¹ Kupitila mu kalata iyi, nuzibisha naku tumijya kwa mweo okhulupilila muyasu Febe, wati alete kalata iyi kwa mweo. Ni mutumiki wa canakazi ku mpingo wa ku Kenkreya. ² Nupempha kuti mumulandile ndaba monse nimwe olumikijyana na Ambuye. Mucite ici ndaba banthu a Mulungu ofunika kulandila okhulupilila ayao. Nukupemphani soti mumu thandize pomupasa vofunikila, ndaba wathandizila banthu anyinji kuikilako naneo. ³ Mumuujye Priscilla na mulume wake Akula kuti natumijya moni. Besebenza nane pa nchito ya Kristu, ⁴ Ndipo benze okonzeka kufwa kamba ka neo. nubaonga, ndipo na mpingo wa Amitundu mubayamike ponipulumusha. ⁵ Na mpingo ukumana mung'anda mwao mupeleke moni. Mumuujye muyangu okondeka Epeneto cimozi- mozi. Niye lidoda loyamba mu Asiya ku khulupilila mwa Kristu. ⁶ Mumuujya Mariya amane wasebenza ngako mwa Kristu kuti muthandizike,kuti natumijya moni. ⁷ Muujye soti na Androniko na mkazi wake Yuniya kuti moni, aba na Ayuda aysu benesebenza nao mu ndende. Niozibika ngako pakati pa Otumiwa, ndipo benkhala Akristu neo nikaliye. ⁸ Nutumijya soti moni kwa Ampliyato okondeka wangu mwa Ambuye. ⁹ Nutumijya soti moni kwa Urbano, osebenzela Kristu na seo, na ku muyangu Staku. ¹⁰ Nupeleka moni soti kwa Apele, wasankhika na Kristu kamba kopilila mayeselo anyinji. Mubaujye Okhulupilila osonkhana mu Ng'anda mwa Aristobulo kuti napeleka moni. ¹¹ Mumuujye soti na Herodiyona, amene ni mu Yuda muyangu,kuti natumijya moni. Mubaujye nao onkhala mu ng'anda ya Narkiso, ali mwa Ambuye. ¹² Mumuujye cimozi-mozi naye Trufenna na mkwao Trufosa, osebenzela ngako Ambuye. Nutumijya soti moni kwa Persida. Tonse tumukonda ndipo wasebenza na mpamvu mwa Ambuye. ¹³ Mujyeni Rufo, muKristu opanama mwapadela, kuti natumijya moni. Anyina bake nao mubaujye, onisunga neo monga nine mwana wao. ¹⁴ Muujye Asunkrito, Ferego, Herme, Patroba, Henna na anekwasu balinao kuti natumijya moni. ¹⁵ Nutumijya soti moni kwa Filologo na mkazi wake Yuliya, Nereya na mkwao, na Olumpa, nakwa onse banthu ba Mulungu ukumana nao pamozi. ¹⁶ Pasanani moni mwa cikondi munjila ya bwino pumukumana pamozi. Onse okhulupilila mumipingo yonse opeleka moni mwa Kristu. ¹⁷ Okhulupilila ayangu, Nukuujyani kuti munkhale chelu na banthu olet mupatuko pakati panu, na ao olekesha banthu kelemekeza Mulungu. Cokamponi pa bantu oteto. ¹⁸ Ao oleta mpatuko osebenzela lini Ambuye Kristu, bofuna kukwanilisha zofuna zao. Onamijya banthu na mau ya bwino na ku yamika banthu kuti banthu basazibe kuti aba oleta cipongwe ophunzisa vawenye. ¹⁹ Okhulupilila kulikonse oziba kuti mwamvwila vakukamba Kristu mu uthenga wabwino. Ndipo nu sangalala pamweo. Koma nufuna soti kuti munkhale ngako ocenjela kuti mukoziba cabwino nakupatuka ku ciyipa. ²⁰ Ngati mucita ivi vinthu, Mulungu , otipasa mtendele wake, akuyoononga satana kamba ka ulamulila uli pamweo! Nupemphela kuti Mulungu apitilijye ku kupasani cikondi. ²¹ Timoti, osebenza naneo, na Lukiyo, Jasoni, na Sosipatro, Ayuda ayangu, ofuna kuti muzibe kuti akutumijyilani moni. ²² Neo, Tertiyo, nufuna kuti muzibe kuti nampani moni mwa Ambuye. nu lemba kalata iyi kulingan na vakuniujya Paulo. ^{23 24} Neo, Paulo, nunkhala mung'anda mwa Gayo, ndipo onse mpingo kuno ukumana mung'anda mwake. Naye ofuna kuti muzibe kuti wapeleka moni. Erasito, oyanganila pa za ndalama za mzinda, watumijya moni, pamozi na munekwasu Kwarto. ²⁵ Lomda kwa Mulungu okulimbikishani mu mzimu kupitila mu ulaliki wangu wa uthenga wabwino wa Yesu Kristu Mulungu waliye vumbulushe mumubadwe ulionse uno mubadwe ukaliye nkhalako. ²⁶ Koma lomba Mulungu wationesha kupitila muvelembeka mumalemba kuti vikacitike- kuti banthu onse mu mayiko onse akhulupilile mwa Yesu nomumvwila. ²⁷ Lekani Mulungu yeka wanzelu, alemekezeke kosasila kamba ka vawacita Yesu Kristu kwa seo. Zinkhale teto.