¹ Soal pngulet Tuhan taka Yesus Kristus ai bkumpul taka diang Iyo kain tindu epo ikam, ulun-ulun persaya, ² apa ikam nang resi bengong ai belo kturoh, buen koe ilham roh, ene lou koe kabar diang surat yo nulek ngket kain, kati-kati nau olo Tuhan sundok ulet. ³ Nang sampe ikam mie bolum kam pinoktang koe ulun diang sara ise! Koe onon Olo ene arus ulet ile sipat ngendikah iman diang arus pinokelak ile ulun yo gawi triaw, yo arus mate, ⁴ yo ene lawan yo ngombo-ngombo se yo mak yo nulek ndok iyo snmbah kati Allah. Malah Iyo tunge ela Bait Allah ai kakan mekelak kompu kati Allah. ⁵ Belo be ikam knop, se ene jono kesah ku diang ikam, des aku aso kerai diang ikam? ⁶ Tempo ndo ikam tau ise yo nahan iyo, se iyo kakan mkelak kompu tonga iyo montuk jman yo sundok tnentu nte iyo. ⁷ Koe diang sara melim gawi triaw ene sundok mulai gnawi, tapi tempo ndo aso keo yo nahan. Ena yo nahan ene sundok nloli, ⁸ Des ene doko yo keo gawi triaw ene bayu anta mkelak kompu tong iyo, tapi Tuhan Yesus ngmpate iyo diang riut kesong ngket bowa Iyo ai ngmapos iyo, ena Io ulet nua. ⁹ Pngulet ulun gawi triaw ene gawian iblis, jnuyang diang bemasam hal yo ajaib, tanda-tanda diang musisat-musisat plesu, ¹⁰ diang bemasam akal dat epo ulun-ulun yo arus mate koe dero belo nrima ai sayang diang yo beta yo kuli nte nylamat dero. ¹¹ Koe ene Allah mkulet mketang ombon dero,yo nampa dero persaya epo eta, ¹² apa nukum eka ulun yo belo persaya epo yo beta ai gawal yo triau. ¹³ Tapi kain arus trus-trusan bsyukur epo Allah koe ikam, ulun-ulun persaya,yo knosang koe Tuhan,koe Allah ngket tla yo sundok mili ikam nte sinolamat lang Roh yo membrese ikam ai lang yo kono yo ikam persaya. ¹⁴ Nte ene doko Io sundok momba ikam koe injil yo knabar koe kain, apa ikam kate kuli kemuliaan Yesus Kristus,Tuhan taka. ¹⁵ Koe ene, akat turon ai segop mbo batuk tutui yo ikam kuli ngket kain,buen diang sara lansung maupun diang sara tnulis. ¹⁶ Ai Io, Tuhan taka Yesus Kristus, ai Allah, Bapa taka,yo lang kasih karunia-Io sundok ngosang taka ai yo sundok miye pnyempaeyo kdej ai arapan buen epo taka, ¹⁷ apa iyo nyempae ai mturon kesong kam lang gawi gata ai kesah surah yo buen.