¹ Dah iyah alu datang am nkian ta seberang danau, di daerah urang gerasa. ² jurus am nulak Yesus keluar bua alam perahu, nsia surang nyang tengah datang abuh nyang bula bengkah kubur datang nampin Yesus. ³ Nsia iyah diam ta bengkah kubur. surang pun nada nyang ngalah nahan iya, biarpu dikebat ki gala rantai. ⁴ Iya rapat dikebat ki rantai dengan dipempang. Tapi rantai diputus eh dengan pemempang dipungkak eh.Surang pun nada nyang ngalah ntinak eh. ⁵ Siang malam ia tang kubur dengan di bukit sambil nciak alu netak nuak dirik eh makai batu tajam. ⁶ Tengah ia nonik Yesus bula jauh, ia beguang ngansakEh alu sujud nyembahIya. ⁷ Alu iya tuas nciak, jakukeh,: "apa pelolu ku ki Diyah he, Yesus anak Allah Yang Maha Tinggi? Aku muhum Ki Kulak Anak Allah, bayah medih aku. ⁸ awai Yesus udah bjantuh ki iya, " oi kulak roh jahat, keluar am kulak bula nsia tuk." ⁹ Alu Yesus pun betanya ki iya,"sopa nama kulak?" Ia nyahut,jakukeh , Namaku Legion, sebab kami ramai. ¹⁰ ali ia Muhun nguangEh auk na nesak sidak ngejang bula diyah. ¹¹ Di papar bukit ada kaban jelu tengah ngegak umpan. ¹² Alu nkian muhun, jakukeh, "tesak kami nguang bengkah gala jelu isak kami tamak keyah." ¹³ Alu Yesus besuah ki sidak.gala roh jahat iyah pun alu keluar dah iyah alu tamak nguang tubuh gala jelu iyah. Alu beguang am nkian nguang tampuk bukit jurus ngelanjung nguang danau. kuarang lebih duaribu ikur jelu mati lemas alam danau. ¹⁴ Alu gala tukang huan jelu iyah beguang madah nguang pendududk kota dengan kampung. Alu nsia banyak datang nonik nguang balai kejadian iyah. ¹⁵ Dah iyah sidah datang nguang Yesus,alu sidak nonik urang nyang beabuh-legion tek tengah duduk,alu bebaju bajit buti, maka nkian pun alu takut. ¹⁶ Sidak nyang nonik kejadian urang datang abuh iyah pun lalu ngesah nguang nyang lain dengan apa nyang udah ngawai gala jelu. ¹⁷ Dah iyah nkian alu muhun nguangEh isak nulak daerah nkian. ¹⁸ Alu senta Yesus tamak kelalam perahu henak ngejang,lalu datang am urang nyang huak datang abuh yah tek muhun isak iya kberik ngimbai seretaEh. ¹⁹ Tapi yesus namerik eh alu bejantuh, " pulang ke sungkau kulak nguang bala kaban kulak dah iyah padah nguang nkian apa nyang udah Tuhan gawai ki kulak alu kesah am pemajit nyang iya tunjuk ki kulak. ²⁰ alu ngejang am nsia iyah alu ngesah gala hal nyang luarbiasa nyang Yesus gawai ki iya di Dekapolis, dah iyah semua urang pun jadi salut kai. ²¹ Tengah Yesus nyemerang danau makai perahu,beruguk urang betukuk dampin Iya tengah Iya nojui ta pantai danau iyah. ²² alu nyang surang pemimpin bula sinagoge, nyang nama Yairus, senta iya tetonik ki Yesus, alu tukuh sujud nguangEh ²³ muhun alu bjantuh, " anak dara ku tengah pedih mani am mati. Aku muhun nguang Diyah,datang am legak jari diyah ta atas eh isak iya sembuh alu tetap hidup. ²⁴ Alu Yesu ngejang sereta eh lalu banyak urang ngimbai Iya sambil bejuhuk berakak ngenampin Eh. ²⁵ lalu tepang iyah ada mpuan nyang dah dua belas tahun tumpah darah. ²⁶ ia dah jodak balai gala dukun,tulak habih reta pengaya pengulih eh auk bajit. tapi semua samasekali na guna indak nyah bajit malah makin nyuran. ²⁷ Iya dah banyak ngninga tentang Yesus sehingga iya ngenampin Yesus bula belang tengah yesus bjalan tang bengkah urang banyak, lalu iya ngehenggal jubahEh ²⁸ kerna iya bafikiir, " ntik aku talah nengkung jubah Eh, maka aku tahu bajit. ²⁹ "Tika mpuan iyah nengkung Yesus, tumpah darah eh alu btegak,alu iya ngasa alam tubuh eh bahawa iya udah dipulih bula pemedih eh. ³⁰ sekejap iyah ugak Yesus tahu reti bahawa ada kuasa nyang keluar bula tubuh Eh sehingga Iya alu nguin nguang nsia banyak alu nanya, " sopa nyang udah nengkung jubahKu?" ³¹ kaban murid Eh nyahut Iya, " Diyah nonik banyak bala nsia bejuhuk rakak ngenampin Diyah, alu diyah bjantuh ," sopa nyang nengkung Aku?" ³² Tapi yesus nguin nguang sekelilin alu ngehampan sopa nyang nengkung. ³³ mpuan iyah tahu ki apa nyang tejadi kidirik eh,alu saban dengan megar. Iya datang alu sujud dihadap Eh dengan alu mdah apa nyang terjadi. ³⁴ Yesus madah Eh, " mpuan, iman kulak udah mulih kulak. ngejang am dengan damai alu pilih am bula pemedih kulak." ³⁵ Tengah Yesus bjantuh, alu datang am pesuruh pemimpin sinagoge nyang bjantuh, " dara kulak udah mati. Kuma lagi nyuli guru gik?" ³⁶ Tapi senta Yesus ngeninga jantuh nkian, Yesus alu bjantuh nguang pemimpin sinagoge iyah, "bayah takut, pecayak jak." ³⁷ Iya namerik sopapun ngimbai Eh kecuali Petrus, Yakobus, dengan Yohanes menyadik Yakobus. ³⁸ Nkian nguang rumah pemimpin sinagoge alu iya nonik haja kalut awai banyak nyang nangih bidu brahi. ³⁹ Tika datang ta rumah, JakukEh ki nkian," anuk apa kulak sedih alu nangih? mbiak iyah nada mati, tapi tetidur. ⁴⁰ Nkian pun alu ketawak ki Iya, tapi Iya nyuruh nkian ke kilah. Alu dibaik am apai indai mbiak iyah sereta gala nkian nyang seimbai ki Iya alu nkian jurush tamak kamar balai nabiak iyah. ⁴¹ alu iya nyepui jjari nabiak iyah Alu bjantuh dengan eh, "Talita kum," reti eh, " o mbiak mpuan, Aku bjantuh ki kulak, kuit am." ⁴² alu jurush am mbiak iyah kuit alu bjalan (nabiak iyah umur 12 tahun).segala mensia nyang diyah pun nyangit pusang. ⁴³ Alu Iya nyangit mesan isakbayah sampai ada urang nyang tahu reti tentang ituk lalu Iya nyuruh nkian merik eh pemakan