¹ Sa bofelo, Bakaulengwe, re a le rotloetsa le go le kgotlhatsa mo go morena Jeso. Jaaka le amogetse ditaelo go tswa ko go rona ka tsela e o tshwanetseng go tsamaya le go itumedisa modimo, le ka tsela e tsamaya, gore o dire le go feta. ² Ka gore o itse ditaelo tse o di filweng ka Jeso keresete. ³ Gonne mo, ke thato ya modimo, go itshepisiwa ga lona, le ikgaphe mo boakeng, ⁴ gore mongwe le mongwe wa lona a tshegetse sejana sa gagwe ka boitshepo le ka tlotlo, ⁵ e seng go kgotsofatsa maikutlo ( jaaka baditshaba ba ba sa itseng modimo). ⁶ A go se nne ope yo o kgopisang mokaulengwe wa gagwe ka tsela ena. Go nne modimo ke mmusolosi mo go tsotlhe, fela jaaka re le tlhagisitse le go le pakela. ⁷ Gonne modimo ga a re biletsa go leswafatsa, mme o re bileditse go nna boitshepo, ⁸ Jalo he, yo o ganang se, ga a gane motho, o gana modimo, Yo o go neelang moya o o boitshepo. ⁹ Ka ga lorato la sekaulengwe, ga go tlhokege gore ke le kwalele, ka gore wena ka bo wena le rutilwe ke modimo gore le ratane. ¹⁰ Ka boammaaruri, o direla bakaulengwe botlhe ba ba ko Maketonia. Mme re a le kgotlhatsa, bakaulengwe, go dira se le go feta. ¹¹ Re a le kgothatsa gore le tsheleng botshelo jo bo didimetseng, tlhokomelang dikgang tsa lona, le iperekele ka diatla, fela jaaka re le laotse. ¹² Dirang se, gore le tsamae mo tseleng ya tlhompho mo go ba ba seng mo tumelong, gore le seka la tlhoka sepe. ¹³ Ga re batle gore lo tlhoke go tlhaloganya, bakaulengwe, ka ba ba robetseng, gore le seka la utlwa botlhoko jaaka ba ba senang tsholofelo ka bokamoso jwa bone. ¹⁴ Gonne fa re dumela gore Jeso o ne a swa mme a tsoga, le fa go ntse jalo Modimo o tla a tsosa ba ba robetseng le Jeso. ¹⁵ ka gore se re se bua le lona ka lefoko la morena , gore rona batshidi, ba re tlogetsweng mo go tleng ga Morena, mme ga re kitla re raka ba ba robetseng. ¹⁶ Modimo ka bo ene o tla fologa go tswa legodimong. O tla tla ka modumo, le lentswe la moengele yo mo mogolo, ka porompeta ya modimo, mme baswi mo moreneng ba tla tsoga pela. ¹⁷ Mme rona batshidi, ba re tlogetsweng, Re tla tsholediwa rotlhe le bone go kgatlhantsha modimo mo marung. Ka tsela e ,re tla nna re na le modimo. ¹⁸ Jalo he, gomotsanang ka mafoko a.