¹ Ke ka kgololo go bo Keresete a re golotse. Itshetleleng mme le seka la boela gape mo jokong ya bokgoba. ² Bonang, nna Paulo, ke le raya ke re fa le rupa, Keresete ga a ka ke a le tswela mosola ka tsela epe. ³ Gape, ke pakela monna mongwe le mongwe yo o itetlelelang go rupa gore o tlamega go obamela molao otlhe. ⁴ Le kgaogantswe le Keresete, lotlhe ba le siamisiwang ka molao;le latlhegetswe ke tshegofatso. ⁵ Gonne mo Moyeng,ka tumelo re letile tsholofelo ya tshiamo. ⁶ Mo go Keresete Jeso go rupa kana go sa rupe ga go reye sepe,fa e se tumelo e e dirang ka lorato. ⁷ Le ne le siana sentle.Ke mang yo o le emisitseng go utlwa boamaruri? ⁸ Kgakololo e ga e tswe mo yo le biditseng! ⁹ Sebidiso se sennye se dira gore borotho jo bo dubilweng gore bo buduloge. ¹⁰ Ke na le tshepo mo Modimong gore ga le ka ke la nna le mogopolo o sele.Yo o le tsenyang tsietsego o tlaa otlhaiwa,go sa kgathalesege gore ke mang. ¹¹ Bakaulengwe fa ke sa ntse ke rera thupiso,ke bo ke bogisediwa eng? Fa gontse jalo sekgoreletsi sa mokgoro se tlositswe. ¹² Fa e le ka ga ba ba le feretlhang,ke eletsa gore ba ikgaole fela. ^{15 13} Bakaulengwe le bileditswe kgololesego.Mme se diriseng kgololesego ya lona e le sebaka sa go direla nama,mme le direlane ka lorato." ¹⁴ Gonne molao otlhe o diragadiwa mo taolong e le nngwefela;"Rata wa ga lona jaaka o ithata."Fa le lomalomana le jana,elang tlhoko gore ga le kometsane la fetsana. ¹⁶ Mme kare, le tsamayeng ka Moya, mme le tlaa seke le dire thato ya nama. ¹⁷ Gonne dikeletso tsa nama di kgatlhanong le Moya, le dikeletso tsa Moya di kgatlhanong le nama.Dilo tse di a ganetsana,gore o se dire dilo tse o di batlang. ¹⁸ Mme fa le gogwa ke Moya, ga le ka fa tlase ga molao. ¹⁹ Jaanong ditiro tsa nama di a bonala;e leng boaka,bomaswe,keletso e e bosula; ²⁰ tirelo medimo ya disetwa,boloi,dikilano,dikomano, mafufa,dikgakalo,makgamu,dikgaogano, ²¹ bopelotshetlha,botagwa,mekubukubu ya botagwa,le dilo tsotlhe tse di tshwanang le tse.Ke a le tlhagisa,jaaka ke le tlhagisitse go le pele,gore ba ba dirang dilo tsa mofuta o ga ba kitla ba tsena ka bogosi jwa Modimo. ²² Mme leungo la Moya ke lorato, boitumelo, kagiso, bopelotelele, bopelonomi,tshiamo,tumelo, ²³ bonolo le boikgapho; ga gona molao ope kgatlhanong le dilo tse. ²⁴ Bao ba e leng ba ga Keresete Jeso ba bapotse nama le dithato le dikeletso tsa yone. ²⁵ Fa re tshela ka Moya, re tsamaye le ka Moya. ²⁶ Re seka ra nna boikgogomoso, ra rumolana le fa e le go nna bopelotshetlha.