¹ Kalak iyah, banyak nsia tengah beruguk sidak nahat na pemakan. Alu Yesus ningkau kaban murid Eh alu madah, ² Aku gauk ki nkian, sebab sidak udah ngimbai Ku alam tiga ari dah iyah nada utan apa ki dimakan. ³ ntik sidak pulang na makan, sidak tahu tetujah di jalan.Kedak sidak datang bula jauh." ⁴ bala murid Eh alu nyahut. Jakuk eh," dimena kita bulih ruti tabalai sepi upa tuk,auk sidak tahu makan?" ⁵ Lalu Yesu nanya nguang nkian, "berapa igik ruti kulak nyang ada? sidak nyahut, "tujuh". ⁶ Lalu yesus nyuruh nsia banyak iyah duduk ditanah. dah iyah iya maik tujuh igik ruti, besyukur,alu melah eh. ia merik nguang bala murid eh auk dibagi-bagi.Lalu nkian pun magi eh ki nsia banyak iyah. ⁷ sidak pun gik ada ikan senik berapa ikur,alu Iya besyukur ki utan nyang ada. Iya nyuruh bala murid eh magi ki gala nsia banyak nyang diyah. ⁸ Alu makan am sidak tulak kekenyang.dah iyah nkian mutit bala sesa pemakan, ada tujuh bakul bisik. ⁹ ada kira-kira empat ribu urang nyang ngimbai makan dah nulak makan Yesus pun alu nyuruh nkian pulang. ¹⁰ nulak iyah Yesus jurus naik ke perahu seimbai ki bala muridEh alu ngejang ke danau Dalmanuta. ¹¹ dah iyah alu datang am gala urang farisi nkian alu bjabab dengan Yesus.Nkian nuntut tanda bula seruga ki ncuba Iya. ¹² Iya bjantuh alam hatiEh madah," kuma kenturun ituk alahgak nuntut tanda? pneman eh Aku madah, nada tanda apa-apa nyang ki diberik ki kenturun ituk." ¹³ Ia lalu ngejang nulak sidak alu nait keperahu alu betungkah ngelayang ke seberang. ¹⁴ Kaban murid Eh klupak nuntang ruti ki bekal. Dialam perahu nkian hengkak ada sigik ruti. ¹⁵ Lalu Yesus ngenang ki nkian, jakukEh, jaga-jaga hambak-hambak kita ki pengugur urang Farisi dengan pengugur Herodes." ¹⁶ bala murid eh bkenang ki pengaban eh ki " kuma kita nada be ruti." ¹⁷ Yesu tahu reti ki kesah hal iyah alu bjantuh ki nkian," ki apa empuk kalut ngesah ki nada be ruti? Napan ngereti kah empuk? napaham kah empuk. kuma hati kulak jadi tabar?" ¹⁸ Kulak ada mata,kuma na nonik?kulak ada kelindang kuma na ngeninga?" ¹⁹ kalak ku ngeremat lima igik ruti ki lima ribu urang, berapa bakul sesa pemakan nyang empuk putit?" nkian nyahut, "dua belas" ²⁰ Lalu tengah ku ngeremat tujuh igik ruti ki empat ribu urang, berapa keban nyang empuk putit?" nkian nyahut "Tujuh." ²¹ Alu betanya am iya, " lagi gak empuk na mereti ugak?" ²² Senta nkian datang nguang betsaida, gala urang diyah maik nguang iya gala urang picak alu muhun isak Yesus ngenyamang eh. ²³ Alu Yesus ngenyepui urang picak iyah alu maik iya ngejang bula kampung. tengah yesu ngeludah nguang mata eh alu ngelegak jari tang atas eh, Iya betanya nguang iya,"udah ndak kulak telihat kigala utan?" ²⁴ Nsia iya pun nkadah alu bjantuh, "Aku nonik urang, tapi nkian tumbas upa gala puhun nyang bejalan." ²⁵ Dah iyah Iya ngelagak jariEh gik ta mata eh alu kini iyah ugak alu mencelak mata eh, tulak jelas iya nonik gala utan. ²⁶ Lalu Yesus nyuruh iya pulang ke langkau sambil bepesan, "bayah ngejang ke kota." ²⁷ Dah iyah yesus ngejang sereta ki gala murid ke kampung-kampung diwilayah Kaisarea Filipi. Ditengah jalan iya betanya ki gala muridEh,"jakuk urang, sopa bah aku ituk?" ²⁸ Sidak nyahut alu bjantuh,"Yohanes Pembabtis, dah iyah nyang lain alu madah, 'Elia,' alu nyang lain gik madah "surang bula gala nabi." ²⁹ Alu betanya am Iya nguang nkian"Tapi menurut kulak sopa bah aku ituk ?'' Petrus nyahut alu bjantuh, " Dirik bah Kristus." ³⁰ Tapi Yesus ngenang ki nkian auk na madah urang tentang Iya. ³¹ Lalu Iya ngajar ki nkian bahawa anak mensia harus jodak cukup genap, alu iya ditolak bala ratuha, bala kepala imam ,bala ahli taurat,dengan iya akan dibunuh tapi dah iyah dihidup lagi pada ari ketiga. ³² Iya madah hal ituk dengan jelas. Dah iyah Petru narit Yesus kesepiak alu nyuran negurEh. ³³ Tapi Yesus alu nguin ke balai gala muridEh alu nyungkal Petrus, jakukEh, ke belakang inyak kulak hai setan! sebab kulak na maham apa nyang di fikir Allah, tapi hengka maham apa nyang difikir mensia. ³⁴ Nulak iyah Iya alu ningkau urang banyak sereta ki gala muridEh,lalu jakukEh nguang nkian,"ntek ada nyang henak ngimbai aku, iya harus nyangkal dirik eh,nyahan salib eh alu ngimbai aku. ³⁵ Sebab sopapun nyang ingin nyelemat nyawa eh, ia akan lesi penyawak eh dengan sopapun nyang lesi penyawak eh awai dengan injil, iya akannyelamat eh. ³⁶ Apa guna ki urang, ntek iya bulih seluruh dunia tapi iya lesi penyawak eh? ³⁷ Apa bah nyang tahu urang beri ki nganti penyawak eh? ³⁸ sopa pun nyang haluk ngaku firmanku ditengah gala kenturun nyang nada setia dengan pendosa ituk, anak mensia pun haluk ngaku iya tika iya datang ala kemuliaan apai Eh sereta dengan gala malaikat Eh nyang kudus