¹ Koe ene taka arus diang slntuo beta ngnanam ise umbang yo sundok taka kringo, apa nang taka trbabut aso nau epo sawa dayo. ² Koe ena ka pirman yo snampe tete mlekat-mlekat ene nokon dor pnakai, ai tongku ise yo nglanggar ai dadal ene kuli itek bales yo bol-bol diang nau gawi gata ene. ³ Ktimbe anta taka kate telos, ena taka belo keo aru biru diang nau boyan nte slamat yo kkolai ene, yo ngket tla snampe koe Tuhan ai koe dero yo sundok kringo otang ene, epo taka diang umbang yo dapet prcaya, Ulak aso ⁴ Allah mturon pnyampe dero ene diang pleta-pleta ai mujizat-mujizat ai diang bmasam pkelak se kuasa diang karunia Roh Kudus, yo bnagi-bnagi koe-Iyo epo ise yo ptua-Iyo. ⁵ Mlekat-mlekat belo di kuli kuasa ngket Allah nte mrenta dnia bayu yo nte anta ene, yo ene umbang dnia yo kesah taka tempondo ene. ⁶ Malah ka ube, keo rndong lang Alkitab tnulis ktindo, "O Allah, ise se ulun ene, moko Iko kakan knop se dero)? Ise yo nulek Pea ulun ene, moko nte-Ngko sanda balo? ⁷ Ile-ile tingen Iko nampa iyo iwa idik-idik se mlekat, Iko mie epo iyo awa yo bol kbuen ai kinonuon, ⁸ eka ise masam sundok pkalah-Ko epo iwat botis Iyo. Tnoan se ktine koe mbo lang mmkalah eka ise masam epo-Iyo ene ndok belo erai keo yo liu jadi eka kalah ba epo-Iyo. Tapi tempondo belo pian taka kito, se eka ise masam ene sundok pinokalah epo-Iyo. ⁹ Tapi taka sundok kito se Yesus keo kuasa! Io tnampa iwa se mlekat ile-ile tingen, apa koe leka kbuen kesong Allah Io mate nte eka ulun. Taka kito se-Io tempondo dnie awa yo bol kbuen ai pinokolai koe Io sundok sesa ndok nte mate. ¹⁰ Koe ktine memang umbang nau iyo Allah, yo nampa ise masam ene nte keo jodo nte ptua-Io se, nampa Yesus nte tukang nylamat yo belo keo nglongon, pinotete diang pngkono ndok sesa. Koe Io ene doko yo nampa boyan nte dero apa kate slamat. ¹¹ Yesus ngmbrse ulun ngket dosa-dosa dero; Io yo ngmbrse , diang dero yo binorse ene, sama-sama ngket erai Bapa. Ene doko ise moko Yesus ene belo di mai ngangkan se dero ene eraibuntung-eraibuntung-Iyo. ¹² Yesus ngulek epo Allah, "Aku kakan ngulek epo eraibuntung-eraibuntung-Ku otang nau umbang Iko. Aku kakan muji-muji Iko mbo ekang jmaat ¹³ 13 Yesus ngulek low, "Aku kakan mayak kprcaya-Ku epo Allah. " Ai Io ngulek low,"Endo doko aku, sama-sama diang pea-pea yo sundok die Allah epo-Aku. ¹⁴ Koe ulun-ulun yo ulek Io pea ene ulun yo tau mate, moko ene Yesus se low jadi sama berumbang kati ulun yo bolum. Io nampa otang ktine, apa diang pngnate-Iyo Io kuli mkalah iblis yo mpun kuasa mat. ¹⁵ Apa diang ktine io nglopos ulun-ulun yo kola umur bolum kati ungka batak koe takut epo pngnate. ¹⁶ Melak ka doko oli se makse mlekat yo tengkosang-Iyo, makse ko upus Abraham yo tengkosang-Iya ¹⁷ Ene umbang yo moko Io arus jadi sama diang eraibuntung-eraibuntung-Iyo lang eka umbang ise masam. Apa diang ene Io kate jadi Imam Olai yo stia epo Allah ai keo pngkosang. Diang kono layan-Iyo ene dosa ulun dapet nampun. ¹⁸ Ai koe Io se pini sesa ai kono ikap, Io kuli ngawat ulun-ulun yo kono ikap, koe io se pini kono ikap ai sesa.