¹ ngak tang de'a pentakosta souk sau'h petkouk gongyin nak pelang, ² mehak se'a waih nak e'kauk hai, gongyin seka tepak. ³ leou's suk hai telak poa lebea seka sou'k sauh ⁴ le'ous suk Tuhan heik seka sok sou'k roh kudus. han seka pelak nak wak temea wak seka. ⁵ Kemudian diaq waet souq lee souq teang sehun Yahudi naaeq tepak te Yerusalem sehun saleh, hin jien bangsa diaq lenget. ⁶ tenwiw waaeq souq sehun benhean haey penwiu wean beliu binggung karena sosouq sehun ngaih jing sekaw pet hea te mee bahasa sekaw. ⁷ sekaw heranwean kagum lalu sekaw naaeq waeq " o neeh, sekaw neeh kan souh sehun Galelia? ⁸ Behang seka nak terkagum-kagum lalu seka metang o’kah sehun Galilea nakwak ⁹ Souh sehun partia wean media wen elam, wen souh naa tepaak te mesa Potamia te Yudea wean Kapadokia, te pontus wean Asia ¹⁰ te frigia wean Pamfilia, te mesir wean sebagian daerah Libia je an Kirene, wean para pengunjung sekee hin roma. ¹¹ souh sehun loun Yahudi wean bangsah elap naak memeluk agaman Yahudi. Souh Kereta wean souh Arab. Team ngahjeng sekaw naak waeq te mee waeq team tentang kemuliaan houq Allah. ¹² souh sousouq kagum wean bingung wean sekaw ngeheud ‘ket noun maksud sousouq noy neeh? ¹³ tetapi souh elap mengejek naak eleiq wean naaeq waeq, sekaw ewook wean aggur maeh leing. ¹⁴ Petrus wean siehseweang Rasul ngehea te sauh; 'Hei,Sehun yudea wean setsau sehun nak tepeak te Yerusalem, ngahjeng keah-keah woaq koi'. ¹⁵ souknoa neh mahleng jam etlea sauh setsau entoa ewok et sekea dauq. ¹⁶ Nabi yoel nyaq ngehea menauq; ¹⁷ Te dea nak me leoih, Allah ngehea;'Koi heiq hewiaq roh Allah te sesau sehun. Naeq emuq lekoa wean naiq emuq ledoh me ngehea nak me hoa. sauh nyemdoh nyemkoa peloaq nyeleik namehoa. sauh pun-pun me loaq heleap . ¹⁸ hesauq sauq loen wen koui tang naiq ledoh dea noa soung wen gun koui mehaq,wen sekea noaq koat penaq neih. ¹⁹ koi mehaq keajaiban soen lenget wean tendah-tendah te soun tenaeq, lehaeq, poey wean sooan ekauq ²⁰ metean dea hek mengendam wean welun mebeliu lehaeq, hengen Tuhan hek embe hai naq ekauq wen naq enleang. ²¹ lewiu souq haiq ong naek pelaeq ne hin Tuhan seih me lebeuh hin koat naq entoa kah ²² Hai kim lien Israel ngaih jing waing noy : Ysesus hin Nasaret seih heq sehun nan gen Allah tentukankan heiq me perbuatan-perbuataneleong wen mujizat -mijizat wen tendah-tendah nag Allah nang hin wean Yesus te nenguang kebau. It naq ngaq kebau in. ²³ berdasarkan rencana naq en naq wean Allah in douq naq, seih ngan en serahkan wein keiq oleh guy kekau pelanggar hokom, ngaq menyalib oleh wen metee oeh. ²⁴ noq Allah naq belaam setelah luput hin penderitaan metee oeh, kerma mustahel begi oeh untuk dikuasai oleh kematian. ²⁵ Karena daud ngaq ngehea tentang Auh koeng Karena auh teaang tee loen nyeau koeng sebab souq koe entoy tengayahkan. ²⁶ oleh sebab soul ah meeong koy geloq wean widah koey memuji-miji wean sen koy mee beloem tee mee keyakinan. ²⁷ Karena kieq entoy alean enyianang jiwa koeny tee hades, wean keiq entoy membiarkan roh kudus keiq nyelieq koetnaq aq. ²⁸ keiq mehaaq heiq koey lean beloem keiq naaq nook wean sukacita gelooq wean nyeong keiq. ²⁹ saudara kaw pemenang peuelean, koey pelainq neaq waiq tee keiq wen yakin tentang daud mee bangsa team: seiq ngaaq metee wen en kendaam wen kendaam oleh teaang tang dea nouy. ³⁰ sebab souq seih nabi wean aga in bahwa allah ngaq naeq janjeh wean sienyiah heiq Allah akan menenyiakan siah ang him keturunan Allah tee tahta Allah. ³¹ seih ngaa nyeleiq haey him nauq tentang hal noey mean ngaq ngehea tentang kebangkitan Kristus, seihpen entoay enyak tee hades, mean daging Allah entoay aqke. ³² Allah noaq belam enlaih Yesus, team sesau neh beliu saksi-saksi. ³³ Sebab nyeak en heik hebea te nye'ea Allah wean nyak loak Roh Kudus. nak en janjikan Allah nyaq mencurahkanNya, et naq kei seleiq wean naq kei kahjeng. ³⁴ Sekali pun Daut embe tebei me surga, seig ngehei Tuhan heg nyag selalu teang saeh aeh sebagai guei nye ai aeh. ³⁵ Hingga keig naek sehun naeg lewan keig beliu tumpuan taeh kuei. ³⁶ Embai nah saeg- saeg Israel heg in wein pasti bahwa nyag naek aeh heg Tuhan dan Kristus, Yesus naeg en sekae salib. ³⁷ tenwiu sekaw ngaeh jing ketnoey,pelah leeng mee ong, lalu mentang petrus wean rasul naeq elap. saudara-saydara ket noen naaek harus mekaw naaek? ³⁸ wean Petrus menjawab sekaw" bertobatlah wean heiq ong sekaw masing-masing en baptis te mee ngelean Yesus Kristus untuk pengapunan dosa-dosa kekaw, wean kekaw mee nelimah karunia Roh Kudus" ³⁹ heeiq sekawlah janjeih soon wean heiq souh mea keiq wean souq sauq naaek delung, yaitu sebanyak sehun naaek en tehin Tuhan Allah kaw" ⁴⁰ Wean behang wak Auh heik suatu kesaksian nak sungguh-sungguh auh mengecam wean heik nasehat untuk sekaw, wak eh "Heiklah ong kei untuk en selamatkan hin angkatan nak ak noa. ⁴¹ Behang sehun nak ngahjeing wak Auh wean ken'ean untuk en baptis han dea souq sehun bertambah behang sekitar etla jemlean jiwa. ⁴² Sekaw bertekun te'me ajaran Rasul-rasul wean te'me persekutuan.sekaw sering berkumpul untuk memecahkan roti wean berdoa. ⁴³ Leng tekoit noaq ensoah sekoat ong , wen benhean nyengean mujizat wen liah tendeah noag beliu lelea para rasul. ⁴⁴ wen setsau sehuin nak tekouh petkou penwiu wen sau sauq sekau beliu noaq pen eh penwiu. ⁴⁵ sekea engkuah setsau pen sekea wen harta pen sekea wean membage auh te sekea peleang sekea, sesuai kebutuhan sekoit ong. ⁴⁶ seka'it dea sekea siah me'ong petkou penwiu te me bait Allah, wean sekea metaih-metaih roti te me meso, wean sekea ngeaq saling berbagi ketmuin wen geloq me'ong wean meaq me'ong. ⁴⁷ sekea memuji Allah wean geloq me'ong lalu seka'it dea Tuhan nyeoat te sekea setsau sehun nak telah diselamatkan .