh alu bjantuh ki sidak, "andai ada nyang ingin jadi paling hebat, ia harus jadi nyang terudi dari nyang lain, dengan jadi pesuruh ki semua eh." ³⁶ Yesus alu maik nabiak surang, alu dipeduduk ta tengah sidak. ³⁷ Dah iyah iya mangkap nabiak iyah alu bjantuh ki nkian, "sopa nyang nyambut nabiak upa ituk lalam nama Ku, iya pun nyambut Aku, dah andai urang nyambut Aku, ia na hengkak nyambut aku, tapi nyambut iya ugak nyang ngutus Aku." ³⁸ Yohanes alu bjantuh nguang Iya, "Guru, kami nonik urang nesak setan demi nama Diyah kami alu nyuruh iya betegak awai iya na ngimbai kita." ³⁹ Tapi Yesus alu bjantuh," bayah meretak iya, surang pun nada nyang ngawai kereja rayak alam nama Ku, alu dah iyah ngutuk aku. ⁴⁰ Sopapun nyang na ngelawan kita,ia ada ta pihak kita. ⁴¹ Sopapun nyang merik empuk secawan ayar ki m'mayar anuk empuk kristus nyang tuhak, Pneman eh ku bjantuh ki empuk, upah iya nada plesi. ⁴² Sopa pun nyang nyuruh nabiak demit ituk pecaya ki Aku, tejugul alu tejatuk, iyah lebih bajit daripada sigik batu kilangan nyang dikebat ta lihir alu dibuang ke laut. ⁴³ andai jari kulak nyang ngawai bedosa,di tetak. labih bajit am ki empuk hidup dengan jari buntung daripada utuh ada dua jari tapi dibuang ke neraka ⁴⁴ salinan kuno terbaik ngelesi ayat ituk " nyang hulat eh na tahu mati dahiyah api na pensak-pensak." ⁴⁵ Andai kaki empuk nyuruh empuk ngawai dosa, tetak am. lebih bajit empuk hidup timpang, daripada kaki dua alu ditampai ke alam neraka. ⁴⁶ ( diyah hulat na akan mati, api eh nada aka pensak.) ⁴⁷ Tek mata empuk nyang empuk ngawai dosa, sungkil kai. lebih bajit empuk tamak alam kerajaan Allah hengak mata sigik, daripada dua mata tapi tamak api neraka, ⁴⁸ Nyang gala hulat natahu mati dah iyah api eh natahu pensak ⁴⁹ Awai semua mensia dipemasin ki api. ⁵⁰ Garam iyah memang hambak tapi tek garam jadi tabar, makai apa am ki empuk ngemasin eh lagi? dialam hidup empuk harus ada garam ki garam dirik dah iyah hidup am dengan damai surang dengan nyang lain