¹ Hai Theofilus, tee mee buku koi naq pertama koi nyelaut tentang seksauk kout naq en tuhan Yesus ajarkan. ² Sampai tang auh tengauh tebea. Sebelum souq Yesus ngaq enjang oleh Roh kudus tee wean Rasul-rasul naq en auh keleik. ³ Yesus mehak ong auh diaqwaet penderitaan auh leouh, wean benhean tendah naq membuktikan Yesus ngaq belam.sebab selama peat pelouk dea Auh keluak laih mehak ong Auh wean pet hea wean sekaw tentang Kerajaan Allah. ⁴ tenwiu dea Yesus mun penwiu wean sekaw seih empai sekaw empak Yerusalem. wean enjang sekaw tepaak tesaok metiah janjeh Allah. ⁵ sebab yohanes membaptis wean hengui, tetapi entoa mela Lap kekawme embaptis wean roh kudus. ⁶ Tenwiu sekaw pet kouq sekaw metang Yesus ’ Tuhan noa kah waktu auh keiq me memulihkan kerajaan Israel, ⁷ Yesus naq waq heih sekaw “kekaw entoy perlu peteang waktu wean masa naq en naq Allah wean kuasa auh teoung sang. ⁸ Tetapi kekaw mee nelimah kuasa, tenwi Roh kudus hewiaq soen kekaw, wean kekaw mee beliu saksi koey tee Yerusalem wean Yudea wean Samaria. ⁹ ketika Tuhan Yesus ngaq ngehea hal-hal noa, tenwiu sekaw sedang nyeleiq tebea, yesus ngaq tengauh, weanhewoan auh tengauh, wean hewun auh entoup seleiq sekaw. ¹⁰ sementara tamee sekaw nyeleiq tebeaa te sorga tenwiu yesus tengauh, tiba-tiba enggauq ong ngaq penjin jee ann sekaw temee ebeing semhong. ¹¹ sekaw naeq waq, kekaw hin galilea,naq noan kekaw penjin tee noey,nyeleq teebea mee surga yesus ngaq tengauh tebea mee sorga enlaih hay wean ngaq tengauh itamau kekaw seleik tebea. ¹² Kemudian diaq waet auh sekaw enlaih tee te Yerusalem hin bukit Zaitun, naeq jean Yerusalem nam dea deelaung auh. ¹³ Tenwiu sekaw ngaq tang tee, sekaw tebea tee soen guang enyin naeq lebea tee mee mesoo, guang sekaw tee.sekaw heq Petrus, Yakobus, Andreas, Filipus, Thomas, Matius , Yakobus, Alfius, Simon sehun zelot wean yudas naek Yakobus, ¹⁴ . Sekaw souq – souq pet kouq beliu sieah sebagaimana sekaw tekun tee mee doa. Teeang teesouq benhan ledoh, Maria baeq Yesus wean welean Yesus ¹⁵ Tenwiu souq Petrus penjin tee wen guaq hiang sehun benhean jumlah ngeais souq metous enggauk pelouq ong wean seih ngehea ¹⁶ Henaq welean adalah penting selat firman harus engenapi bahwa Roh ngaq ngehea ngeneen waq kehea Daud mengenai Yudas Iskariot,naq ngaq laeng sekaw nengap Yesus. ¹⁷ Karena auh menauq adalah salah satu hiang sekaw naq ngaq nelimah manfaat hien pelayanaan naq noa. ¹⁸ Souq noa Yudas Iskariot ngaq leang nyeliu siah bidang teneaq hin wean hasil houq auh dan han seih sedup heling wean ong auh leteaq serta isi soh auh legauq. ¹⁹ Souq sauq sehun naq tepak tee Yerusalem ngaq in lengah noa sebab toq souqlah sauh ngehea teneaq naq souq tee mee waq seih” Hakal Dama” teneaq lehaq. ²⁰ Sebab teang selat temea kitab ,mazmur biarlah perkemahan auh jadi sunyi wean biarlah entoa pean sehun tepak temea auh wean biarlah jabatan au hen sehun elap lak ²¹ Jadi harus tambahkan meka siah ong hin seka naq senantiasa hay petkouk wean meka tenwiu Tuhan Yesus wean meka. ²² Yaitu mulai hin wean baptisan Yohanes teang dea Yesus tengauh tebea me Sorga empak meka,untuk beliu saksi wean meka tentang kebangkitan Yesus. wean team jade saksi kebangkitan eh. ²³ Lalu sekaw mengusulkan enggauk ong : Yusuf naq sauq kehea barsabas atau yustus wean Matias ²⁴ Sekaw hesauq eh berdoa wean nakwak" Ya Tuhan kei naq petaing me ong hesauq sehun kei mehak haik naq en kei keleik hin enggauk ong neh.naq pelak engkam pelayanan yaitu kerasulan ²⁵ Naq en yudas pak tenwiu auh ngaq entoa pennean, seih ngaq sedup teguang enyin ak. ²⁶ Lalu sekaw naq undian netlouk heik enggauk ong,wean naq kaq undian adalah Matias wean etsouq Matias beliu rasul kesiehensewang.