¹ Ke nna Paulo,moaposetolo,ke se moaposetolo go ya ka batho kana go tswa mo mothong, mme go tswa mo go Jeso Kererete le Modimo Rara,yo o mo tsositseng mo baswing. ² Le bakaulengwe botlhe ba ke nang le bone,go diphuthego tsa Bagalatia; ³ A tshegofatso le kagiso go tswa mo go Modimo Rara le Morena Jeso Keresete di nne le lona, ⁴ yo o ntsheditseng botshelo jwa gagwe maleo a rona go re a re golole mo bosuleng ba metlha eno,go ya ka fa go rateng ga Modimo Rara wa rona, ⁵ a kgalalelo e isiwe go ene ka bosakhutleng.Amen. ⁶ Ke a gakgamala fa le fetogela ka bonako e ne yo o le biditseng ka tshegofatso ya ga Keresete.Ke gakgamalela gore le bo le fetogela ko mafokong a a molemo a sele. ⁷ Mo ka bo ke sa reye gore go na le mafoko mangwe a a molemo,mme ga bo go na le batho ba batlang go tsosa tlhakatlhakano ba bo fetola mafoko a a molemo a ga Keresete. ⁸ Mme le fa e ka nna rona kgotsa moengele a tswa legodimong a le rerela mafoko a a molemo a sele,a a hutsege. ⁹ Jaaka re buile go le pele, ke bua gape," fa mongwe a le rerela mafoko a a molemo a a sa tshwaneng le a le a amogetseng a a hutsege," ¹⁰ A ke batla go akgolwa ke Modimo kana batho? A ke senka go itumedisa batho? Fa ke santse ke senka go itumedisa batho, ga ke motlhanka wa ga Keresete. ¹¹ Ke batla le itse bakaulengwe, gore mafoko a a molemo a ke a rerileng ga se a motho. ¹² Ga ke a amogela go tswa mo mothong, ga ke a a rutiwa, Ka jalo e ne e le tshenolelo e ke e tsereng mo go Jeso Keresete. ¹³ Le utlwile ka botshelo jwa me jwa pele ka tumelo ya Sejuta, kafa ke neng ke kgokgontsha phuthego ya Modimo go feta selekanyo le go leka go e senya. ¹⁴ Kene ke rutegile mo tumelong ya Sejuta go gaisa balekane bame go tswa mo go bagaetsho . Ke kafa ke ne ke tlhwaafatse thata ka teng mo ditsong tsa bo-rraetsho . ¹⁵ Mme fa modimo yo o nkgethileng ke santse ke le mo sebopelong sa ga mme,a mpitsa ka tshegofatso ya gagwe, ¹⁶ a itumelela go senola morwawe mo go nna,gore ke tle ke mo rerele Baditshaba,ka seka ka botsa nama le madi. ¹⁷ Ka seka ka ya kwa Jerusalema kwa go bao ba ba nnileng baaposetolo pele game.Mme jalo ka ya Arabia morago ka boela Tamaseko. ¹⁸ Morago ga dingwaga tse tharo kene kaya Jerusalema go itse Kefase mme ka nna le ene malatsi a le lesome le botlhano. ¹⁹ Ke ne ka seka ka bona ope wa baaposetolo fa e se Jakoba fela monnawe Morena. ²⁰ Mo go se ke se le kwalelang,ke le rurifaletsa fa pele ga Modimo gore ga ke bue maaka. ²¹ Ke ile ko mafelong a Siria le Kilikia, ²² Kene ke sa itsewe ko diphuthegong tsa Jutia tse di mo go Keresete, ²³ Mme bane ba utlwalela gore, "Monna yo o kileng a re tlhokofatsa jaanong o rera tumelo e a kileng a leka go e senya." ²⁴ Ba galaletsa Modimo ka lebaka lame.