¹ Bozonga kati na bino moko , bo mimeka ekolo ezanga soni, ² Yambo ete mitindo ekweya mpe mokolo yango eleka lokola ndembo , yambo ete mokolo ya kanda na Yawe ekita likolo na bino! Boluka ³ Yawe, bino nyonso bato ya komikitisa ya mboka , bino botosaka mitindo na ye! Boluka bosembo , komikitisa ! tango mosusu Yawe akobatela bino na mokolo ya kanda na ye. ⁴ Pamba te Gaza ajo sundolama , Askalon eko koma esobe, bakobengana Asdod na moyi makasi, Ékron ako pikwana. ⁵ Mawa na bato bavandi pembeni ya ebale, na ekolo y aba Kéréthiens! Yawe alobaki mabe mpona bino , Canaan mboka ya ba Philistins ! nako punza yo, akozala lisusu na bato te. ⁶ Ba ngambo ya ebale ekozala bisika ya koleyisela bibwele mpe ba ndako mpona ba bateli bam pate mpê bivandelo ya bibwele. ⁷ Ba ngambo yango ekotikala mpona ndambo ya Yuda bakotikala, ba koleyisa bibwele ,nde mawe, bako banda ko pema na pokwa na bandako yaba Askalon , mpamba te Yawe , Nzambe na bango ako bosana bango te, akozongisa ba kangami na bango. ⁸ Nayokaki mafinga ya Moab , mpe matili ya bana Ammon, tango bazalaki kofinga libota na ngai mpe kotelema na lofundu liboso y aba ndelo na bango. ⁹ Yango wana, naza na bomoyi elobi Yawe na mapinga, Nzambe Ya Israyele, Moab akozala bo Sodome mpe bana ya Ammon bo Gomorrhe, esika ezipami na ba nzube, elanga ya mungwa, esobe pona libela , ndabu ya bato ya libota na ngai ba kopunza bango, mpe bakozua bango. ¹⁰ Etumbu wana eko komela bango mpona lolendo mpo bafingaki mpe ba nyokolaki libota na Yawe na mapinga. ¹¹ Yawe akozala Somo liboso na bango, akosukisa binzambi-nzambi nyonso ya mokili mpe moko na moko ako ngumbamela ye na mbaka na ye, na esanga moko-moko na ba mboka. ¹² Bino mpe ya mboka Ethiopie , boko betama na mopanga. ¹³ Ako sembola loboko na ye na bamboka ya likolo, nako beta Assyrie, mpe akokomisa Ninive mwana etike , mabele ekawuka bo esobe. ¹⁴ Bibwele bako lala na kati na ye, ba niama ya lolenge nyonso , bandeke ya ndenge na ndenge bako lala likolo ya makunzi ya ba ndako na bango, makelele kobima na ba maninisa, mpe bobenisami ekomi na ekuke mpo bisimbelo ya ekuke bikweyi. ¹⁵ Engumba ya esengo , evandi na kimia mpe azali koloba na motema na ye: Ngaki , kaka ngai! Tala akweyisami, ekomi ebombamelo y aba niama, bato nyonso bakoleka wana bako kamua mpe pasi na motema.