¹ Alu Yesus ngejang bula diyah alu datang nguang balai asalEh bala murid pun ngimbai Iya. ² Tika ari sabtu, Iya ngajar di Sinagoge. Banyak nyang ngeninga Eh ngasa heran. sidak alu bjantuh ,"Bula mena iya tahu ajaran ituk?" Penahu apa nyang di beri ki Iya ? mujizat apa nyang pnama nya ng tang jari Eh? ³ ndak kah iya tukang kayu,anak Maria menyadik , Yakobus, Yoses, Yudas dengan simon?apa dik gala menyadik nyang mpuan Eh na seimbai ki kita dituk? sidak nyak tersinggung ki Yesus. ⁴ Lalu yesus bjantuh ki nkian , "nabi di direga dimena-mena kecuali ta balai kampung dirik e dengan di bengkah bala pengaban dengan dibengkah gala menyadik. ⁵ Ia nada talah ngawai utan ajaib diah, selain ngelegak jari nguang gala mensia nyang pedih dengan mulih nkian. ⁶ keraguan nkian nyaban Iya. Lalu Ia ngejang ngelilin kampung alu ngajar. ⁷ Lalu Ia ningkau kedua belas murid lalu nyuruh sidak keluar dua-dua urang. Ia merik ke nkian kuasa ki ngatas roh jahat ⁸ dengan nyuruh nkian auk na maik apa-apa di pejalan sidak, kecuali tungkat sutik. Nkian pun na keberik maik ungkuih dengan duit alam tali pinggang, ⁹ selain makai selap kaki dengan na keberik makai dua jubah. ¹⁰ Alu Ia madah ke nkian, "Tek kulak tamak ke alam langkau, diam diah am tulak kulak ngejang bula diah. ¹¹ Tek ada balai nyang na mauk nerima kulak atau ninga jantuh kulak, tulak jak balai iah, tepau debu ta kaki kulak auk ki sidak nonik. ¹² Maka alu ngejang am sidak madah ki mensia harus betobat bula segala dosa sidak. ¹³ Sidak nesak banyak roh jahat dengan mulih urang pedih dengan minyak alu mulih nkian. ¹⁴ Raja Herodes udah ngeninga tentang ituk awai nama Yesus udah kama cuhur. Kedak urang madah, "Yohanes pembabtis udah kuit bula urang mati, iah am sebab kuasa ajaib eh ada alam dirikEh. ¹⁵ Kedak bejantuh, "Ia iyah Elia."Kedak gik madah, "Ia iyah nabi upa nabi jaman huluk." ¹⁶ Tapi tika Herodes ngeninga bunyi tuk ia pun bejantuh "Yohanes, nyang udah aku bukang kepala eh, udah kuit. ¹⁷ Awai herodes kedirik am nyang ngirim urang ke nangkap Yohanes alu ngurung ia ke penjara awai Herodias (bini Filipus, meyadik eh) awai Herodes udah bebini dengan eh. ¹⁸ Awai Yohanes kalak bejantuh negur Herodes, "na tahu kulak maik bini menyadik." ¹⁹ Tapi Herodias gik dendam dengan yohanes alu henak munuh iya, tapi iya nangalah ngawai eh. ²⁰ ngawai herodes takut ki Yohanes anuk iya tahu ki Yohanes urang bajit dengan suci, anuk iyah am iya nambai eh. Tapi tiap kali iya ngeninga Yohanes, hati eh santar grengas, tapi iya pun senang ugak ngeningaEh. ²¹ Lalu tengah Herodes ngeramai ulang tahun eh, ningkau urang makan ki gala kaban urang penting ki iya, bala tentara eh, bala urang penting di galilea. ²² tulak putri herodias kedirik am nyang datang nari dihadap nkian ituk am dikejodih Herodes dengan gala tamu nyang ngimbai tingkau makan iyah. Raja bjantuh ki mpuan iyah, "pinta am apa nyang dikemauk kulak nanak ku merik ki kulak." ²³ Ia besumpah dengan eh,jakukeh: " apapun pinta kulak ki aku, aku berik ki kulak, tulak stengah bula kerajaan aku auk am." ²⁴ Ia pun alu ngejang jurus nyadu nguang indai eh, "apa deh pinta aku nguang iya?" jakuk indai eh, "Kepala Yohanes Pembabtis." ²⁵ jonyok-jonyok am iya nguang raja alu minta, jakuk eh,"aku mau kulak ngimush merik ku, diatas talam, kepala Yohanes pembabtis." ²⁶ Raja pun alu sedih maham eh,tapi awai sumpah eh dengan awai gala tamu eh ia natalah nulak pemauk eh. ²⁷ Dah iyah raja alu nyuruh pengawaleh surang alu merintah eh auk maik kepala Yohanes pembabtis. Pengawal pun alu ngejang jurus netak kepala Yohanes di lalam penjara. ²⁸ Ia naruh kepala eh diatas talam alu merik ki nabiak mpuan lalu nabiak iyah pun jurus merik nguang indai eh. ²⁹ Ngeninga bunyi iyah, gala murid Yohanes alu datang ngalap bangkai eh alu dikubur. ³⁰ Dah iyah pengaban rasul alu kumpul ta Yesus lalu sidak bkesah apa nyang udah nkian gawai dengan nkian ajar. ³¹ Alu bjantuh am Iya ki nkian, " boh kita ngejang ke balai sepi betegak melanjak."banyak nyang datang alu ngejang nkian na sempat makan. ³² Alu ngejang am sidak makai perahu kebalai nyang sepi. ³³ Tapi banyak urang nyang nonik sidak ngejang alu banyak ugak nyang tahu ki nkian, tulak sidak nyang bula semua kota pun bguang,alu huluk datang dari nkian. ³⁴ Tengah sidak nanjung,Yesus nonik banyak nsia udah beruguk, alu Yesus gauk ki sidak, awai sidak upa domba nada nyang tuhak. dah iyah Yesus ngajar nkian ki cukup genap. ³⁵ Tika dah babah ari, gala murid datang nguang Eh alu bjantuh,"dituk sunyik dengan aripun hampir kangap. ³⁶ Suruh am nkian ngejang auk nguang kampung nyang dampin isak meli kidirik sidak pemakan." ³⁷ Tapi Yesus bjantuh ki nkian, "kulak harus ningkau sidak makan."kberik ndak kami ngejang meli ruti rega duaratus dinar ki ningkau nkian makan?" ³⁸ Alu bjantuh am iya, " berapa igik ruti nyang ta kulak? ngejjang tonik huluk."nulak sidak merisa eh, nkian bjantuh," lima ruti dengan dua ikan." ³⁹ Alu Yesus nyuruh nkian duduk berombong diatas rumput ijau. ⁴⁰ nkian pun alu duduk berombomg ada kelompok nyang seratus urang dah iyah lima pulih urang. ⁴¹ Tengah iya ngalap lima igik ruti dengan dua ikur ikan, muha eh nkadah ke langit, iya madah syukur dengan mecah belah ruti iyah alu merik eh nguang bala murid Eh auk dibagi ki urang banyak. piyah ugak ki dua ikur ikan dibagi semua ki nkian. ⁴² Semua nkian makaneh, tulak kekenyang. ⁴³ lalu nkian mutit gala sesa kerimpak ruti tulak dua belas bakul nyang bisik, piyah ugak ikan. ⁴⁴ ada kuarang lebih lima ribu urang lelaki nyang makan ruti. ⁴⁵ dah iyah yesu nyuruh gala murid nait keperahu auk ngejang huluk ke betsaida, alam iyah iya nyuruh urang banyak pulang. ⁴⁶ tengah urang banyak udah ngejang, iya nait katas bukit ki berdoa. ⁴⁷ ari pun alu malam,tika perahu ta tengah danau, Yesus terudi nunggal di darat. ⁴⁸ tengah Yesus nonik bala murid eh bekayuh awaingelawan angin sakal, kalak iyah kira-kira jam tiga dini ari datang am Yesys nguang nkian bjalan ngimbai kulit ayar,henak ngelalu sidak. ⁴⁹ Tapi tengah sidak nonik iya bejalan diatas danau, sidak kira nonik hantu ⁵⁰ sidak numbau awai nyuran takut. Tapi Yesus ngimushbjantuh nguang sidak," hibak ransi! ituk Aku!Bayah takut!" ⁵¹ ALu Yesus nait keperahu nguang sidak dah iyah biyau pun alu betegak lalu nkian pusang. ⁵² awai sidak pun namereti makna kejadian cacah ruti iyah dengan pemikir nkian dandah maham eh. ⁵³ TEngah nkian udah datang ta seberang, sidak datang rta genesaret alu belabuh diyah. ⁵⁴ Tengah nkian keluar bula perahu, penduduk diyah tahu ngeranai iya. ⁵⁵ alu nkian beguang ke semua wilayah alu mulai maik urang pedih nguang Eh,kemena-mena sidak ninga iya ada. ⁵⁶ Dimena Iya tamak, ke kampung-kampung, nkian ngelegak gala urang pedih ditengah gala pasar alu muhum nguang Iya isak kberik nengkung hujung jubah Eh. dengan semua urang nyang nengkung eh alu bajit.