¹ soal zaman ai waktu, eraibuntung-eraibuntung, belo di kotoh tnulisepo ikam. ² koe ikam se tau beta-beta, se olo tuhan ulet kati pengako des malom. ³ ena dero ngulek : eka yo damai ai aman ba - kolan-kolan dero pngulet bnasa, kati san bawe untung pngulet siet des mekus dero belo anta belo kono. ⁴ Koe ene, eraibuntung-eraibuntung, ikam belo di bolum lang seom, koe olo ene kolam-kolan ulet kati pengako, ⁵ koe eka-eka ikam ene jadi pea-pea trang ai pea-pea molo. taka mak se ulun-ulun malom diang ulun-ulun seom. ⁶ koe ene buen yo nang taka turui kati ulun yo mak, tapi kingat ai knop. ⁷ koe dero io turui, turui des malom ai dero yo mauk, mauk des malom. ⁸ Tapi taka, yo ulun-ulun molo, buen yo taka kingat, baju waja Iman ai kasih, diang makai topi waja harapan slamat. ⁹ koe Allah belo di mtoko taka ente ukum, api nte kuli slamat koe yesus Kristus, tuhan taka. ¹⁰ yo sundok mate nte taka,apa ena taka bjaga, ena taka turui , taka bolum sama-sama diang Io. ¹¹ koe ene nasehat ka epo erai-erai ai ikam bako tngkuat ka kati yo desung gawi kam. ¹² kain tindu epo ikam, eraibuntung-eraibuntung,apa ikam ngormat epo dero yo bgawi beta-beta ekang ikam, yo mimpin ikam lang Tuhan ai yo nggur ikam. ¹³ apa ikam beta-beta ngormat dero lang kasih koe gawi gata dero. bolum trus lang damai epo erai-erai. ¹⁴ kain nasehat ikam lou, eraibuntung-eraibuntung , tnegur dero yo bolum keo kroan, sinompae dero yo kesong tawai, nngket dero yo belo keo bkaya, sabar epo eka-eka ulun. ¹⁵ Tempaning, apa nang keo ulun males yo triau diang triau, tapi knomer trus yo buen, epo ikam eka-eka diang po eka-eka ulun. ¹⁶ Ego trus. ¹⁷ ttap sembayang. ¹⁸ Mengusap sukur lang eka hal, ene yo tinong kakan ke Alla lang Kristus Yesus nte kam. ¹⁹ Nang pnarom Roh, ²⁰ Diang nang nganggap iwa nubuat-nubuat. ²¹ Kinonanam ise yo keo nggop yo buen. ²² Oro-oro iko ngket eka macam yo triau. ²³ Moga-moga Alla damai sejahtra mmerse ikam eka-eka diang moga-moga roh, kompu tonga ko terpelihara sempurna belo keo bila molon des Yesus Kristus ulet Tuhan taka. ²⁴ Io yo momba ikam ene setia, Io lou kakan nyundok yo. ²⁵ Erai buntung - erai buntung, do'a kam kain. ²⁶ Snampe salam kain epo eka erai buntung diang arok olam yo kudus. ²⁷ Koe karan Tuhan aku tindu beta-beta epo ikam, apa surat ene bnaca po dero eka-eka ulun persaya. ²⁸ Kasih karunia Yesus Kristus, Tuhan taka, sama-sama diang ikam.