¹ Ngket Paulus, Silwanus diang Timotius, mitek jemaat ulun-ulun Tesalonika lang Allah bapa taka ai lang Tuhan Yesus Kristus. ² kasih karunia ai damai sjahtra ngket Allah, Bapa taka , ai ngket Tuhan Yesus Kristus sama-sama diang ikam ³ Kain arus dor bsukur epo Allah koe ikam erai buntung-erai buntung. Kmemang po nau yo, koe iman kam makin btambah ai pengkosang kam diang erai-erai tambah turon mbo sama ikam. ⁴ Koe ene Lang jmaat-jmaat Allah, kain se tau nondek nau kam, koe iman ai ksabar kam ngadap deo umbang pengkono yo nysa ikam. ⁵ Ene pnanda se Allah ene adil, yo mmkelak se ikam ene sngkono jadi warga Krajaan Allah, ikam yo tempondo ssa koe krajaan ene. ⁶ Koe memang adil mbo Allah nte males mitek dero yo nindas ikam. ⁷ Nte ngelumu kanam pengenanam kam yo kono tindas, ai epo kain low, des jman Tuhan Yesus ngket lang sorga mmkelak kompu-Io diang mlekat-mlekat-Io, lang kuasa-Io, lang api yo dolan raya, ⁸ Io ngmbales epo dero yo belo kakan tau se Allah ai belo kakan ngaya epo Injil Yesus, Tuhan taka. ⁹ Dero ene nindo kono ukum bnasa turai, pinokoro ngket hadirat Tuhan ai ngket kemuliaan kuasa-Io. ¹⁰ Nindo des jman Io ulet nte kinomulia ekang ulun-ulun kudus-Io, ai apa nampa kagum ulun-ulun yo prsaya, koe kesaksian yo oit kain epo ikam endo sundok prsaya kam low. ¹¹ Koe ene kain dor bdoa low nte ngkam, apa Allah taka nampa ikam kate sngkono nte Io bomba, ai diang kuasa-Io nte nympurna pngkakan kam nte gawi buen ai nympurna pkrjaan iman kam, ¹² Apa karan Yesus, Tuhan taka, kinomulia lang ikam ai ikam lang-Io, sengkono diang kasih karunia Allah taka ai Tuhan Yesus Kristus.