¹ Mbo onon Allah ai Kristus Yesus io anta njidang ulun io aso bolum ai io ulun sundok mate, aku keo psan diang beta-beta epo iko ente pngulet-Iyo ai nte Kerajaan-Iyo: ² knesah Firman ene, siap des buen ketine lou des yo belo buen, pinokelak yo sala ene tnegur ai masehat diang kesong sabar ai sesui diang tnutui bnatuk nulek binonuen. ³ koe ene anta keo des io, ulun belo kuli oli nrima tutui batuk yo buen, tapi dero anta ngumpul guru-guru yo sngkono kati pngkakan dero ente nengkuen lang tlio dero. ⁴ dero ene neng kuleng tlingo dero ngket yo kono,ai nempaning ente spuri. ⁵ tapi ati-ati lang eka-eka soal , sabar diang bnasa, nlaku gawi gata nyampe Injil ai snudok tugas playanan ko! ⁶ Nau umbang ku, dayaku sundok tnudak nte persembahan ai pngenate ku sundok dempe . ⁷ Aku yundok btanding yo buen, aku sundok sampe tompak gari ai aku sundok ngnjaga Iman. ⁸ tempo ndo sundok sinodia nte oki mahkota yo beta anta dnie epo aku koe Tuhan, akim yo adel, des olo-Iyo; tapi belo di pulun epo aku, tapi lou epo eka-eka ulun yo ngno pengulet-Iyo. ⁹ Bkomer apa resi-resi ulet epo aku, ¹⁰ koe Demas sundok gawal se dnia endo ai ngndikah aku. yo sundok malan epo Tesalonika. Kreskes sundok malan epo Galatia ai Titus epo Dalmatia. ¹¹ Pulun Lukas yo nongos diang aku.Nalek Markus ai noit io epo dido,koe pelayanan iyo penting nte oki. ¹² Tikhikus sundok kirim ku epo Efesus. ¹³ Ena iko epo ndo noit lou jubah yo tnape koe ku mbo Troas ela blai Karpus ai lou kitab-kitabku,yo paling penting buyang upak ene. ¹⁴ Aleksander,tukang tembaga ene,sundok deo nampa gawi gata triau epo aku.Tuhan anta ngembales kati gawi gata iyo. ¹⁵ Apa iko lou jaga-jaga epo io,koe io beta-beta nglawan tutui batuk taka. ¹⁶ Des jman aku nuing mbo pngadilan tla ndok belo erai yo ngengket aku,eka dero ngendikah aku-apa soal ene nang tnanggung epo dero-, ¹⁷ tapi Tuhan sundok diang aku ai memeturon aku,apa diang tete aku Injil snampe diang beta-beta yo ai eka ulan makse Yahudi ngeringo yo.Diang ktine aku lopos ngket bowa timang. ¹⁸ Ai Tuhan pasti nglopos aku ngket tongku gawi yo dat.Io pasti nylamat aku, koe ene aku sumba epo lang Kerajaan-Iyo mbo sorga.Nte-Iyo doko kemuliaan yo kden!Amin ¹⁹ Salam epo Priska ai Akwila ai epo keluarga Onesiforus. ²⁰ Erastus nongos ela Korintus ai Trofimus dikah ke ulak kroton mbo Miletus. ²¹ Bkomer epo ndo onon musim roni.Salam ngket Ebulus ai Pudes ai Linus ai Klaudia diang ngket eka erai buntung. ²² Tuhan sama-sama diang roh ko. Kasih karunia-Iyo sama-sama diang iko.