¹ Endo doko wahyu Yesus Kristus,yo die Allah epo-Iyo,apa tnutui koe-Iyo epo hamba-hamba-Iyo ise yo arus resi terjadi. Ai koe mlekat-Iyo yo suyu-Iyo.Io sundok mkelak iyo epo batak-Iyo Yohanes. ² Yohanes sundok bsurah nau umbang firman Allah ai nau umbang pngesah yo die Yesus Kristus,yo ene eka ise masam yo sundok itaniyo. ³ Ego beta io yo ngembaca ai dero yo nempaning pmensara pmere ngket Tuhan endo,ai yo ngaya ise yo keo tnulis lang ne,koe des yo sundok duni. ⁴ Ngket Yohanes epo turu jemaat yo mbo Asia Kecil:Kasih karunia ai damai sejahtera sama-sama diang ikam,ngket Io,io keo ai yo sundok keo ai yo anta ulet,ai ngket turu roh yo keo ela onon pnunge-Iyo, ⁵ ai ngket Yesus Kristus,saksi yo stia,yo tla nyuli ngket ekang ulun mate ai keo kuasa ombon raja-raja dnia endo.Nte Io,yo nengkosang taka ai yo sundok nglopos taka ngket dosa taka diang daya-Iyo- ⁶ ai yo sundok nampa taka jadi krajaan,jadi imam-imam nte Allah,Bapa-Iyo,-nte Io doko kemulia ai kuasa se kola-kola yo.Amin. ⁷ Eti ta,Io ulet diang jaun-jaun ai tongku mato anta kito Io,dero low yo sundok nowok Io.Ai eka-eka bangsa mbo dnia anta ngendari Io.O',amin. ⁸ Aku yo doko Alfa ai Omega,firman Tuhan Allah,yo keo ai yo sundok keo ai yo anta ulet,Yo Paling kuasa." ¹⁴ "Ai tulis ka epo mlekat jmaat mbo Laodikia: E ^{15 16 12} Laju aku skuleng nte meti oyon yo bsara epo aku.Ai des aku skuleng,melak epo aku turu botis awa dian ngket amas. ¹³ Ai ela ekang botis dian ene keo erai kongo ulun kerai nau Pea Ulun,makai jubah yo kanjang yo sampe ela botis,ai dada iyo bebolit ktinggang ngket amas. ¹⁴ Utok ai balo-Iyo bura kati nau bulu yo bura sak,ai mato-Iyo kati nau dolan api. ¹⁵ Ai botis-Iyo ngrensilau kati nau tembaga mea lang api;oyon-Iyo kati umbang oyon kserow danum owa olay. ¹⁶ Ai mbo kayang sanan-Iyo Io ngop turu bintong ai ngket bowa-Iyo baling erai babak mendau yo takei daro duo,ai wae-Iyo baling pa kati nau mato olo des olo dotu. ¹⁷ Des aku kito Io,nyongkop aku mbo onon botis-Iyo sama kati nau ulun yo mate;tapi Io mayak kayang sanan-Iyo ban aku, laju ngulek:"Nang takut!Aku doko Yo Tla ai Yo Pnyundok, ¹⁸ ai Yo Bolum.Aku sundok mate,tapi eti ka,Aku bolum,sampe turai-turai yo ai ngop eka-eka kunsi maot ai kerajaan maot. ¹⁹ Koe ene tulis ka ise yo sundok itan ko, ktine yo terjadi tempondo ktine low yo anta terjadi sundok endo. ²⁰ Ai pngemelim turu bintong yo sundok itan ko ela kayang sanan-Ku ai turu botis dian amas ene:turu bintong ene yo doko mlekat turu jmaat ai turu botis dian ene doko turu jmaat."