¹ Mmozi wa angelo amene enze na mbale seveni ewela kwa neo nakuti, "wela, nikuoneshe kusushiwa kwa mwanakazi wa chigololo wamene wankhala pa manzi anyinji, ² wamene mafumu ya pa ziko bachita naye chigololo, ndipo na vinyu wa chigololo chake banthu onkhala paziko bakolwa." ³ Ndipo mngelo eninyamula mumzimu kuyanane ku chipululu, ndipo neona mwanakazi wankhala pa chinyama chisweta chenze na mazina bamwano banyinji. Chinyama chenze na mitu seveni na nsengo teni. ⁴ Mwanakazi evwala chibakuwa na mlangalo ndipo enzekongoleshewa na golide, miyala ya mtengo wapatali, na ngali. Enzenya mmanja mwake kapu ya golide mwenze vinyu vinyinji viipa na vifipa va chigololo chake. ⁵ Pamphumi pake penzelembewa zina la tanthauzo lobisika: "Babulo mkulu, nyina wabachigololo na vinthu vonyansa vapaziko." ⁶ Neona kuti mwanakazi ula enze okolwa na magazi ba banthu atuba ba Mulungu na magazi ba banth bechifwa chifukwa cha zina la Yesu. Peneona nidabwa ngako. ⁷ Koma mngelo echiti kwa neo, "udabwiranji? nikuuzye tanthauzo lobisika la mzimai na lachinyama chamene chunyamula, chinyama chamene chili na mitu seveni na nsengo teni. ⁸ Chinyama cheweona chenzeko, koma lomba kuliye. Koma chili pafupi kufuma ku chimulindi chiliye polekezyela. Ndipo chikalute kuyocheneka bala onkhala pa ziko, bala bamene mazina bao baliyelembewe mu buku la moyo kuyambira piyenkhalira ziko-akadabwe poona chinyama, pakuti cgenzeko kale koma lomba kuliye, koma chikawele soti. ⁹ Pano pali mtima uli nayo nzeru. Mitu seveni ni malupili seveni pamene mwanakazi ula enkhalapo. ¹⁰ Pali soti mafumu faifi bapona, mmozi ali na moyo, na muyakine akaliyowera, pati akawele, akankhale kwa kanthawi katontho. ¹¹ Chinyama chamene kale chenzeko, koma lomba kuliye, koma niye nfumu ya eiti. Ni mmozi wa bala seveni ndipo akuya kuyochenekeka. ¹² Nsengo teni zeweona ni mafumu teni akaliyolandire ufumu, koma akalandire ulamuliro ngati mafumu kwa ola limozi pamozi na chinyama. ¹³ Aba niba makanizo amozi, ndipo opasa mphamvu na ulamuliro kwa chinyama. ¹⁴ Akachite nkhondo na mwana wa mbelele. Koma mwana wa mbelele akabapambane kamba kakuti ni Mbuye wa Ambuye na mfumu ya mafumu-na bala bali nao oitiwa, osankhiwa, okhulupilika." ¹⁵ Mngelo echiti kwa neo, manzi beweona, penze penkhala mwanakazi wa chigololo ni banthu, magulu, maiko na vilabilo. ¹⁶ Nsengoteni zeweona, izi na chinyama bakatinkhe wa chigololo. Bakampange wosiiwa na wachinthaku, bakalye mnyofu wake ndipo bakamshoke na muliro. ¹⁷ Pakuti Mulungu wachiika ichi mu mtima mwao kuti achite cholinga chake povomela kupasa mphamvu zao kuti chinyama chilamulire mpaka mau a Mulungu akwanilishiwe. ¹⁸ Mwanakazi wiweona ni mzinda ukulu uli na mphamvu kulamulira mafumu a paziko.