¹ Noho zany, andaiha havailantsika ny fiantomboahan'ny hafatr'i Kristy kay hagnatogno amin'ny fahamatoragna. Andaiha atsika tsy hagnambaila indraiky ny fôtotro ny fibaibahagna nohon'ny asan'ny maty ndraiky ny finoagna Zagnahary, ² na ny fôtotry ny fampianaragna mahakasiky batisa, ny famitrahan-tagnagna, ny fitsanganan'ny reo ôlogno maty, avakeo ny fitsaragna bariky dintany. ³ Hagnano zany faogna koa atsika raha ambailan-Jagnahary. ⁴ Fao tsy hay tsabogny hoan-jareo zay afa nazavaigny indrai-mandaiha zany, zay nagnandragna fagnimaizagna avy agny an-dangitry, zay nalaka Fagnahy Masigny, ⁵ avakeo zay nagnandragna ny vaolagna tsaran-Jagnahary ndraiky reo ngôvony vanim-potoagna hoavy, ⁶ naifa aveo dia lavo—tsy hay atao ny magnam-pôdy zareo amin'ny fibaibahagna indraiky. Zany dia satria nomboan-jareo hoan'ny haignin-jareo indraiky ny zanaka Zagnahary, avakeo nalaigny baraka ampahibemaso. ⁷ Fao ny tany zay misy mahalegny mazagna avy amin'ny zany, ndraiky zay mamokatra reo raha maniry ilain-jareo ôlogno zay niasagna ny tany—io no tany zay mangala fitahiagna avy amin-Jagnahary. ⁸ Fao raha mamokatra fatsiky zany, dia tsisy ilavagna azy avakeo afa marikitry ny fagnozaonagna. Ny fiafarany zany dia amin'ny firehaitagna. ⁹ Fao zahay dia resy lahatra ny amin'reo raha taigna tsara mahakasiky areo, ô tiagna, raha zay mahakasiky famonjiagna, na dia mivaolagna hotra zany aby zahay. ¹⁰ Fao Zagnahary dia tsy mbô tsy marigny kay hagnadigno ny asanareo ndraiky ny fitiavagna zay naboakanareo nohon'ny agnarany, satria areo dia nanompo reo mpino avakeo mbôla manompo zareo faogna. ¹¹ Magniry mafy zahay mbô hagnaboaka fahazotoagna hotra zany hatramin'ny farany ny tsiaraikiaraiky aminareo hoan'ny antoky ny fahatokiagna feno. ¹² Zany dia mbô tsy ho lôso kamo areo, fao ho mpangalatahaka reo zay mandova reo fampagnantenagna amin'ny finoagna ndraiky faharaitagna. ¹³ Fao tamin-Jagnahary nagnano ny fampagnantenany tamin'ny Abrahama, dia nifanta tamin'ny Haigniny Izy, koafa tsy afaka nifanta tamin'ny ôlogno taigna gaida. ¹⁴ Nivaolagna Izy nagnanjao: "Zaho dia taigna hitahy anao, avakeo taigna hampamaro anao." ¹⁵ Tamin'ny zany fomba zany, dia nahazo zay nampagnantenany tafaran'ny nandigniasany tamim-paharaitagna Abrahama. ¹⁶ Fao ny ôlogno dia mifanta amin'ny ôlogno zay taigna gaida noho ny haignin-jareo. Isaka tapitry ny fifamaliagnan-jareo,dia misy voady araiky tsabogny ho fagnamasinagna. ¹⁷ Koafa nanapa-kevitry ny hagnaboaka taigna mazava tamin'ny reo mpandaovan'ny fampanantenagna ny tsy fiovoan'ny lanjan'ny tanjony Zagnahary, dia namiany antoko tamin'ny voady zany. ¹⁸ Natany zany biaka ho amin'ny alalan'ny raha tsy azo soafagna aroa—zay tsy hain-Jagnahary ny mavandy amin'ny zany—dia hanagna fampaheraizagna mantanjaka mbô hitanagna mafy ny fahatokiagna zay nambaila teo agnatraihantsika, atsika, zay nilaifa mbô hanagna fialofagna. ¹⁹ Managna zany toky zany atsika ho aroa ndraiky vatofantsiky azo hiankinagna hoan'ny fagnahintsika, fahatokiagna zay miditry ao amin'ny fitoeragna agnatiny ao ambadiky ny lamba. ²⁰ Jesôsy niditry tao amin'ny zany fitoeragna zany hotra ny mpialaoha lalagna hoantsika, kay tonga mpisoronabe bariky dintany magnaraka ny fomban'i Melkizedeka.