¹ Paulo, Silvano, na Timoteo ku chalichi yaku Tesalonika mwa Mulungu Atate na Ambuye Yesu Kristu. Cisomo na mutendele ube namweo. ² Tupeleka ciyamiko kuli Mulungu nsiku zonse cifukwa ca mweo patumuculani mosalekezya mu mapephelo basu. ³ Tukubukila pamenso ya Mulungu Atata ncito yanu ya cikhulupililo, kutumikila kwa cikondi na kuteka mutima mwa cipililo ca ciyembekezo mwa Ambuye Yesu Kristu. ⁴ Anekwasu okondewa na Mulungu, tuziba ekusankhani mweo, ⁵ pakuti uthenga wasu wewela kwa mweo osati mu mau tyala, koma soti mu mphamvu , mwa Muzimu Utuba, na mukusimikijyila. Munjila yamene iyi, muziba soti kuti tenze madoda otyani pakati panu kamba ka mweo. ⁶ Mwenkhala otiyeselela seo na Ambuye, pemwelandila mau movutikila kukulu na cimwemwe kucokela ku Muzimu Utuba. ⁷ Mwaici, mwenkhala cisanzo kwa onse mu Makedoniya na Akaya bala ekhulupilila. ⁸ Pakuti kufumila mwa mweo mau Ambuye amvwika, osati mu Makedoniya na Akaya mweka, koma cikhulupililo canu mwa Mulungu caluta paliponse. Moteto tufunika lini kulabila kanthu kali konse pa ici. ⁹ Pakuti beve beka olabila za seo malandilidwe basu pakati panu, namwemwe tembenukila kuli Mulungu kuleka mafano nakutumikila Mulungu wacendi na zoona, ¹⁰ na kuti mulindila Mwana wake kucokela kululu, weusha kwa kufwa- Yesu, otipulumusha ku mukwiyo ukuza.